MICAH 6:16 - Sumi Naga CL (Re-edited) Bible (BSI)

¹⁶ Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

BAIBEL (BSI)

¹⁶ Hipaqo shi nanike kughengu akukau Omri ngo pa nu akukau Ahab pamano ghushoghili lhoksa shikeu nonguno papeke. Nonguye pamano mijepe puatsukeu pekishe pechephi ikehu nonguye shipsa keulo ino sawo suve nani eno timi kumtsuno nongu jukunatha nani. Aqha kumtsulo timino aphi kumqhupu shi nongu peitha nani.”

MICAH 6:16 Iomraidhean Croise

KUKAMI ATUGHIU 18:4

eno kughou Jezebel no Ampeuw tungkupmi heqhi akeno Obadiah no pano 100 sasü amqo kini shino atuki lo küsüve eno asho ngo azü pesü panongu loji.)

KUKAMI ATUGHIU 9:8

Aki hipau ye ixapinyive nani, eno hi veche iqhoiqi kemi kümtsü no akümza qhiyi pi nani, ‘Kushiye Ampeu ye hipa yeghi eno aki hipau shou hi shivetsü kea?’

KUKAMI AKINIU 16:3

eno Israel kükami laghi pape. Pa no pa nu ghi heqhipe akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche keu kiqi lono shike.

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

YEKIKITHI AKINIU 22:4

Ahab kibolomi no shike toi pa ye Ampeu zülo kiu no axine keno shike. Kughengu papu thive kethiu panongu no pa lapiyemi shive, eno tino pa pelo ikiqive peke.

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

LESHELE 1:1

Khunono kixikilami mijekütsü lo cheche moni, axinemi laghi lo puthughomo eno thoküghami lakhü lo iqa moni keno pano ye akümghapue;

LESHELE 44:13

Nono ni kisüghümi pelo ni jukünatha peke, ni sükümxa lo akemi küthakügha eno thokügha shive peke.

LESHELE 44:14

Nono ni pelo shiyeqo tichetighepu shipe, ashiayeqo zükutunupu shivepe.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 9:16

kughengu timi hipaqo lapiyemi no panongu pishiqhipe saküghüzüvae.

JEREMIYA 19:8

I no mishighüna pesü akümsapu shivetsü, atichepu thime kughulhove tsü nani. Tipau veche kemi kümtsü no kichimamaive nani eno aghüzaku jukünatha nani.

JEREMIYA 25:18

Jerusalem ngo Judah mishighünaqo, kükami ngo hiyampemi, tishikeu lono ishi kutolo panoqo no kiu lo ani keno titoi panoqo pesü yenguyi, atichepu eno ghukusho shive peniye ke;

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 29:18

I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

JEREMIYA 51:51

‘Ni thogha ke ghenguno ningu ye kujovae; akukujo no ni gi küzü luvae, kughengu inaghami no Ampeu ki alou akimthe-a lo iloghivae.’

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

AKUMLO 5:1

O Ampeu, ni shou kiu ikughi keno kümsülulo, julo, ni kukujopu ithulu tsülo!

EZEKEL 39:26

Panongu no pano kukujo eno I pishiqhi ighikeu kümtsü kümsümave nani, panongu ye khunomu pano shikümsa mlano pano yeghi lo sükusho qholono xülu nani,

DANIEL 9:16

“O Ampeu, O mikucho kümla kiqi lono Jerusalem, Ow mishighüna, O kimthe toghi lono O mlokighide eno O loghu tsüghüve tsülo, ni xine eno ni puasüqo kipimi ghenguno Jerusalem eno Ow timiqo ye ningu sühope akemiqo kümtsü zülo küthakügha shivae.

HOSIYA 12:14

Ikemu Ephraim no mijimlai Pa xukuthoe; ikehu aji peleve keu makho pa Mpeu no pa shou benani eno paw küthakügha kümla ghenguno pa tsüchile nani.

HOSIYA 5:11

Ephraim no niqhinilai keu pape niye pükapütsa kehu pa ye nedaqoda keu xakütha lono chunudaqhi ani.

MICAH 2:6

“Kütsü kevilo”—panongu no ishi kütsü cheni— “hipa vehu kütsü kepu kumoe; akukujo ye ni züthave mo nani.”

MICAH 6:13

Tighenguno nongu ghüzave kepushi I no nongu heveke, no xine ghenguno nongu ye küghüküghaleive ke.

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.