MICAH 5:2 - Sumi Naga CL (Re-edited) Bible (BSI)

² Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

BAIBEL (BSI)

² AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

MICAH 5:2 Iomraidhean Croise

BOTHUBO 35:16

Tithiu panongu no Bethel lono chesü wuve. Panongu no Ephrath tonike kushuo kumo lo, Rachel ye küaküzü do tove no apunu küsü süuve.

BOTHUBO 35:19

Eno Rachel ye thive, li ye Ephrath (ti ye Bethlehem) kuwula lo shiqhove,

BOTHUBO 48:7

I ghengu ye, kughou I no Paddan lono ighi keno, I mlo ghimepu shi Rachel ye Canaan yeghi lo Ephrath tonike kushuo kumo lo ala lono thive, eno I no Ephrath (ti ye, Bethlehem) la lo li shiqhove.”

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

YEKIKITHI ATUGHIU 2:54

Salma nuliqo: Bethlehem, Netophahmi, Atroth-beth-joab eno Manahath lo küami tüxa, Zoraitmi.

YEKIKITHI ATUGHIU 4:4

Penuel nu Gedor, eno Ezer nu no Hushah. Hipaqo no Bethlehem yepeu Ephrathah nu anoghiu Hur nuliqo.

YEKIKITHI ATUGHIU 5:2

Judah lagha no mtotoi shi pa thiküzümi ghüsü luno atou ghi ipeghi kemu anoghiu mheghiu no Joseph sala shive aghi),

LESHELE 132:6

Julo, Ephrathah lono ningu no tipau chiluvae; ningu no Jaar luza lono tipau phuluvae.

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

IPEKULU 18:21

Tinguno alau, timiqo dolo shitsami, khunono Alhou sümsa cheni, pükhübekulu eno külügho mithi cheni keno titoi keqo phujulo, eno titoi keqo pelo qhethonhe shou, aqhe shou, lhopungu shou eno chighi shou atou shipelo.

IPEKULU 18:25

Moses no Israelmi dolono shitsami kishe eno panoqo pesü timiqo shou, qhethonhe shou, aqhe shou, lhopungu shou eno chighi shou atou shipe.

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 53:2

Kughengu pa ye Alhou zülo asübo khuni lakhi toi thuwu, eno qhaike yeghi lo akuhu qüsüpe aketoi keu ke; Pa ye kogheküghü momu akükanguagha kiumu kühake, kiu lonomu Pa jukepu kühae; momu jukivipu kiumu kühake, pa mine akepu kiumu kühae.

ISAIAH 55:4

Julo, I no pa pelo ashiayeqo shou thopiu, eno sakipheu eno zatsüu shipeke.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

MICAH 4:10

O Zion limi, totimi no apunu küsü lo aketoi ihi eno ighalo, kughengu itehi nongu ye mishighüna lono ipeve nani eno aluza qhalo xüuve niae; nongu ye Babylon lo wuniae. Tilauno nongu xaphelu nani; Ampeu no nongu ghümi u lono nongu xachilelu nani.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MATTHEW 2:1

Kughou akükau Herod ghuloki lo Judea ghakhu lo Bethlehem lono Jisü punu keno, julo, kipelau no ayepu kighithimi Jerusalem lo ighi,

MATTHEW 2:6

‘Judah yeghi lo O Bethlehem, no ye kiu gholau nomu Judah yepemi dolo akimkheu kumoe, kughengu o launo yepeu ighi nani pa no Iw timi Israel kheu shinani.’”

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Luke 23:2

Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

Luke 23:38

Jisü kütsü sholo atsa ishi yepe qhitsü, “Hi no Jewmi Kükaue.”

John 7:42

Khristo ye David lagha lono ighi nani eno David no achekeu phu Bethlehem lono ighi nanie pi Kuchoyesü lo pi püamo keshea?”

ZAKINIU 1:15

Ikehu I no nongu lagha lo alokütsümi eno puju shijuve kemi pesü qhethonhe, aqhe, lhopungu, eno chighi shou zatsümi eno hiyampemi shipe.

Kolosiami 1:17

Pa ye thokha kümtsü züu, eno pa gholono thokha kime küqhape ani.

IBRIMI 13:8

Jisü Khristo ye ighi, ishi eno alholo aphiphie.

IBRIMI 7:14

Ni Mpeu ye mtsüqheino Judah laghami ke; eno Moses ye pano lagha jeku püamoe.

1 John 1:1

Aküxüpu tsa khikhi abothu lono acheghi keu ningu no chilu, ni nhethi no ithulu, nino jupukulu eno ni u no buluve akeno, tipau vehu sheshu ani,

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

XAKUTHAMI 17:7

Levimi lhothemi lakhi Judah lo Bethlehem phughi lo ache eno pa ye Judah laghami gholo xüche.

RUTH 1:1

Xaküthami no ayepe cheke ghuloki lo aghakhu lo püqümiye lakhi ighi, eno Judah lo Bethlehemmi lakhi ye Moab ghakhu lo pa nipu eno pa nu kini sasü wuve.

RUTH 4:11

Ikehu khagho lo timi akeqo eno layemi kümtsü no pi, “Ningu no thopimi ke. Ampeu pelo totimi khuu o kilo ighi niye ani keno, Rachel ngo Leah pama no Israel kibolomi shiqhe puku ketoi shilu peni. No ye Ephrathah lo ameküapu kümla eno Bethlehem lo akighichemi shipeniu,

SAMUEL ATUGHIU 10:19

Ikemu ishi nongu no nongu Lhou, khuu no amhekiqi eno aghime kitikhi kümtsü lono nongu xalu keno, Pa milivae, eno nongu no Pa vilo pi, ‘Kükami lakhi ningu shou qhitsülo.’ Tighenguno itehi nongu shiaye eno qhethonhe mqo kiqi lono Ampeu zülo ighilo.”

SAMUEL ATUGHIU 17:12

David ye Bethlehem, Judah lo Ephrath laghami Jesse nu. Jesse ye anuli tache ache. Saul ghuloki lo Jesse ye ampe no kutomo shive kehu layemi shive.

SAMUEL ATUGHIU 17:18

Eno athachi chighi pesü qhethonhe shou zatsüu ghi tsülo. O munoqo ye akivishi ani mala juno amchipu kiuala süghi lo.”

SAMUEL ATUGHIU 23:23

Tighenguno aküghütshü-a khipaqo pa no peitha cheni keno kümtsü phuju no thebei keu sütsa pewo I tsülo. Tileno I no nongu gholo wuni. Pa no aghakhu lo aghi aye, I no Judah lagha qhethonhe gholo pa phujuni.”

SAMUEL ATUGHIU 8:12

Pa no qhethonhe zatsüu, lhopungu zatsüu, eno pa yeghi hokideni kemi, paw ghile kuhumi, pa ghüshi nanuqo mlani kemi, eno paw khurkuluqo ghenguno tinhemgha mlani kemi süsü nani.