NEHEMIA 2:19 - Sumi Naga CL (Re-edited) Bible (BSI)

¹⁹ Kughou Horonmi Sanballat ngo Ammonmi aqeu Tobiah eno Arabmi Geshem pano küthü no chilu keno, panongu no ni junuqhi eno thaigha ghi pi, “Nongu ye kiu mla anie pi ania? Nongu ye akükau hebide ani keshea?”

BAIBEL (BSI)

¹⁹ Kughou Sanbalat ngo Tabia eno Arabmi Geshem pano kuthuno ni kukughuqo ithive keno panonguno ni junuqhi eno ishi pi, “Nonguye kiu mla anipi kumsu ania? Nonguye akukatou hebideniye ani keshea?”

NEHEMIA 2:19 Iomraidhean Croise

NEHEMIA 13:28

Achinetou Eliashib nu Jehoiada nuli dolo lakhi ye Horonmi Sanballat makishiu, Ikehu I no pa hapupove.

NEHEMIA 2:10

Ikemu akükau qemi Horonmi Sanballat ngo Ammonmi Tobiah pama no timi khami Israelmi kivipu ghenguno mlani ye ighi ani pi kelo ighono amlo qimove.

NEHEMIA 4:1

Kughou ningu no akupuwu kümla shithuvae pi Sanballat no chilu keno pa ye amlo ideve eno Jewmi thaigha junuqhi.

NEHEMIA 6:6

Yesü hitoi yepüaghi: “Shiyeqo dolo kügha ani, eno Geshem ghi pi anike no eno Jewmi ye hebide nike kughu ani; tighenguno nongu ye akupuwu shiqhe ani. Eno atsa chikulu kiqilo nono panongu kükau shiniye ani.

NEHEMIA 6:9

Panongu ye ni shikümsa niye ishi kümsü ae, “Panongu ye au süchile niae eno akümla kishekha lumoae.” Ikemu, O Alhou, itehi I shikumto tsülo.

JOB 30:1

“Ikemu itehi ye I nguno ayitiuqo no I junu ani, panongu papuqo no I mbeloji kheche keu atsüqo gholo ngonie pikeu ghi ni ye pulo moni cheke.

LESHELE 123:4

Ililai xü akemi no thaigha keu aqheküzami no küthakügha shikeu ni ngulho no lukümkha shi xapuvae.

LESHELE 79:4

Ningu ye ni cheaxümi zülo atichepu shivae, ni sümxape akeqo no junu eno pipütha anie.

LESHELE 80:6

Nono ni kisüghümi pelo ni ghenguno kohakishi peke, eno ni ghümi no pano dolono ningu junuqhi ke.

LESHELE 80:7

O aqokitikhi Lhou, ni thoputho tsülo; O gi küvü yepüvü tsülo, tishiaye ningu ye xaluve nani!

ISAIAH 36:5

Akichi lo likhino pikeu tsa pesü no ye aghüshi kukughu shi ani keshea? Itehi no ye khuu pükhüpe I mjochile ani kea?

JEREMIYA 20:8

Kughou I no atsa pini keno, ni ye ighamku, “Hekiqhi eno kütsakungo” ipi cheni! Kughengu Ampeu tsa ye I ghenguno tsala kupuju atiche eno cheqhi keu ke.

JEREMIYA 41:10

Tishino Ishmael no Mizpah lo timi kümsü küghaluve, akükau ngaqo eno Mizpah lo ghükulumi kümtsü sawuve; hipaqo ye zatsüu Nebuzaradan no Ahikam nu Gedaliah qholo qhivetsü keqoke. Ishmael no hi kümtsü küghaluve no sasü Ammonmi küdau ikuve.

MATTHEW 9:24

pa no pi, “Wuvelo, kughengu anga ye züani thono thimphi.” Panoqo no numighei shi pa jukünatha.

Mark 5:40

Panoqo no numighei pa jukünatha. Ikemu pa no timi kümtsü khalau pipeve no anga puaza ngo pa gholo kichemi ishi sasü anga no khile akeno achebo lo ilo.

Luke 23:2

Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

John 19:12

Tileno Pilate no pa kuqhophe niye pükapütsa. Ikemu Jewmi no igha kithe pi, “Nono timi hipau kuqhopheve aye, no ye Caesar küsau kumoe! Khuu no pa ampi pesü akükau ipi cheni keno pa ye Caesar mjochile ani.”

Apostolmi 24:5

Timi hipau ye aküsü kupuu toi ayeghiqha lo Jewmi kümtsü gholo aküküpna xukutho cheni, pa ye Nazarethmi mqo lo atou ke.

IBRIMI 11:36

Khami ye ghushoqhi eno heqhi buqhi, tshüluve eno akughu shive.