MICAH 6:5 - Sumi Naga CL (Re-edited) Bible (BSI)

⁵ O Iw timiqo, Moab kükau Balak no kiu kuchughu, Beor nu Balaam no kiu pa khochile, Shittim lono Gilgal kutolo kiu shikeno kümsülu lo, eno AMPEUw achipiu kümla nongu no ithi nani.”

BAIBEL (BSI)

⁵ Iwu timiqo, Muab lo akukau Balak no nongu shou kiu shiniye kughu keno eno Beor nu Balam no kishi pa khochile keno tipau kumsuchile julo. Akasia pusho ngo Gilgal kuma dolo wuchekelo alalo kiu shivekeno tipau kumsuchile julo. Hipaqo ghili kumsuchile julo eno niye nongu xaluniye kiu shikeno tipau nonguno vethalu nani.”

MICAH 6:5 Iomraidhean Croise

LESHELE 111:4

Pa no Paw akümzapu kümlaqo kümsü lupe acheni; Ampeu ye küpükini eno kimiyekini ke.

LESHELE 143:11

O Ampeu, O je ghenguno I püxü tsülo! O mikucho pesü aveküsa lono I ngulho saipeghi tsülo!

LESHELE 36:10

O, No ithi akemi lau Ow iqemokeu kikimiye eno amlo kümzümi lau O mikucho tamono qhitsülo!

LESHELE 71:19

O Alhou, O chipiu mikucho ye kungugha kutolo to ani. No khuu thime kije mlave akeno, O Alhou, O toike khuu ania?

ISAIAH 1:27

Achipiu xakütha pesü Zion xachilelu nani, eno tilehi khunono xaideni keno amikucho pesü xalu nani.

AKIKIHI 22:41

Eno thanau Balak no Balaam sasü Bamoth-baal lo iqho, tilauno pa no timi amqo lakhi ithulu.

AKIKIHI 23:27

Balak no Balaam vilo pi, “Itehi I gholo a-a lakhi lo ighilo. Tilau nomu Alhou pulou shi aghi no o pelo I ghenguno panongu müsüini tsü penie.”

AKIKIHI 25:1

Israelmi no Shittim lo aghazü shipe akelo, panongu ye Moablimi sasü xüpimiuve.

AKIKIHI 25:2

Totimi hipaqo no pano lhouqo mlla cheke-a lo Israelmi kusü no kümtsa kuchu-kusho shi eno pano lhouqo mllauve.

AKIKIHI 31:16

Julo, hipaqo no Peor lo Balaam mijekütsü lono Israelmi pelo Ampeu lau pükhükümla shipe keu lono AMPEUw timiqo shou püsa ighike.

AKIKIHI 31:8

Panongu no Midian kükami pungu pithive tsü: Evi, Rekem, Zur, Hur, eno Reba. Panongu no Beor nu Balaam ghi pithive.

AKIKIHI 33:49

panongu no Moab qa yeghi Jordan phivilo Beth-jeshimoth lono wo Abel-shittim kutolo aghazü shie.

Ephesiami 2:11

Tighenguno nongu aji lono Jewkumomiqo, ghuthu lakhi loye au pesü aphimpi lo amchipu mla no aphighüyiko ghave kemi ipiche keqo no nongu vilo “aphighüyiko ghamo kemi” ipi kuche keu kümsülu lo,

ZAKINIU 16:3

Tipau ghulhu lo kholaqhi sükeu sho chumoni. Atsala tsüni dolo nongu ye kholaqhi sümokeu, aghime kitikhi sho chuni, kughengu nongu ye mighimghai Egypt lono ipeghi ke, tishikeu lono nongu no aküxü tivilo Egypt lono ipeghi keu tsala kümsülu chenani.

ZAKINIU 23:6

Nongu ye alholo panow külakishi momu kinikülü phumoni.

ZAKINIU 8:18

Ampeu nongu Lhou kümsülu chelo, kughengu nongu pelo kinimi shilu penike aküka tsükeu ye Pa noke, tishikeu lono ishi tsala lo toi, Pa no nongu puasüqo sasü puloshoqhi shikeu shikupu niye ke.

ZAKINIU 8:2

Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

ZAKINIU 9:7

Asayeqha lo nongu no kishi Ampeu nongu Lhou loghu xukutho keno kümsülu lo. Egypt qhiveke tsalani no a-a hipau lo ighi moke kutolo, nongu ye Ampeu hebide ighivae.

JOSHUA 2:1

Tithiu Nun nu Joshua no pukujumi kini Shittim lono puwu eno pama vilo pi, “Wulo, ayeghi pujulo eno akhoto no Jericho pujulo.” Ikehu pama no wuve eno chesü kütüqhaliu Rahab kilo ighi eno tile ngove.

JOSHUA 3:1

Thanau inaqhe Joshua ngo Israelmi no ithughi no Shittim lono chesü Jordan lo ighi eno katha ikumphi lo tilehi aghazü shia.

JOSHUA 4:19

Timiqo no aqhi atüghüu lo atsala achighini no Jordan lono ipeghi eno Jericho lughi kipelau Gilgal lo aghazü shive.

2 Peter 2:15

Panongu ye achipiu laghi pheve no ala ghüzü lo itsü wuvae. Panongu ye Beor nu Balaam papesü wuvae, pa ye alhoksa kümla lono ala kighishe lunishi che,

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

Jude 1:11

Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

XAKUTHAMI 11:25

Itehi no ye Moab kükau Zippor nu Balak nguno akiviue pi kümsü anio? Pa ye Israelmi lachile momu aghüshi püani keshea?

XAKUTHAMI 5:11

Azükikhe lo alephemi sütsa no Ampeu mikucho tokulu ghili pi ide ani, Pa ghami mikucho tokulu ghili Israel lo pi ani. “Tishino Ampeu timiqo no khagho lo chesü iqive.

SAMUEL ATUGHIU 12:7

Tighenguno itehi itha mono puthugho lo tishi aye I no Ampeu zülono nongu qhüiniju no Pa chipiu mikucho kümla Pa no nongu eno nongu puasüqo lau mlakeu kümtsü pitsüni.