MICAH 6:4 - Sumi Naga CL (Re-edited) Bible (BSI)

⁴ Kughengu I no Egypt yeghi lono nongu saipeghi eno aqüaxe kibo lono nongu qhüchilelu ke, I no nongu lau Moses, Aaron eno Miriam puwue.

BAIBEL (BSI)

⁴ Ino Ijip lono nongu sasu ipeghike; aquaxe kuxu lono ino nongu hakholuke; nongu saphe peniaye ino Muse ngo Aron eno Miriam puwutsuke.

MICAH 6:4 Iomraidhean Croise

SAMUEL AKINIU 7:23

Eno khunono Ow timi Israelmi toi kea? Ayeghi lo shiye lakhi Alhou no Paw timi shipeni ye qhüchilelu, Pa je ghenguno akümzapu kije shino panoqo zülono ashiaye haphe, shiye lakhi Egypt, eno tipau lhouqo launo Nono O salashi qhüchilelu ke.

LESHELE 77:20

Moses ngo Aaron pama u vecheo Nono ambeloji toi Ow timiqo sawue.

IPEKULU 12:51

Eno tipa tsalani no Ampeu no Egypt yeghi lono Israelmi aqokitikhi saipeghive.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 3:10

Ighilo, I no Pharaoh lau o puwuni, tishino o pelo Iw timi, Israel nuliqo, Egypt lono saipeghi peni.”

IPEKULU 4:10

Ikemu Moses no Ampeu vilo pi, “O I Mpeu, ni ye atsa pikithimi kumoe, wovekeu lo shi aghina Nono o qeu pütsave kethiu namu, ni ye atsapi asheshi eno pikukho chenie.”

IPEKULU 4:16

Pa no o ghenguno timi pütsa nani, pa no o kichi shi nani, eno pa zülo no ye Alhou toi nani.

IPEKULU 6:27

Egypt yeghi lono Israelmi saipeghi nike Egypt kükau Pharaoh pütsa keu ye Moses eno Aaron hipama ke.

JEREMIYA 32:21

O u kumto eno O u xachhope amchipu eno akichiqhipu kümla shino Nono Ow timi Israelmi Egypt yeghi lono saipeghi.

AMUS 2:10

Egypt yeghi lono nongu saipeghi keu hughi I noe eno Amorimi yeghi pesü tsüniye ampe lhobidi asayeqha lo nongu sacheke.

AKIKIHI 12:1

Moses no Cush ghalimi sasü külave kehu Miriam ngo Aaron pama no pa lachile thuve.

AKIKIHI 33:1

Moses ngo Aaron pama sakiphe qholono Israelmi no amqo kiqi lono ishi Egypt lono ipeghi.

Apostolmi 7:36

Timi hipau no Egypt lono timiqo saipe, eno Egypt lo, Akuhu Züghi lo, eno asayeqha lo ampe lhobidi piqi akümzapu eno amchipu mlae.

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

ZAKINIU 24:18

ikemu nongu ye Egypt lo aqüaxemi shi ache eno Ampeu nongu Lhou no nongu xaphelu kepi kümsülu lo; tighenguno hitoi shilopi I no nongu azah tsü ani.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 5:6

“‘Ni ye Ampeu, khuu Egypt lo aqüaxe kibo lono nongu saipeghi keno, nongu Lhou huke.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

SAMUEL ATUGHIU 12:6

Samuel no timiqo vilo pi, “Ampeu, khuu Moses eno Aaron süküsü shino nongu puasüqo Egypt yeghi lono saipeghi keno, Pa no thopi ke.