NEHEMIA 6:16 - Sumi Naga CL (Re-edited) Bible (BSI)

¹⁶ Kughou ni ghümi kümtsü no hi chilu keno, shiye ni hokümxa lo küami kümtsü msave eno panongu nguagha ye shishe thibuive, kughengu akümla hi ye Alhou kukuphu lono kepi panongu no ithive.

BAIBEL (BSI)

¹⁶ Kughou ashiayeh ni hokumxalo kuami nighumiqono ti chilu keno panonguye kujove kughengu akumla huye Alhou kukuphu lono mlave kepi panonguno ithive.

NEHEMIA 6:16 Iomraidhean Croise

NEHEMIA 2:10

Ikemu akükau qemi Horonmi Sanballat ngo Ammonmi Tobiah pama no timi khami Israelmi kivipu ghenguno mlani ye ighi ani pi kelo ighono amlo qimove.

NEHEMIA 4:1

Kughou ningu no akupuwu kümla shithuvae pi Sanballat no chilu keno pa ye amlo ideve eno Jewmi thaigha junuqhi.

NEHEMIA 4:7

Ikemu kughou Sanballat, Tobiah, Arabmi ngo Ammonmi eno Ashdodmi no ningu no Jerusalem kupuwu kümla lo ajuiche akeu, eno akupuwu hephove keqo mekhave akeu chilu keno, panongu no ighono amlo ideve.

NEHEMIA 6:17

Tinguno alau, tipa ghuloki lo Judah lo sakiphemi ngo Tobiah dolo yesü kutomo yekili cheke.

LESHELE 109:27

Hi ye O u kepi panoqo pelo ithi pelo; O Ampeu, Nono hipau shive ake.

LESHELE 126:2

Kunuvüqai keu no ni kichi chhitoive, eno ni kichi lo alokivi ghügha no chhitoi ke; tileno shiyeqo dolono ishi pi, “Ampeu no pano ghenguno thime kije shive tsüae.”

LESHELE 129:5

Zion mithi chekeqo kümtsü akukujo lo ilove no idechile wove pelo!

LESHELE 147:2

Ampeu no Jerusalem shiqhe cheni; Pa no Israelmi hapheve kemi hekütsü cheni;

IPEKULU 14:25

khurkulu pukhuqo mevetsü kehu panongu ye sawu mlave. Eno Egyptmi no pi, “Ningu Israelmi zülono poveni nolo, kughengu Ampeu no panoqo züqhushi Egyptmi mjochile anie.”

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

AKIKIHI 23:23

Kughengu Jacob shou pipütha keu kiumu kühae, momu atumu kiumu kühae; itehi ye Jacob ngo Israel vilo pi nani, ‘Alhou no kiu shitsü keno julo!’

Apostolmi 5:38

Ikehu hipa vehu lo ghi, I no nongu vilo piani, timi hipaqo kishi shive pelo eno panoqo phevelo, kughengu hipa kukughu momu akümla no timi launo ighikeu shiaghi aye hauve nani;

JOSHUA 2:11

Nino ti chilu kemtsa ni mlo hauve eno nongu kümsa no timi khumu aghungu aphi ije move, kughengu nongu Mpeu Alhou no kunguu atsütsü lo ngo aqhou ayeghi lo Alhou ke.

JOSHUA 2:9

eno pama vilo pi, “I no ithivae Ampeu no hipa yeghi pe nongu tsüvae, nongu msakeu no ningu shou ikughivae eno ayeghi lo küxümi kümtsü no nongu zülo ikiqive ani.

JOSHUA 5:1

Jordan ghoki kulolau Amorimi kükami eno azüghi mkülo Canaanmi kükami kümtsü Ampeu no Israelmi no Jordan kathalu mphi kutolo Ampeu no qhaive tsükeu sütsa chilu kemtsa, panongu mlo hauve eno Israelmi ghili kümsüpe aghungu aphi ije move.