NAHUM 2:13 - Sumi Naga CL (Re-edited) Bible (BSI)

¹³ Aqokitikhi Mpeu no sheshu, Julo, Ni ye o mjochile ani, eno I no ow khurkuluqo pitileve tsü nani, eno azütakikihi no ow abongshuu lhotheqo kütsave nani. Nono xulepughi keu I no ayeghi lono pühave tsü nani, eno o ghinimi sütsa ye khilemu chilu kithe move nani.

BAIBEL (BSI)

¹³ Aqokitikhi MPEU no pi, “Niye oghumike! Ino owu khurkulu pitilevetsu nani. Owu ghushimiqoye aghushi lono pithikhave nani, nono kutami launo suwuvekeu kumtsu ino suwuve nani. Hinguno hilauye ayeghiqhalo okuka kumto chilu pemove nani.”

NAHUM 2:13 Iomraidhean Croise

KUKAMI AKINIU 18:17

Assyria kükau no Tartan, Rab-saris, ngo Rabshakeh, gholo ghüshimi kütsasa Lachish lono Jerusalem lo akükau Hezekiah lau puwu. Kughou panongu no Jerusalem lo ighi keno, panongu no Aphikighishimi Luza kuwula lo azüla khikhi azükhe lashou lono ighi ani keno tile wu.

KUKAMI AKINIU 18:19

Rabshakeh no panongu vilo pi, “Hezekiah vilo pilo, ‘Akükau akiqheu, Assyria kükau no ishi piani: O küpkhü hipau ye kiu shou bepe ani kea?

KUKAMI AKINIU 19:23

O tsapemi vecheo nono Ampeu thoghavae, nono pi, ‘Iw khurkulu kutomo akeu sasü I no naghuto kütsüqa lo ikuvae, Lebanon ghasü kutolo wuvae, I no cedarbo akushuu buqhi, asahubo akighicheu buqhi ke; tile akungo-a akuthou lo iloe, aghasü akiviu-a lo wujuvae.

KUKAMI AKINIU 19:9

Akükau no Cush kükau Tirhakah kukughu ishi chilu, “Pa ye o sasü aghü shiniye cheni.” Ikehu pa no Hezekiah vilo pi puwu,

YEKIKITHI AKINIU 32:19

Panongu no ayeghi lo ashiaye kütami lhou, timi u no mla keqo, pütsa aketoi Jerusalem Lhou pütsae.

LESHELE 46:9

Ayeghi shekha kutolo Pa no aghükishi kishekhave tsüe; Pa no shexilika ngo angupa hechheve tsü; Pa no khurkulu ami lono pitive tsüe.

JEREMIYA 21:13

“Julo, O akhila eno aqa lo atuqu lo küxümiqo, Ni ye nongu mjochile ani, ipi Ampeu no asheshu; nongu no picheni, ‘Khuu no iqighi no ni mjochile eno ni kungo-a lo iloghini kea?’

JEREMIYA 46:14

“Egypt eno Migdol lo sheshulo; Memphis ngo Tahpanhes lo sheshulo; pilo, ‘Puthugho no kutope khelo, kughengu azütakikihi no nongu homxa kütsa nani.’

JEREMIYA 50:31

“O aqheküzau, I no o le nani; Ampeu aqokitikhi Lhou no piani, o ghimeni keu ghuloki ighivae.

JEREMIYA 51:25

“O kütsale chekeu naghuto, Ni ye o küla ani, ipi Ampeu no sheshu, nono ayeghi kütsale ke; I no o shou I u chhopuku nani, atuxu lono o kulu piqi nani; eno o pesü pitileve keu naghuto shive tsü nani.

EZEKEL 13:8

Tighenguno Ampeu no ishi piani: “Nongu no kichile tsa piqhi eno pishikiqhi kungunhetsü ithuluke ghenguno, julo, Ni ye nongu lachile ani, ipi Ampeu Alhou no asheshue.

EZEKEL 21:3

eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.

EZEKEL 26:3

Ampeu Alhou no ishi piani: Julo, O Tyre, I no o mjochile ani, azüghi no azü fukucho süghi ketoi, I no shiye kutomo o shou süghi nani.

EZEKEL 28:22

Ampeu Alhou no ishi piani: “Ni ye o lachile ani, O Sidon, I no o lau I juküvü pephe nani. Kughou I no li shou küghathani, eno li lau I kimthe pepheni keno panongu no Ni ye Ampeu kepi ithi nani;

EZEKEL 29:10

julo, Ni ye o lachile ani eno o ghoki lachile ani, Migdol lono Syene kuto eno Cush lughi kutolo I no Egypt yeghi pesü shishe küghüküghalei kütsave tsü nani.

EZEKEL 29:3

Ampeu Alhou no ishi piani pi pütsa: “Julo, Egypt kükau Pharaoh, Ni ye o lachile ani, dragon kije pa ghoki mta lo ani, tipau no pi, ‘Nile ye Iw ke; I no I ghenguno mlae.’

EZEKEL 35:3

eno tipau vilo pilo, Ampeu Alhou no ishi piani: Julo, Seir Toghi, Ni ye o lachile ani, eno o shou I u chho ani, I no o pesü küghüküghalei pighive tsü nani.

EZEKEL 38:3

Ampeu Alhou no ishi piani: Julo, O Gog, Meshech ngo Tubal kükapuu atou, Ni ye o lachile ani.

EZEKEL 39:1

“Timi nu, no ye Gog vilo tungkuptsa pilo, Ampeu Alhou no ishi piani: Julo, O Gog, Meshech eno Tubal kükaputou, I no o lachile ani.

EZEKEL 5:8

ghenguno Ampeu no piani: Julo, Ni ye nongu lachile ani. Eno shiyeqo nhethe lono I no nongu lau aghime süghi nani.

NAHUM 2:12

Abongshuu no patiqo sala lukümkha shi lhoxü heqhiche eno pa tüna sala lhoxü tsüqhiche; pa kungo-a lo lhoxü tsüve keu eno ashi sütha pinyive keu no chhitoike.

NAHUM 3:1

Ajikuqo mishighüna haküsapue, akimki eno aküpka no chhitoi— thechu keu no ashekha kühae!

NAHUM 3:12

Ow sükusho-aqo ye mububoqo toi sükini kelo mubuthi amsüu no ikiqi chu akeu kichi lo iloveke toike.

NAHUM 3:15

Tilauno ami no o pitiqhive nani; azütakikihi no o micheve nani. Tino tülhaqu toi o munove nani. Tülhaqu toi eno atikha toi nongu likhi nongu kughuko lo!

NAHUM 3:5

Julo, Ni ye o mjochile ani, ipi aqokitikhi Mpeu no sheshu, o mini xapukupe o gi nha tsüni; I no shiyeqo pelo o phikümsa ithulu peni eno kükaqhaqo pelo o kukujopu lo jupuku peni.

JOSHUA 11:6

Ampeu no Joshua vilo pi, “Panongu jumsa kevilo, thoghiu hipa ghuloki lo I no panongu kümtsü pithive no Israelmi tsüveni. No ye panow khurshiqo pukhu micheve tsü eno khurkuluqo pitive tsülo.”

JOSHUA 11:9

Ampeu no azah tsüke toi Joshua no tishive: pa no khurshiqo pukhu micheve tsüno khurkulu pitive.