NAHUM 1:7 - Sumi Naga CL (Re-edited) Bible (BSI)

⁷ Ampeu ye aloe, shiluküsa tsala lo sükusho-a; khunono Pa ije cheni keno Pa no ithi ani.

BAIBEL (BSI)

⁷ AMPEU ye aloke; shiluksa ghulokilo pano pawu timiqo susholu cheni; khunono pa lau ideighi nikeno pano tuchomujo cheni.

NAHUM 1:7 Iomraidhean Croise

YEKIKITHI ATUGHIU 16:34

Shikimthi keu Ampeu tsülo, kughengu Pa ye aloe; Pa kikimiye ye alholo mtotoi acheni!

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

YEKIKITHI AKINIU 13:18

Judahmi no Israelmi mhoqhive, kughengu panongu no Ampeu pano puasü Lhou shou pükhübe ke.

YEKIKITHI AKINIU 32:11

Kughou Hezekiah no nongu vilo, “Ampeu no Assyria kükau u lono ningu xaphelu nanie” ipi keno, pa ye nongu pelo püqümiye ngo atüghü lono thive peniye saküghüzü anike kumo?

YEKIKITHI AKINIU 32:21

Ikelo Ampeu no kungumi puwu no Assyria kükau ghazü lo aghütomi ngo ghüshimi zatsümi eno kijemi kümtsü heqhive tsü. Tighenguno pa ye kujoqhiyi idechile pa ghakhu lo wove. Kughou pa no pa lhou kilo iloghi keno, pa nuli khami no azütakikihi pesü pa ghiqhive.

YEKIKITHI AKINIU 32:8

Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

EZRA 3:11

Eno panongu no küpape ghi ale phe, sheqhe eno shikimthi keu pesü Ampeu tsü, “Kughengu Pa ye aloe, kughengu Paw iqemokeu kikimiye ye pülhapuju Israel lau acheni.” Kughou panongu no Ampeu kilo aboqha qhaluve kehu Ampeu sheqhe keno, timi kümtsü no asütsa kuloghi lono ighae.

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

LESHELE 100:5

Kughengu Ampeu ye aloe; Paw kikimiye ye alhokupuju acheni, eno Paw pükhükulu ye tiqheli kümtsü lo acheni.

LESHELE 20:1

Ampeu no o veküsa tsala lo o khochile tsü peniu! Jacob Lhou je no o süsho peniu!

LESHELE 25:8

Ampeu ye akivi eno achipiu; tighenguno Pa no axinemi lau Pa laghi kütsüshika cheni.

LESHELE 27:5

Kughengu aküküpna tsala lo Pa no Pa kicheqho lo I küghütshü nani; Pa no Pa phiki qholo I peküsü nani; Pa no atuqu shou qhemghai I süqhe nani.

LESHELE 37:39

Amikuchomi xakulupu ye Ampeu launo ke; aveküsa tsala lo Pa no panow sükusho-a ke.

LESHELE 37:40

Ampeu no pano kuphu eno xalu cheni; Pa no kixikilami launo panoqo xaphe eno süsho cheni, kughengu panongu no Pa launo sükusho lucheni.

LESHELE 46:2

Ikehu ayeghi sükinile namu ningu ye msamo nani, naghuto no azüghi lo ilove na,

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 59:16

Ikemu I no O kükakumto shipili ale pheni; inaqhe I no ighamku Ow iqemokeu kikimiye le pheni. Kughengu No ye I liwo eno I ghime küsa tsala lo sükusho-a lakhi ke.

LESHELE 71:3

I ghenguno sükusho tuqu shitsü lo, tipau lau I no alhokuthu ighini, Nono I xalu peniye azah tsüvae, kughengu No ye I tuqu eno I sükusho liwo ke.

LESHELE 86:7

I veküsa tsala lo I no O kue, kughengu Nono I khochile tsü cheni.

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

AHOLE 18:10

Ampeu je ye aqoghe kumto ke, amikuchomi no tipau lo poilo sükusho ithulu cheni.

ISAIAH 25:4

Kughengu No ye kumlhomi ngo küha kemi ghenguno sükusho-a, pasapagha lo akicheqho eno tsüka tsala lo akicheqho ke; kughengu ayiküsami tuthu ye pasapagha no aki fudaqhi ketoi,

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 17:17

I shithüghüi tsü kevilo; No ye I mhekiqi tsala lo I küghütshü-a ke.

JEREMIYA 24:5

“Ampeu, Israel Lhou no ishi piani: Mubuthi kivi hipaqo toi, I no khunoqo Judah lono Chaldeami yeghi lo akughu shi puwuve akeno tipaqo ye akivi kepi kihi nani.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

AKUMLO 3:25

Ampeu ye khunono Pa pükhü, eno Pa phucheni keno tipaqo ju alo cheni.

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

DANIEL 6:23

Ikehu akükau ye shishe alovive, eno Daniel ye abongshuu ki lono ikhipheve penike azah tsü. Tighenguno Daniel ye abongshuu ki lono ikhipheve, eno pa shou kiu ghüzaku mu ithulu moe, kughengu pa no pa Lhou shou pükhübe ke.

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

ZEFANIA 3:12

Ikemu I no nongu gholo akümtshami eno aqhokighemi qhitsü nani. Panongu no Ampeu jelono aküghütshü-a phu nani,

MATTHEW 27:43

Pa no Alhou shou pükhübe chenike Alhou ye pa xapheni shinani mala junie. Kughengu pa no, ‘Ni ye Alhou Nu,’ ipi chenie.”

MATTHEW 7:23

Tileno I no panongu lau shuphe nani, ‘Ni ye khilemu nongu mthae; nongu ayezah heküxamiqo, I launo chevelo.’

John 10:14

Ni ye akheu kiviue. I no I mbeqo ithi ani, eno I mbeqo no ni ithi ani,

John 10:27

I mbeqo no I sütsa chilu cheni, I no panoqo ithi eno panongu no I pape cheni.

Rommi 11:22

Tighenguno tsükhüi shino Alhouw kimiyekini eno Pa yiküsa ithilo: axine lo ikiqive kemi lau ye ayiküsa, ikemu nongu no Paw kimiyekini qholo ake tivilo Pa ye nongu lau kimiyeqhiyi anani. Tikumo aye, nongu ghi micheve nani.

Galatiami 4:9

Ikemu itehi nongu ye Alhou ithivae, momu Alhou no nongu ithivae, tishiaye kishino itaghi idewo qeinai eno ame küküha ayeghi lo kükütsü jeli no qhasüve penishi eno tipaqo qüaxemi shikitheni shiani kea?

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”