NAHUM 3:18 - Sumi Naga CL (Re-edited) Bible (BSI)

¹⁸ O mbekhemi ye zü auvae, O Assyria kükau; ow yepemi ye ingu auvae. Ow timiqo ye naghutoqo lo hakiphivae khunomu panoqo hekütsüni kemi kühae.

BAIBEL (BSI)

¹⁸ Asiriya lo akukatou, owu ahng qoye thivae eno owu kijemiqoye alhokupuju ghenguno zuauvae! Owu timiqoye naghutolo hapiye pighivae eno panoqo akilo saideghi tsuni kemi khuumu kuhae.

NAHUM 3:18 Iomraidhean Croise

KUKAMI ATUGHIU 22:17

Pa no pi, “Israel ghüshimi kümtsü akheu küha keu mbe toi apanagha naghuto lo chekeu I no ithulue. Eno Ampeu no pi, ‘Hipaqo ye ampeu kühae; panongu pelo iqüghai aki lo wove pelo.’”

IPEKULU 15:16

O Ampeu, Ow timiqo no heche wumoke kutolo, Nono qhüluve keqo no kathasü wulu moke kutolo, akümsa ngo aküighüpu no panoqo shou ikughie; O u kumto ghenguno panongu ye atuqu toi inaqhoivae.

ISAIAH 13:14

Ashihami zülo aqhu no poche keshi, momu akheu küküha mbeqo toi, kümtsü no pütüta yeghi lo panow timi lau kuhakive idewove nani.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

JEREMIYA 50:18

Tighenguno, aqokitikhi MPEU, Israel Lhou no ishi piani: Julo, I no Assyria kükau ghimeqhi ketoi Babylon kükau Nebuchadnezzar ngo pa ghakhumi ghimeni cheni.

JEREMIYA 51:39

Panongu no mqhu akelono I no pano ghulhu kutotsü no shokümzüpe alopivi tsü nani, eno alholo küzü zühuvepe nani.

JEREMIYA 51:57

I no liw hiyampemi ngo alokütsümi, angh, zatsümi eno ghüshimi shokümzü nani; panongu ye alholo küzü züve no idathughi move nani, Akükau khuu je aqokitikhi MPEU keno Pa no sheshu.

Piyeküsü 6:15

Tishino ayeghi lo kükami, kijemi, ghüshitomi, kinimi, akumtomi, eno lüthü, aqemi, eno ililai xüakemi kümtsü no atuki eno naghuto lo atuqo dolo itshüpe,