NEHEMIA 12:31 - Sumi Naga CL (Re-edited) Bible (BSI)

³¹ Tishino I no Judah lo sakiphemi sawo akupuwu kütsüqa lo kumqo eno shikimthikütsü ghenguno alephemi amqo kini pichebeve. Amqo lakhi no akupuwu apeu Xine-xigha Khagho lo wuve.

BAIBEL (BSI)

³¹ Ino Juda lo sakiphemi sawo akupuwu kutsuqalo kumqolupe eno panongu pelo Alhou shikimthi ghi aphughi homxani kemi amqo kijeje kini shou ampemi shipe. Atughiu muqono akupuwu kunguuno ajeu kudau chesu Xinexugha Khagho kudau wupe.

NEHEMIA 12:31 Iomraidhean Croise

YEKIKITHI ATUGHIU 13:1

David no qhethonhe shou, aqhe shou zatsümi lakhikhi sasü küsütsa,

YEKIKITHI ATUGHIU 28:1

David no Israel lo kijemi, alagha lo sakiphemi, amqo jeli lo atomi, qhethonhe eno aqhe zatsümi, akükau ngo pa nuli gholo kükaki lo ampemiqow tinhemgha eno pichepighi jukükütsümi, akumtomi eno aghükivimi, kümtsü Jerusalem lo kukumqo.

YEKIKITHI AKINIU 5:2

Tithiu Solomon no Israel lo sakiphemi ngo ashiaye lo akütsüqo eno alitomi ishi Jerusalem lo kusü, ti ye David phughi lo, Zion lono Ampeuw Puloshoqhi Bohu pesü ighi nike kuto.

NEHEMIA 12:32

Hipaqo no panongu papesü wu: Hoshaiah ngo Judah lo sakiphemi tüxa,

NEHEMIA 12:38

Shikimthi tsükemi mqo lakhiu no ahuu wuve, eno I no amqo tüxa sasü panoqo pape. Ningu no Amiphoki Qoghe hechesü Aliwo Akijeu lo wu.

NEHEMIA 12:40

Ikehu shikimthikütsü lephemi mqo kinikujo achineki lo puthugho luve, eno ni eno hiyampemi tüxa no I gholo ngove;

NEHEMIA 2:13

I no aphughi qhive no Akhila Khagho vechesü Dragon Züpuki lono Xine-xigha Khagho lo wuno aphughi kupuwu ipopinyive keqo eno ami no pitive keu khaghoqo xujue.