NEHEMIA 12:27 - Sumi Naga CL (Re-edited) Bible (BSI)

²⁷ Jerusalem kupuwu ikhiphekütsü tsalani panongu no Levimi a-a kümtsü lono Jerusalem lo saghi, tishianguno pano pelo küghapayi, aheo eno akighilebo pesü shikimthikütsü eno alekiphe vecheo alokivi shi ikhilu peniye ke.

BAIBEL (BSI)

²⁷ Kughou Jerusalem phughi kupuwu shikimthe keno Levimi a-a kututalo akemi saighi eno panongu pelo shikimthikeu leqo alebo eno akighilebo lono ale phepe shikimthe ke.

NEHEMIA 12:27 Iomraidhean Croise

SAMUEL AKINIU 6:12

“Alhouw puloshoqhi bohu ghenguno Ampeu no Obed-edom kibolomi eno pa no aghikeu kümtsü kümghave tsüae” ipi akükau David vilo pive. Ikehu David no Obed-edom kilo wuno alokivi shi Alhouw puloshoqhi bohu pesü David phughi lo ighive.

KUKAMI ATUGHIU 8:63

Solomon no amshitsü 22,000 eno ambe lakh lakhi qhethonhe muku pesü külakishi kümllagho tsü. Hitoi akükau eno timi kümtsü no achineki ikhiphekütsü shilu.

YEKIKITHI ATUGHIU 13:8

eno David ngo Israelmi kümtsü no alokivi shi Alhou zülo ahe-agho pephe ale phe, eno küghaküsü lebo, aheo, amqü, küghapayi ngo afuko küighasü che.

YEKIKITHI ATUGHIU 15:12

no panoqo vilo pi, “Nongu ye Levi lagha lo alimi sakiphemi ake, tighenguno nongu ampi eno no thiküzümi kishekimthe lo, eno Israel Lhou Ampeuw Puloshoqhi Bohu pewo I no kuto püake-a lo qhikepu shilo.

YEKIKITHI ATUGHIU 15:16

David no itaghi alokivi ghügha süqheni kehu Levimi sakiphemi vilo pano thiküzümi dolo alephemi khunoqo no alebo jeli, aheo, küghaküsü lebo, küghapayi, küigha cheni keno panongu süsü penike azah tsü.

YEKIKITHI ATUGHIU 15:28

Hitoi shino Israelmi kümtsü no iqhaighu akibo, afuko, küghapayi, aheo, eno küghaküsü lebo ghügha gholono ale phesü Ampeuw Puloshoqhi Bohu peighi luve.

YEKIKITHI ATUGHIU 15:4

Pa no Aaron ngo Levi laghami kukumqo:

YEKIKITHI ATUGHIU 16:42

Heman ngo Jeduthun pama ye Alhou kimthe lekiphe lo peitha kepu afuko eno küghapayi peche. Jeduthun laghami pesü khagho kikhelo süküsü shive.

YEKIKITHI ATUGHIU 16:5

Asaph pesü atou shi, akiniu no Zechariah, Jeiel, Shemiramoth, Jehiel, Mattithiah, Eliab, Benaiah, Obed-edom, eno Jeiel, panongu ye akighilebo ngo aheo ghi küighani kemike; eno Asaph no küghapayi küighani keu shie,

YEKIKITHI ATUGHIU 23:5

4,000 no khagho khemi, eno 4,000 no alebo I no Ampeu sheqhe nike ikhiphetsü keqo pesü Ampeu shipilini.”

YEKIKITHI ATUGHIU 26:31

Hebron laghami dolo khuno khuno limi shi aghimu tipaqo shou Jerijah no atou shivepe. (David yepe mpe lhoabidiu lono Hebron lagha lo phuithai ighono shitsami phuju kelo panoqo ye Gilead lo Jazer lo acheghi).

YEKIKITHI AKINIU 29:25

David ngo akükau tungkupu Gad eno tungkupu Nathan zakütsü kiqi lono pa no Levimi pelo küghapayi ngo akighilebo jeli pesü Ampeu kilo ngope, ayezah hi ye tungkupmi vecheo Ampeu launo ighike.

YEKIKITHI AKINIU 29:30

Akükau Hezekiah ngo hiyampemi no Levimi vilo David ngo tungkupu Asaph pamaw Ampeu kishe le phelopi azah tsü. Panongu no alokivi lono phe eno panongu no pishiqhope Alhou mllae.

YEKIKITHI AKINIU 5:13

Afuko küighami ngo alephemi no kümtsa Ampeu lau akishe le ngo shikimthikütsü le phe. Kughou afuko ngo küghapayi eno alebo jeliqo küigha keno alephemi ishi Ampeu shipili, “Kughengu Pa ye aloe, eno Paw iqemokeu kikimiye ye alholo achenie.” Ampeu chineki lo khüngküsü no chhitoive,

YEKIKITHI AKINIU 7:6

Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

EZRA 6:16

Israelmi, achinemi, Levimi eno haküghütsüve no ideighi kemi no alokivi shi Alhou ki hipau khakiqhi ikhilu.

NEHEMIA 11:20

Israelmi kütami eno achinemi ngo Levimi ye Judah lo mishiphu kümtsü lo ache.

NEHEMIA 12:43

Tipa tsalani panongu no aghakishi kije pesü mlla eno alokivi kije lono ikhilu, kughengu Alhou no panongu loshipivi tsüke. Totimi ngo atianuli ghi alokivi shie. Eno Jerusalem lokivi sütsa ye putosüu ghi chilue.

NEHEMIA 8:17

Akughu lono ideighi no kumqo akemi kümtsü no apusho mlave eno tipaqo lo ngove. Nun nu Joshua ghuloki lono tipa tsalani kutolo, Israelmi ye khilemu tishi mphi, ikehu timiqo ye shishe alovive.

LESHELE 149:3

Panoqo pelo ilhe ghi Pa je sheqhe pelo, bombo ngo akighilebo pesü Pa lau alekungo phelo!

LESHELE 30:1

I no O sheqheni, O Ampeu, kughengu Nono I sünhephe eno I ghümi pelo I shou alovi pemoe.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 20:5

Tishino kijemi no timiqo lau sheshuni, ‘Hile khuana aki shiqhi püani kemu ikhiphekütsü shimphi keshea? Pa ye aki lo wolu nani, tikumo aye aghüshi lono thiveni kelo kütami no pa ki ikhiphekütsü shimasa niae.

FILIPIAMI 4:4

Alhokuthu Ampeu lono alovilo, I no itaghi pini: alovilo!

Piyeküsü 5:8

Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.