MICAH 4:2 - Sumi Naga CL (Re-edited) Bible (BSI)

² eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

BAIBEL (BSI)

² “Ningu AMPEU wu naghutolo Israil Lhou chinekilo wunie. Kughengu pano ningu pelo kiu shipe nishi ani keno ningu shikapiye nani; ninguye pano kishetsukeu laghi pulani. Kughengu AMPEU no kutsupiye keuye Jerusalem lono ighi cheni; Zion lono pano pawu timiqo putsa cheni.”

MICAH 4:2 Iomraidhean Croise

LESHELE 110:2

Ampeu no ow akughushu yekipe küsü Zion lono puwu tsüke. O ghümi gholo ayepelo!

LESHELE 119:1

Khuno laghi no tukutiye küha keno, khunono Ampeu yezah lo checheni keno pano lokivipue!

LESHELE 119:171

I kichi lono O sheqheni, kughengu Nono O yezahqo I shika ke.

LESHELE 122:1

Kughou panongu no I vilo, “Ningu Ampeu kilo wuni nolo,” ipi keno ni ye alovive.

LESHELE 25:12

Khuu no Ampeu sümsa cheni kea? Pa no wukepu laghi ye Ampeu no kishetsü nani.

ISAIAH 2:3

ashiaye jelino ighi no pi nani: “Ighilo, ningu Ampeuw naghuto lo iqhoni, Israel Lhou kilo wuni, tileno Pa no Pa laghiqo ni shika peni, tishianguno nino tipau lo checheni.” Kughengu Ayezah ye Zion lono ipeghi nani, eno Jerusalem lono Ampeu tsa ipeghi nani.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

JEREMIYA 31:6

Ephraim ghakhu lo akhemi no ku keu tsala ighi nani: ‘Ithulo, ningu Zion lo Ampeu ni Lhou lau iqhoni nolo.’”

JEREMIYA 42:3

tishikeu lono Ampeu o Lhou no ningu ye khila wukepu keno alaghi ni piye peni eno ningu ye kiu shikepu keno ni vilo pitsü peni.”

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

ZEKHARIA 14:16

Tishino Jerusalem mjochile ighikeu shiye lo ghülu kemi no ampe atsütsü Akükau, aqokitikhi Mpeu mllani ke eno Apusho lo Ghulhu ikhiluni ke ighi nani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 9:10

I no Ephraim launo khurkulu eno Jerusalem launo aghükishi khurshi ikhive nani; aghüshi shexilika ikhive nani, eno pa no shiyeqo lau külakishi tsa pi nani; pa yekipe no azüghi lono azüghi kutolo eno Aghoki lono ayeghi shekha kutolo shinani.

Mark 16:20

Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 13:42

Pama no ipeche kelo, timiqo no Sabbath akiniu lo ghi ighi no hipaqo pitsü lopi qhüiniju.

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

ZAKINIU 6:1

“Ampeu nongu Lhou no nongu shika penike akhuaye eno pimheye azah I tsü, hipaqo ye nongu no ilo pükhalu niye akeu yeghi lo pelu peniye ke,