NEHEMIA 10:34 - Sumi Naga CL (Re-edited) Bible (BSI)

³⁴ Ningu achinemi ngo Levimi eno timi kümtsü no asü kipti kümllagho ghenguno asaqhi ani eno ti ye ampe ampe lo, ado kihitha tsükeu lono, eno ningu alagha kiqi lono, ni Lhou kilo pesü iloghi no akiptia lono piti mlla nike piqhi ani, hi ye Ayezah lo akeu kiqi lono ke.

BAIBEL (BSI)

³⁴ Ningu timiqo, achinemi eno Levimino ampe ampelo khuno laghano Ayezahlo shilo pipuakeu kiqi lono AMPEU niLhou lau aghashini ke pitikepu sutsuni keno ampe ampelo asa qhibe nani.

NEHEMIA 10:34 Iomraidhean Croise

YEKIKITHI ATUGHIU 24:5

Alagha kinikujo lo achinemi hiyampemi akehu akümlapu ghi aphiphishi kije nike asaqhive.

YEKIKITHI ATUGHIU 24:7

Atüghüu no Jehoiarib shou asaqhi belu, akiniu no Jedaiah,

YEKIKITHI AKINIU 2:3

Pa no Tyre kükau Hiram lau asütsa pi puwu: “Nono I pu David sasü kilhisho no pa no ngokepu ki shiqhelu penike cedar pa tsüpuwu ketoi I lau ghi tishi tsülo.

EZRA 3:5

tithiuno alhoaye lo kipti kümllagho, aqhi kithe kümllagho, kihitha tsükeu kiqi lono Ampeu lau aghulhu shi chekeu, eno khukhumu pulokini kümllagho pesü Ampeu tsükeu shike.

NEHEMIA 11:1

Sakiphemi ye Jerusalem lo ache. Kütami ye asaqhi no kikije chighi lo lakhi kishepe akimthe phughi Jerusalem lo küghüna peni keu shi, eno kütami toku ye mishiphu kütauqo lo ngoni keu shie.

NEHEMIA 13:31

I no asü kümllagho ngo amsüu xathi küma ghenguno kishekulu shi kutove tsü. O Alhou, akivi ghenguno I kümsülu tsülo.

AHOLE 18:18

Aküka kumto küami mqo kini dolo küthakile mlano kitighe auve aye asakiqhi lono achipiu kimchi luve cheni.

ISAIAH 40:16

Akipti kümlla shinike Lebanon ghasü eno tile lhoxüqo ye luzülae.

ACHINE 24:5

“Ashomkhu akiviu pesü ashopa chighikini mlalo, ashopa lakhikhi lo ashomkhu ahu kini no mlani.

ACHINE 24:6

Ampeu zülo ameshoyi akiviu kibepu achekeu shou asho ajo kini shino tsüghogho qhini.

AKIKIHI 28:2

“Israelmi azah tsüno pilo, ‘Nongu ye ado kihikütha do kiqi lono I kümllagho, I chuqupu, I chuqupu kümllagho, I lopu xokütsüngü, süghilo.’

Apostolmi 1:26

Panongu no pama dolo asaqhiju kelo Matthias shou qhibelu kehu pa pesü apostolmi chighiqhaqhi gholo kihisü luve.

JOSHUA 9:27

Ikemu Joshua no panongu pesü Israelmi kümtsü ghenguno eno Ampeu kümlla-a ghenguno asü kighemi eno azü kupumi shivepe, ishi kutolo Ampeu no khileno Pa mllalo pini keno tile tishi acheni.