NEHEMIA 7:5 - Sumi Naga CL (Re-edited) Bible (BSI)

⁵ Tithiu sakiphemi ngo hiyampemi eno timiqo kukütsü no pano lagha kughuko kiqi lono aje yekithi penike I Lhou no I lolo müzüsü tsü. Khunono atüghüu shi ideighi keno, tipaqo je yepüa keu kaku I no phulu, tile ishi yepüaghi:

BAIBEL (BSI)

⁵ Alhou no timiqo panongu sakiphemi eno hiyam mi kukutsuno pano limi laghaqo kughuko yekithikeu pasu lheju penike ilolo muzusutsuke. Ino khunoqono akughu lono ideighi keno panongu je paghi yelu eno hitoi ino phuphelu:

NEHEMIA 7:5 Iomraidhean Croise

EZRA 2:62

Khunoqo no alagha dolo aje akikihi lo süpüa keno phuju, ikemu panoqo ye tile aghi move, ikehu panoqo ye akimthe kumoe pi achine kümla lono kilepheve.

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

NEHEMIA 5:19

O I Lhou, I no timi hipaqo ghenguno mla tsükeu I kivi kümsülu tsülo.

NEHEMIA 6:14

O I Lhou, Tobiah ngo Sanballat pama no hitoi shike ghenguno pama kümsülu lo, eno tungkupliu Noadiah ngo tungkupmi khunoqo I shikümsa niye shikeno panongu ghi kümsülu lo.

NEHEMIA 7:4

Jerusalem ye ighono kije ikemu tile küghüna akemi ye kihikulu, eno aki lakhimu shiqhe kithe mono ae.

NEHEMIA 7:64

Hipaqo no panongu ghi alagha kughuko lo pano je phusü ighi kemu pano je kühave aghi, tighenguno panongu ye achine kümla lo mithekumo kepi kileve.

AHOLE 2:6

Kughengu Ampeu no alokütsü tsücheni; Pa kichi lono akighithi ngo vethakulu ipeghi cheni.

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

2 Kor. 3:5

Ningu ampi no ningu ye hi shikulupu anie pi pükha amoe, ikemu nino shikulupu akeu ye Alhou launo ke,

2 Kor. 8:16

Alhou shikimthie, Pa no Titus mlo lo I no nongu ghenguno alomsü chekeu atho sütsü ke.

Kolosiami 1:29

Hi ghenguno ni ye Khristo no I lolo sütsü keu kumto kümtsü pesü aghime shi mla cheni.

James 1:16

I qhuu athiküzümiqo, nongu pishiqhivepe kevilo.