MICAH 7:16 - Sumi Naga CL (Re-edited) Bible (BSI)

¹⁶ Shiyeqo no ithulu no pano kumto jupe kujove nani; panongu no au pesü pano kichi kujukha luve nani; panoqo kini ye ipove nani;

BAIBEL (BSI)

¹⁶ Ashiayehqono tipau ithulu puzu panoqo kumto shishe ae pinamu avesave pelo. Apuchopungo kelauno pano kichi kujuluve eno pano kini kiyikhaluve nani.

MICAH 7:16 Iomraidhean Croise

JOB 21:5

I jupe apuchopungo no nongu u pesü no kichi kujukha luvelo.

JOB 40:4

“Julo, ni ye amekühae; ni ye kiu O khochileni kea? I no I u pesü I kichi kujukhave niae.

LESHELE 126:2

Kunuvüqai keu no ni kichi chhitoive, eno ni kichi lo alokivi ghügha no chhitoi ke; tileno shiyeqo dolono ishi pi, “Ampeu no pano ghenguno thime kije shive tsüae.”

AHOLE 30:32

Nono anikhashi no ampi sheqhe momu alhoksa kuchughu cheghi aye o u pesü akichi kujukhave lo.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

ISAIAH 52:15

ikemu itehi ye Pa no shiye kutomo süküthü nani. Pa jupe kükami no pano kichi kujukha luve nani; kughengu panongu vilo khilemu piphemo keu ithulu ani, eno khikhi panongu no chimla aphi keno ti vethalu ani.

ISAIAH 66:18

“Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

EZEKEL 38:23

Ikehu I no I kughushu eno I kimthe piye nani eno shiye kutomo pelo Ni ithipe nani. Tileno panongu no Ni ye Ampeu kepi ithi nani.

MICAH 3:7

tungkupmi ye kujove nani, eno pichhotsü chekemi ye akukujopu lo süve nani; Alhou launo khokichile kiumu küha kehu panongu kümtsü akichi kujukhave nani.

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

HAGAYI 2:22

eno kükalakhüqo ikhiveni cheni. Ni ye shiyeqo kükaqha kumto kütsa niye ani, eno khurkulu ngo tile chekemi tukulu niye ani. Khurshi eno khurshimi kümtsü pano thiküzümi zütakikihi lono ikiqive nani.

ZEKHARIA 12:9

Tipa tsalani Jerusalem mjochile ighi keu shiye kümtsü I no kütsaveni ke phu nani.”

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

Piyeküsü 11:18

Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”