NEHEMIA 13:10 - Sumi Naga CL (Re-edited) Bible (BSI)

¹⁰ Levimi ghenguno achuqupu pekütsü chekeu panongu tsümove keu lono Levimi ngo alephemi achineki lo mla chekeqo ye pütüta lu chiwuvae pikeu ghi I no chilu.

BAIBEL (BSI)

¹⁰ Ino highi chilu, ike achinekilo alekiphemi ngo Levimi kutami qoye Jerusalem lo ngomoveno panoqo lulo wuve aghi, kughengu timiqono chukumkha panongu tsumove aghike.

NEHEMIA 13:10 Iomraidhean Croise

YEKIKITHI AKINIU 31:4

Hezekiah no Jerusalem lo küami vilo achinemi ngo Levimi saje tsülopi azah tsü, tishianguno panongu pelo amlo tsüqhiyi Ampeu Yezah lono mla peniye ke.

NEHEMIA 10:37

Athi atüghüu lono asho kunu keu, alulo pekighi qhasü keqo, asübo jeli lono axathiqo, atsaizü eno thazü, kümtsü Alhou chineki chebo lo, achineu lau pewuni. Ayeghi lo pekighi thaqhü chighi saje ye Levimi lau pewuni, kughengu Levimi no ni phughi kümtsü lo chighi saje hekütsü cheni ke.

NEHEMIA 10:39

Israelmi ngo Levimi no athi, atsaiji eno thazü qhakütsü chekeu pesü abohu qhiche keu chebo lo ighini. Achebo tile ye achineu ngo khagho khemi eno alephemi ghi ngo cheni. Ningu ye ni Lhou ki kughucho moni.”

NEHEMIA 12:47

Zerubbabel ngo Nehemiah pama ghuloki loye alephemi ngo khagho khemi ghenguno Israelmi kümtsü no tsalakipetsü achuqupu tsüche; eno panongu no Levimi saje ikhithape qhitsü; tihutoi Levimi no Aaron nuli saje ikhithape qhitsü cheke.

ISAIAH 43:23

Nongu ye I lau akipti kümllagho shi nongu mbe tsümoe; eno aghashi pesü I gihu moe. Ni ye akümllagho tsülopi nongu pünaqhi püamoe, momu müsüghüta tsülopi nongu züpüzü püamoe.

MALAKI 3:8

Timi ye Alhou pükaqhilu nani keshea? Ikemu nongu no I pükaqhi ke. Ikeghi nongu no pi, ‘Ningu ye kishi O pükaqhive kea?’ Nonguw chighi saje eno akümllagho lono ke.

AKIKIHI 35:2

“Israelmi vilo panongu mheghi lono aphughi hami eno tipa sükümxa lo achu kümza yeghi hami pesü Levimi tsülo pilo.

ZAKINIU 12:19

Hi ithilo, nongu no xüake tivilo Levi laghami kughucho kevilo.