NEHEMIA 8:3 - Sumi Naga CL (Re-edited) Bible (BSI)

³ Pa no Azü Khagho zülo puthughope kobidi küdau juno inaqhe no puchomghü kutolo kiptimi, totimi eno vethakulumi kümtsü lau phisü. Eno timi kümtsü no akini kughope tsaqüi Ayezah Kaku inie.

BAIBEL (BSI)

³ Ti khagho phivilo kodibo akeu lono pano inaqhe tsukutho lono avela kutolo Ayezah phipe panongu piye eno panongu kumtsuno amlo tsuqhiyi iniluke.

NEHEMIA 8:3 Iomraidhean Croise

NEHEMIA 10:29

kümtsü no pano thiküzümi, sakiphemi gholo küqhano müsüini keu shoqhi shike, ti ye Alhou Yezah khikhi Alhou qeu Moses vecheo tsü keno tipau kiqi lono chewuni kehu, eno Ampeu ni Mpeu zakütsü ngo akhuaye kümtsü papeni kehue.

NEHEMIA 13:1

Tipani panongu no Moses kaku lono timi kümtsü zülo phisü. Tile Ammonmi ngo Moabmi ye khilemu Alhouw kuküsü hoho lo iloghi pemo nike yepüaghi keu ithulue.

NEHEMIA 8:1

Timi kümtsü no Azü Khagho zülo kobidi-a lo lakhishi kumqo. Panongu no Ayezah kiyeu Ezra vilo Alhou no Moses vecheo Israelmi tsükeu Ayezah kaku pesü ighilo pi.

NEHEMIA 8:18

Tsalakipetsü atüghüu tsala lono ashekha kutolo pa no Alhou Yezah kaku lono phisü. Panongu no apusho ghulhu atsala tsüni kutolo ikhilu eno akütacheni ye azah tsü püake toi, mishi no kumqolu.

NEHEMIA 8:4

Tipani ghenguno mla püakeu asü khache lo Ezra no puthugho. Pa u ajeu no Mattithiah, Shema, Anaiah, Uriah, Hilkiah, eno Maaseiah no puthugho, eno pa u piyiu no Pedaiah, Mishael, Malkhijah, Hashum, Hashbaddanah, Zechariah, eno Meshullam no puthugho.

NEHEMIA 8:5

Timiqo no ithulu ghi Ezra no kaku lhaphe, kughengu pa no kümtsü nguno qhemghai keu lo puthugho ake. Pa no kaku lhaphe kemtsa kümtsü no puthughove.

Mark 12:37

David ampi no pa vilo Ampeu ipiche ke kishino pa ye pa nue pini kea?” Aqokitikhi no amlo kiqishi ti chiluve.

Luke 19:48

ikemu aqokitikhi no pa tsa phemono ini kimighe akehu panongu ye kiumu shimla no ae.

Luke 8:18

Tighenguno nongu ye kishi chilu cheni keno tsaqüi shilo, kughengu khuu no aghini keno alau shi tsü nani, eno khuu no aghi moni keno, pa no kiu anie pi kümsü cheni keno, tiu ghi luve tsü nani.”

Apostolmi 13:15

Moses Yezah eno Tungkupmi kaku phisü kethiu sinagog lo yepemi no pama lau atsape tsüpuwu, “Athiküzümi, nokujo no timiqo shikumto kepu tsa aghi aye pilo.”

Apostolmi 13:27

Kughengu Jerusalem lo küami eno pano yepemi no pa ye khuu keno michi mlave, eno Sabbath atsütsü tungkuptsa phisü chekeu panongu no vethamla no Jisü kileve keu vecheo ti shikupuve.

Apostolmi 15:21

Kughengu khaghi tiqheli lono aphughi kümtsü lo Moses Yezah sheshu ighivae, eno Sabbath atsütsü sinagogqo lo phisü acheni.”

Apostolmi 16:14

Ningu tsa chilu kemi totimi lakhi ye Thyatira ghami Lydia, hughaike phimini jeche kemi, li ye Alhou kümllami. Ampeu no li mlo xükho tsüno li pelo Paul no pikeu lo amlo tsüqhiyi lupe.

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

Apostolmi 20:11

Tishino Paul no kunguu ikuve no achuqupu chuve kethiu, tsütho moke kutolo küptsa ano cheve.

Apostolmi 20:7

Apine kithe lo atsala atüghüni, ningu no aghulhu shiniye kumqo akelo, Paul ye thoghiu wuve niye akehu pa no timiqo sasü küptsa anipi zübumta kutolo süpushuve.

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

ZAKINIU 31:9

Tithiu Moses no Ayezah hipau yepe Ampeuw Puloshoqhi bohu kipemi Levimi ngo Israel sakiphemi tsüve.

1 Thes. 2:13

Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

JOSHUA 8:35

Ahoho lo Israelmi akemi, totimi eno itimi ngo kachenami kümtsü lau Moses no azah tsükeu lakhimu qhimono Joshua no kümtsü phisüe.

Piyeküsü 2:29

Khuu no akini ani keno Aghungu no akukuhouqo lau piakeu chilulo.

Piyeküsü 3:22

Khuu no akini ani keno Aghungu no akukuhouqo lau piakeu chilulo.’”