NEHEMIA 2:14 - Sumi Naga CL (Re-edited) Bible (BSI)

¹⁴ Tishino I no Azüpuki Khagho ngo Akükau Zükikhe lo wu, ikemu tinguno tilau ye I no sachekeu khurshi ghenguno wukepu la kühave.

BAIBEL (BSI)

¹⁴ Tithiu aphughi kipela kudau ino ahuu Azupuki Khagho eno Akukau Zukikhe lo wu. Tinguno tilauye ino ikuche keu gadahaye xinexughano tulepiniyi akeqo vechesu wukepu la kuhave.

NEHEMIA 2:14 Iomraidhean Croise

KUKAMI AKINIU 18:17

Assyria kükau no Tartan, Rab-saris, ngo Rabshakeh, gholo ghüshimi kütsasa Lachish lono Jerusalem lo akükau Hezekiah lau puwu. Kughou panongu no Jerusalem lo ighi keno, panongu no Aphikighishimi Luza kuwula lo azüla khikhi azükhe lashou lono ighi ani keno tile wu.

KUKAMI AKINIU 20:20

Hezekiah kümla küghütha kütau eno pa kumto ghili kümtsü eno pa no kishi ayizükucho mla eno azüla ghesü no azü sasü mishighüna lo ighi keno, tipaqo ye Judah Kükami Yekikithi Kaku lo yepüani ke kumo keshea?

YEKIKITHI AKINIU 32:30

Hezekiah hipau no Gihon züpuki lashou mikeve tsüno azü pelo David phughi kulolau qoiqive peke. Hezekiah ye pa kümla thokha lo tokulu shie.

NEHEMIA 12:37

Azüpuki Khagho lono panongu no David phughi lo iqho chekeu nepa lo vejoi cheiqho eno David kükaki vechesü kipelau Azü Khagho lo wuve.

NEHEMIA 3:15

Col-hozeh nu Shallum, Mizpah cheaxü lo yepeu no Azüpuki Khagho mla kitheve. Pa no ti shiqhe kithe no khonhave, piphi boqhasü qhave eno ahukikhaqo ngo tipau vüdayi ngo akhaduqo mla süve. Pa no akükau ghutu lo Shelah Zükikhe kupuwu mlave, eno David phughi lo iqicheke laghi kutolo mlave.

NEHEMIA 3:16

Bethzur cheaxü tüxa lo yepeu Azbuk nu Nehemiah no David kumo kuqho-a ghüngüu alahiu zükikhe ngo akumto ghüshimi kungoki kutolo mla kitheve.

YETSAPIU 2:6

I zükhe mla no tipau lono asübo thuwu akeqo lo azü sükepu shi.