NEHEMIA 5:10 - Sumi Naga CL (Re-edited) Bible (BSI)

¹⁰ Itaghi, ni eno I thiküzümi ngo I qemi no timiqo pisa ngo athi pünatsü ani. Ningu akighishe lukeu lhoaye hipau qhiveni nolo.

BAIBEL (BSI)

¹⁰ Ni, ikusamiqo eno iqemiqo launo timiqono pisa eno athi nalu puani. Itehi ninguno panongu lau akuna kighishe qhive tsuni.

NEHEMIA 5:10 Iomraidhean Croise

NEHEMIA 10:32

“Ampe atsütsü lo ningu lakhikhi no ghükayi gram pungu achineki vehupu ghenguno tsüni:

NEHEMIA 5:11

Ishi tsala lono pano lu, atsailu, Olive ghutu, eno aki tsüchileve lo, eno panongu launo pisa, athi, atsaizü, eno thazü lo akighishe lupüa keqo tsüchileve lo.”

NEHEMIA 5:7

I no kümsü tsaqüi luve paghi no sakiphemi ngo hiyampemi nguku ghi pi, “Nongu ye kushiye pütüta thiküzümi launo akighishe luani kea?” Eno I no mishi hoho lakhi kusü no panongu ngukube,

NEHEMIA 5:9

Ikehu I no pi, “Nongu no kiu shi ani keno küqü ani. Ni ghümi no ni thaigha pemoni ke nongu ye ni Lhou sükümsa lono chekepue.

LESHELE 15:5

khunono akighishe lono paw pisa püna chemo eno pimihami lau külügho luchemo keno; hitoi shiche kemi ye khilemu süküghüthave mla nani.

ISAIAH 58:6

“Ikemu kümvü keu lono kixikila küxü kütsügha lono kuqhophe luve aye, eno kütami shou kuokhasü kuqhovetsü aye, eno nedaqodave kemi khaqhi pheve aye, eno ayikichhe jeli kümtsü ikhivetsü aye, hitoi kümvü keu no I pulou ke kumo keshea?

EZEKEL 18:13

akighishe lono püna, ala lu cheghi aye, pa ye xülu nani keshea? Pa ye xümo nani. Pa ye aphikümqhüpu hi kümtsü shivae; pa ye mtsüqheino thinani; pa ji ye pa ampi shou anani.

EZEKEL 18:7

khumu shikughujumo, ikemu apiagha kupumiw aküna shoqhi tsüchileve, kiumu pükamo, pa sho pesü müzüthi akemi tsü eno aphimini pesü aphikümsa shi akemi pipe,

EZEKEL 18:8

akighishe lono pünamo momu ala kiumu lumo, achipikumo lono pa u süchile luve, timi dolo kuchou xakütha shitsü,

MICAH 2:1

Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.

2 Kor. 5:11

Tighenguno, Ampeu sükümsa ye kiu keno ningu no ithi ani kehu nino timiqo züiza cheni. Ikemu nino kiu keno Alhou no ithi ani eno I no laju akeu no nongu ghi ni ithi aghi nani ke.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

ZAKINIU 15:2

Hipa gholau no shini: akisüghüu püna püaghi kelo apiashe qhive tsüni. Pa ye pa kisüghüu, athiküzümi launo ti lumoni, kughengu AMPEUw kuqhokiphe ye sheshuve ake.