NEHEMIA 5:13 - Sumi Naga CL (Re-edited) Bible (BSI)

¹³ Ni ghi I phishe sükini ghi pi, “Khuu no ashoqhi hipau pemoni keno, pa ki eno pa kümla lono Alhou no hitoi pa kilhe phepe abokümsa shive peniu.” Hohomi kümtsü no “Amen” ipi eno Alhou sheqhe. Eno timiqo no panongu tsa shikupuve.

BAIBEL (BSI)

¹³ Tithiu ino apokha yi kuqhopheno sukinighi pi, “Hitoi khuno nongu shoqhi qhimoveni keno Alhou no ishi nongu no pighi akeu kumtsu pewuveno kiumu qhipe nongu tsumove nanie.” Tilehi ngo akemi kumtsuno pi, “Amen!” eno AMPEU akishe tsu. Sakiphemino panongu shoqhi peluke.

NEHEMIA 5:13 Iomraidhean Croise

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

YEKIKITHI ATUGHIU 16:36

Israel LhouAMPEU lau pülhapuju lono pülhapuju lo kümgha keu alo!” Tithiu timi kümtsü no, “Amen!” ipi no Ampeu sheqhe.

NEHEMIA 8:6

Ezra no Ampeu, akughushu Lhou sheqhe eno timi kümtsü no au peqheno khochile, “Amen, Amen.” Panongu no akütsü pishiqhope agi no ayeghi daluve no Ampeu mllae.

LESHELE 119:106

O mikucho pimheye pape nike I no ashoqhi lakhi shino tipau shikupu luvae.

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

LESHELE 76:11

Ampeu O Lhou vilo kiu shinie pi püani keno shilo; akupunu lo akeqo pelo khuu sümsa masa keno Pa lau agho süghi pelo,

AHOLE 28:4

Ayezah pemono qhive kemi no kixikilami sheqhe cheni, ikemu ayezah peche kemi ye kixikilami mjochile cheni.

YETSAPIU 5:5

Piqhive no shimove keu ye piqhi move keu pavie.

AKIKIHI 5:22

Angusü süghi chekeu zü hipau no o kive lo ilo no o puqho ngo o phimpi inguuve peni.’ Eno atotiu no khochileni, ‘Amen, Amen.’

MATTHEW 10:14

Tsala khunomu nongu sasümo momu nongu tsa ini tsümo aye, nongu no aki momu aphughi tipau qhive no ipeche kelono nongu pukhu lo ayeghimkhu ikuve keu ghi kukhu qhivelo.

Apostolmi 13:51

Pama no panongu ghutu keu shi apukhu lono ayeghimkhu kukhu qhive no Iconium lo wuve.

Apostolmi 18:6

Jewmi no pa küla eno pipütha kelo, Paul no pa phimini kuthove no pi, “Nongu ji no nongu kütsü lo ikughi nani! Ni ye akipimi kühae. Hinguno hilau ni ye Jewkumomi lau wuniae.”

1 Kor. 14:16

Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?

SAMUEL ATUGHIU 15:28

Samuel no pa vilo pi, “Ishi no Ampeu no Israel kükaqha o launo kubove tsüae eno Pa no tipau pesü o kisüghüu lakhi o nguno akiviu tsüvae.