MICAH 6:6 - Sumi Naga CL (Re-edited) Bible (BSI)

⁶ “Ni ye kiu pesü Ampeu zülo ighini eno akiqheu Lhou zülo qhoqhüni kea? Ni ye Pa zülo akipti kümllagho, ampe lakhi mishi peighini keo?

BAIBEL (BSI)

⁶ Kughou ino pa mlla nike ighini keno, niye AMPEU, kungugha Lhou lau kiu peighini kya? Niye pa lau akumllagho piti penike amshiti akeu peighini kesha?

MICAH 6:6 Iomraidhean Croise

SAMUEL AKINIU 21:3

David no Gibeonmi vilo pi, “Ni ye nongu ghenguno kiu shitsüni kea? Nongu pelo Ampeu mheghi kümghatsü penike ni ye kishi nongu lochileni kea?”

LESHELE 116:12

Pa no I la shitsü keu kümtsü ghenguno ni ye kiu pesü Pa tsüni kea?

LESHELE 22:29

Ayeghi lo kinimi kümtsü no chusho no mllae; ayeghimkhu shive kemi kümtsü, pa ampi püxü mlave kemi ghi Pa zülo itsaqi nani.

LESHELE 95:2

Shikimthi keu pesü ningu Pa zülo wuni; Pa lau shekiqhe le phepe alokivishi ighani nolo!

LESHELE 95:6

O ighilo, ningu itsaqi no Pa mllani; Ampeu ni Lhoküsüu zülo qhoqhünheni nolo!

IPEKULU 12:5

Nongu mbe ye atsü, ampe lakhi tukutiye küha keu shilo. Nongu no ambe momu ane loji lono kishelu nani,

IPEKULU 23:15

Kholaqhi sümokeu ghulhu ikhiluni. I no azah tsüke toi, kihitha tsükeu do, Abib qhi lono, no ye kholaqhi sümokeu sho atsala tsüni chuni, kughengu tipau qhi lono no ye Egypt lono ipeghi ke. Khumu au kümsashi I zülo ighi moni.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 21:3

Aghakishi nguno amikucho eno achipiu shikeu huno Ampeu zülo ikhikulupue.

ISAIAH 40:16

Akipti kümlla shinike Lebanon ghasü eno tile lhoxüqo ye luzülae.

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

EZEKEL 46:9

“Tiqhetini tsalaqo lo no yeghi lo timiqo no Ampeu zülo iloghi kelo khuu no ahuu khagho lono iloghini keno pa ye apeu khagho lono ipeveni, eno khuu no apeu khagho lono iloghini keno pa ye ahuu khagho lono ipeveni: khumu pa no iloghi keu la züsü ipe moni, ikemu kümtsü no vejoi azüuno ipeveni.

DANIEL 3:26

Tithiu Nebuchadnezzar no kuchughei keu miphoki hukikha kupunu ighi; pa no asheshu, “Shadrach, Meshach, eno Abednego, Shishe Akiqheu Lhou qemiqo, ipeghive lo eno hilau ighilo!” Tileno Shadrach, Meshach, eno Abednego noqo no ami lono ipeghive.

DANIEL 4:9

“O Belteshazzar, küdüumi atou, kughengu I no ithi anike akimthe lhouqo ghungu no o lolo ani eno tuqhou küsü püakeu kiumu o ghengu ye kushokütsü kumoe, I samo kungunhetsü I no ithulu keu eno tipaqow hekupho I vilo pilo.

DANIEL 5:18

O akükau, Shishe Akiqheu Lhou no aküka, kiqhekighe, ajuküvü eno kükanguagha o pu, Nebuchadnezzar tsüe.

DANIEL 5:21

Pa ye timi nuliqo gholono hasasü wuve, pa kükümsü ye tüghashi toive, eno pa kungo-a ye aghalo khurhaqo gholo shive. Pa ye amshitsü toi atsüni mzachu, eno Akughushuu Lhou no timi kükaqha lo ayepe acheni eno tipau lo Pa no khuu pulo keno süsü chenie pi pa no ithi moke kutolo, pa phiau ye atsütsü lo tsüzü no pütsüke.

HOSIYA 5:6

Panongu no pano mbeloji ngo amishi loji sasü Ampeu phuniye wu nani, ikemu panongu no phumla nani; Pa ye panoqo launo tsüghüvae.

AMUS 5:22

Nongu no akipti kümllagho ngo athi kümllagho süghi namu I no ikhilu tsümo nani; eno now athakupu lhoxü pesü külakishi kümllagho shikeu Ni ye tipa shou jupukumo nani.

AKIKIHI 7:51

akipti kümllagho ghenguno amshitsü, ambetsü, ampe lakhi mbetsü, lakhikhi;

MATTHEW 19:16

Timi lakhi no Jisü lau ighi no pi, “Shikükau, lhokta küxü ithulu nike ni ye akivi kiu mla masa kea?”

Mark 12:33

Eno tipau gholo amlo kuchopu, vethakulu eno akumto kümtsü pesü Pa kimiyeni keu, alikhi ampi toi akisüghüu kimiyeni keu, hipaqo no kuchopu kipti kümllagho eno aghakishi kümtsü nguno akijeu ke.”

Mark 5:7

Eno asütsa kuloghi lono ighamku pi, “O Shishe Akiqheu Alhou Nu Jisü, no ye I lau kiu shikepu ani kea? I no Alhou je lono o qhüiniju ani, I ghime tsü kevilo.”

Luke 10:25

Ghulo lakhi Ayezah shikükau no puthugho no Jisü pejuni ye pi, “Shikükau, ni ye lhokta küxü ighi lunike kiu shimasa kea?”

John 6:26

Jisü no khochile, “Kuchou no I no nongu vilo piani, nongu no I phu chekeu ye amchipuqo ithulu kehu kumono aghakiqishi asho chulu kehue.

Apostolmi 16:17

Li no Paul ngo ningu papesü ighamku, “Timi hipaqo ye shishe Akiqheu Lhou qemie, panongu no nongu lau xakulupu laghi sheshu ani.”

Apostolmi 16:30

Pa no pama sasü khalau ipeghi no pi, “Akijeu, I xalu penike ni ye kiu shimasa kea?”

Apostolmi 2:37

Kughou timiqo no hi chilu keno panongu mlo itapinyive no Peter ngo apostolmi kütami vilo pi, “Athiküzümiqo, ningu ye kiu shiveni kea?”

Ephesiami 3:14

Akiqi hipau ghenguno ni ye Apu zülo qhoqhünhe cheni,

IBRIMI 10:11

Achinemi no tsalakipetsü puthugho no pa kümlapu shi acheni eno khilemu axine peve tsümlani keu ghakishi pesü anguno anguno tsü acheni.

SAMUEL ATUGHIU 15:22

Ikemu Samuel no pi, “Ampeu ye Pa tsa gholu keu lo alokiqi kije aketoi akipti kümllagho eno aghakishi lo Pa züküvü acheni keshea? Julo, agholu keu no aghakishi nguno akiviue, eno Pa tsa ini keu no ambe tha nguno akiviue.