MICAH 7:8 - Sumi Naga CL (Re-edited) Bible (BSI)

⁸ I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

BAIBEL (BSI)

⁸ O nighumi, nijupesu no-mloqi akepu kuhae. Ninguye ikiqivae ikemu itaghi idethughi nani. Itehi ninguye akuzulo ani ikemu AMPEU no akuvu nitsu nani.

MICAH 7:8 Iomraidhean Croise

JOB 31:29

“Tsala I mithi kemi mhekiqipu lo I no alovi püaghi, momu alhoksa no pa theqhive kelo alovi ilhe püaghi aye,

LESHELE 112:4

Timi kivimi ghenguno aküvü no aküzü lo yepüvü tsü nani, pa ye küpüqhiyi, kimiyeqhiyi eno amikucho ke.

LESHELE 143:3

Kughengu I ghümi no I ngulho hakuqo ani; pa no I küxü pesü ayeghi lo I munuda qhivae; khaghi no thive kemi toi pa no I pelo aküzü lo iqape.

LESHELE 20:8

Tipaqo ye veqhive eno ikiqive, ikemu ningu ye ithughi no mtotoi puthugho luve nani.

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 35:19

Khunono akumou lono I ghümi shi ani keno, pano pelo I no tomlave keu lo alovipe kevilo, eno khunono kütsazü shi I mithi ani keno pano pelo anhethi kutuxoxo I jupe kevilo.

LESHELE 37:21

Kixikilami ye nalu no tsüchile chemoe, ikemu amikuchomi ye michhi mono tsü cheni;

LESHELE 37:24

pa no küpxalu namu ikiqi veqhive monani, kughengu Ampeu u no sünheqhe luve cheni.

LESHELE 38:16

Kughengu I no pi, “I pukhu nepiyelu keu lo khuu no aqheküza shi keno pano pelo I shou alovipe kevilo!”

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

ISAIAH 2:5

O Jacob laghami, ighilo, ningu Ampeu küvü lalo checheni nolo!

ISAIAH 49:9

I no akughumi vilo pinani, ‘Ipeghilo,’ aküzü lo akeqo vilo pinani, ‘Ipeghive lo.’ Panongu no ambeqo alaghila lo achu kümza nani; eno qhemghaike-a kümtsü no pano chu kümza-a shinani;

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 9:2

Khunono aküzü lo cheche keno aküvü kije ithuluvae; khunono aküzü kutho lo ache keno, aküvü no pano yepüvü luvae.

JEREMIYA 48:27

No ye Israel cheqhi cheke kumo? Israel ye küpkami kesheno nono pa ghili pi aye, o kütsü küngü thaigha che kea?

JEREMIYA 50:11

“O I mheghi xüpuwuve keqo, nongu no alovi amloqi anamu, amshiti no aluza lo ilhe akeshi, khurshitsü no igha keshi anamu,

JEREMIYA 8:4

“No ye panongu vilo pilo, Ampeu no ishi piani: Timi no ikiqive kelo ithughi kitheve chenike kumo? Milakhi no vezüve kelo ideighive chenike kumo?

EZEKEL 25:6

Kughengu Ampeu no ishi piani: Nongu no au kukhu eno apukhu peqhepe ilhe no nongu lolo küthakügha kümtsü süno Israel yeghi shou alokivi shie,

EZEKEL 35:15

Nono Israel kibolomi mheghi shou alovi ke, kughengu ti ye küghüküghaleive ke, ikehu I no o peitha nani; Seir Toghi eno Edom kümtsü küghüküghaleive nani. Tileno panongu no Ni ye Ampeu kepi ithi nani.

EZEKEL 36:5

tighenguno Ampeu Alhou no ishi piani: Mtsüqheino shiye kütami eno Edommi kümtsü, khunono alokivishi eno shishe küthaküghapu shi I yeghi pesü pano ampi tsüve, tishikeu lono ayeghi tipau pesü atsüni kümtsha-a shiniye shikeno, panoqo lau I no I loghu külü lono pivae.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

Obadiah 1:12

Ikemu o thiküzüu nguküsa tsala lo pa ju anheshu kelauno alovi kevilo; Judah timi shou kütsakungo keu tsala lo alokivi shi akevilo; aghime tsala lo qheza kevilo.

MICAH 4:10

O Zion limi, totimi no apunu küsü lo aketoi ihi eno ighalo, kughengu itehi nongu ye mishighüna lono ipeve nani eno aluza qhalo xüuve niae; nongu ye Babylon lo wuniae. Tilauno nongu xaphelu nani; Ampeu no nongu ghümi u lono nongu xachilelu nani.

MICAH 7:10

Tileno I ghümi no ithulu nani, eno khuu no I vilo “Ampeu o Lhou ye khile ania?” ipi keno li ye akukujo no küzüluve nani; I nhethi no li shou jupuku nani; tishino li ye alaghila lo aniba toi nedaqoda nani.

ZEKHARIA 12:8

Tipa tsalani Ampeu no Jerusalem lo küami süsho nani, tishianguno pano dolo miqemlei kemi no tipa tsalani David toi nani, eno David laghami no Alhou toi, eno AMPEUw kungumi no panongu züu wucheke toi nani.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MATTHEW 4:16

aküzü lo ache keqo no aküvü kije ithuluvae, eno akithi yekükhü qholo ache keqo ye aküvü no ipeghi no panoqo shou yepüvü luvae.

John 16:20

Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

2 Kor. 4:9

shikighime cheni ikemu pheve chemoe; hekuluqhi ikemu kütsave chemoe;

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.