MICAH 5:13 - Sumi Naga CL (Re-edited) Bible (BSI)

¹³ nonguw asü-atu julho ngo atsükuchoqo I no kütsave tsü nani eno nongu ye nongu u no mlakeu julho lau itsaqimo nani;

BAIBEL (BSI)

¹³ Ino nowu asu-atu julho ngo chinichekeu tu tsukuchoqo kutsalevetsu nani; nonguye nolikhi nonguno mlape qhikeu nhemgha mlla kithemo nani.

MICAH 5:13 Iomraidhean Croise

ISAIAH 2:18

Ajulho kümtsü kishekhave nani.

ISAIAH 2:8

asü-atu julho no pano yeghi chhitoi ani, panongu no pano u lo kümla zülo itsaqi auvae.

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

EZEKEL 16:41

Panongu no o ki pitileve tsü nani eno topumi kutomo nhethe lono o shou küghathabe nani. Nono kütüqha chekeu I no lakhave tsü nani, eno no ghi asalha me tsü chekeu tsümove nani.

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

EZEKEL 37:23

Panongu ye pano julhoqo eno aphikümqhüpu thimeqo momu pano kipimi pesü pano shikitiqe move nani. Ikemu panongu no athiu idewove keu xine lono I no panoqo xalu nani, eno shikimtheve nani; panongu no Iw timi shive nani eno I no pano Lhou shive nani.

EZEKEL 6:9

tileno nongu küghape wuve keu shiyeqo dolo akelono nongu pokalu keqo no I kümsülu nani. Kishi panoqow ghaghu mlo eno anhethi no I launo kughosü pano julhoqo mineuve kelono I mlo hephove tsü keno panongu no kümsülu nani. Eno panongu no panow kixikila kümla eno kuchhube kütsüla ghenguno pano ampi jupe aphimqhü nani.

HOSIYA 10:2

Panongu mlo ye kichile ke; itehi panongu ye pano kipimi makho xapu masae. Ampeu no pano kiptia kubovetsü eno akümlla tsükuchoqo kütsave tsü nani.

HOSIYA 14:3

Assyria ye ni xamla nani; ningu ye khurshi samo nani; eno ningu ye, ‘Ni Lhou’ ipi ni u no mlakeu vilo pimo nani. O launo mighimi no küpükini ithulu chenie.”

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

NAHUM 1:14

Ampeu no o ghenguno azah tsüvae: “O je ye pekishe wo pemoae; o lhou ki lono I no asü-atu eno ayi julho kütsave tsü nani. I no o kumoki mla nani, kughengu no ye ameküha ke.”

ZEFANIA 1:4

“I no Judah ngo Jerusalem lo küami shou I u chhopuku nani; hipa-a lono I no Baal kümlla eno asü-atu chinemi kütsave nani,

ZEKHARIA 13:2

“Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,

XAKUTHAMI 18:17

Ayeghi pukujumi pano pungu no vejoi aki sholokuu ilo no Ephod, aki lhouqo, ajulho, eno ghükayi julho ikhiluve; tishi akelo achineu ye ghüshimi 600 gholo khagho ikulo lo ae.