NEHEMIA 4:14 - Sumi Naga CL (Re-edited) Bible (BSI)

¹⁴ I no jukuto apüzü ithu no sakiphemi eno hiyampemi ngo timi kümtsü vilo pi, “Panongu msa kevilo. Ampeu khuu no kije eno akümzapu keno, Pa kümsü lulo eno nongu thiküzümi, no tianuli, anipu, eno no kungo kiqo ghenguno aghü shilo.”

BAIBEL (BSI)

¹⁴ Timiqoye ta amlo ime akeu ino ithive tighenguno ino panongu vilo pano sakiphemiqo eno hiyam kumlamiqo vilo pi, “Nonguye nighumi msa kevilo. AMPEU ye kiu toi kije eno akumsapu eno noghakhumi ghenguno, no nuliqo no nipuqo eno no thikuzumi ghenguno kichighi nanike.”

NEHEMIA 4:14 Iomraidhean Croise

SAMUEL AKINIU 10:12

Amlo mtolo, ningu ye niw timi, ni Lhouw mishighünaqo ghenguno amlo mtoni, Ampeu no kiu akivi keno shipeni.”

YEKIKITHI AKINIU 32:7

“Mtotoi eno amlo kumto shilo. Assyria kükau ngo pa gholo hi amqo shishe kije chekeqo jupe msa kevi momu aghüthisü kevilo, kughengu pa gholo chekeu nguno akichiu ningu gholo ani.

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

JOB 37:22

Ameshoyi mülapui keu toi ahuu no Alhou kükanguagha no Pa vehope ighie.

LESHELE 143:5

I no khaghi tsala kümsülue; Nono shikeu kümtsü I no kümsüputho ju; O u lo kümlaqo I no kümsükuto juke.

LESHELE 20:7

Khami no khurkulu eno khami no khurshi shou pükhübe cheni, ikemu ningu ye Ampeu ni Lhou shou pükhü cheni.

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 65:5

O ni xakulu Lhou; ayeghi eno azüghi kümtsüw lajupu, Nono akighiche kümla vecheo amikucho pesü ni khochile ke;

LESHELE 66:3

Alhou vilo pilo, “O kümlaqo ye kishi akümzapu kela! O küka ye ighono kije kehu O ghümi no itsaqi O lau ighie.

LESHELE 66:5

Alhou no kiu mlave tsü akeno ighi no julo: timi nuliqo lau Pa no mla tsükeu ye akümzapu ke.

IPEKULU 14:14

Ampeu no nongu ghenguno aghüshi nani, nongu ye iqünhei ngoke likhi shikepue.”

IPEKULU 14:25

khurkulu pukhuqo mevetsü kehu panongu ye sawu mlave. Eno Egyptmi no pi, “Ningu Israelmi zülono poveni nolo, kughengu Ampeu no panoqo züqhushi Egyptmi mjochile anie.”

YETSAPIU 12:1

Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

DANIEL 11:32

Pa no amqü shino khunoqo no puloshoqhi hexave keno panoqo züiza luve nani, ikemu timi khunono pano Lhou ithi ani keno pano ye akumto shi puthugho no mjochile nani.

ZEKHARIA 14:3

Tithiu Ampeu no aghüshi tsala lo küpüghü cheke toi wuno shiye hupaqo küpüghü nani.

AKIKIHI 14:9

Ampeu hebide keu likhi shikevilo. Eno tilau xüküami msa kevilo, kughengu nino asho chu akeshi mlalei pano munove nani. Ampeu no ni gholo ani, eno panow sükusho ye ikhipe wuvae; panongu msa kevilo.”

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

ZAKINIU 1:21

Ampeu ni Lhou no nongu zülo ayeghi ikhiphetsü ani. Ampeu nongu puasü Lhou no nongu vilo pike toi wuno now shilulo. Msa kevi momu alomtshü kevilo.’

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

IBRIMI 13:6

Ikehu ningu ye amlo kumtoshi pilu nani, “Ampeu ye I kukuphuu; Ni ye msavemo nani; Timi no I lau kiu shiluni kea?”

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

XAKUTHAMI 3:27

Kughou pa no Ephraim ghakhu toghi tolu keno afuko ighape Israelmi kütüghü. Tileno Israelmi no ato ghakhu lono pa gholo iqi, eno pa no panoqo sakipheu shive.