NEHEMIA 1:5 - Sumi Naga CL (Re-edited) Bible (BSI)

⁵ Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

BAIBEL (BSI)

⁵ “O AMPEU, Kungugha Lhou; Noye kijeke eno nino ozulo msa khokhoshi puthugho anie. Noye khunono oqhuivu eno oyezahqo pecheni keno panoqo lau amikucho lono oshoqhi pua chenie.

NEHEMIA 1:5 Iomraidhean Croise

KUKAMI ATUGHIU 8:23

eno pi, “O, Ampeu Israel Lhou, atsütsü qholo eno ayeghi shou khumu O toike kühae, Nono O qemi no amlo kuchopu ikhiphepe aghokulu shi ake thaqhü lo Ow timiqo sasü puloshoqhi shikeu pape eno O kikimiye panongu lau pephe piye ke.

YEKIKITHI ATUGHIU 17:21

Ow timi Israel toike khuu ania? Ayeghi lo shiye lakhi pesü Ow timi shiniye No Alhou ampi no khunoqo Egypt lono xaphelu keno, panongu zülono Nono O jekipipu eno akümzapu shi shiyeqo hapheve tsüke.

EZRA 1:2

“Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

NEHEMIA 2:4

Akükau no pi, “No ye kiu qhüiniju ani kea?” Tileno I no kungugha Lhou vilo inikhu.

NEHEMIA 4:14

I no jukuto apüzü ithu no sakiphemi eno hiyampemi ngo timi kümtsü vilo pi, “Panongu msa kevilo. Ampeu khuu no kije eno akümzapu keno, Pa kümsü lulo eno nongu thiküzümi, no tianuli, anipu, eno no kungo kiqo ghenguno aghü shilo.”

NEHEMIA 4:8

Panongu kümtsü ighi no Jerusalem lenike kughu eno kübangü keu süghi tsüniye kuchughu.

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

LESHELE 47:2

Kughengu Ampeu, Shishe Akiqheu, ayeghi kümtsü shou akükau kije huye sümsa kepue.

LESHELE 76:8

Kungugha lono Nono küghakütha shuphe; ayeghi no msa khokhoshi eno iqünheive,

LESHELE 89:2

Kughengu I no pi, “Iqemokeu kikimiye ye alhokupuju shiqhe nani; kungugha lo Nono O pükhükulu pephe nani.”

LESHELE 89:3

Nono pivae, “I no Iw kishekiphemi sasü puloshoqhi shivae; I no I qeu David lau tushoqhivae:

LESHELE 89:8

O Ampeu aqokitikhi Lhou, O Ampeu, O pükhükulu no O vehope aketoi khuu no O toi akughushu kea?

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

ZAKINIU 7:12

“Nongu no pimheye hipaqo tsaqüi ini no pelu aye, Ampeu nongu Lhou no nongu lau Paw puloshoqhi ngo iqemokeu kikimiye no puasüqo lau tushoqhi püakeu peche nani.

ZAKINIU 7:21

Panongu jumsa kevilo, kughengu akijeu eno aküighüpu Lhou Ampeu no nongu gholo ani.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,