MICAH 3:7 - Sumi Naga CL (Re-edited) Bible (BSI)

⁷ tungkupmi ye kujove nani, eno pichhotsü chekemi ye akukujopu lo süve nani; Alhou launo khokichile kiumu küha kehu panongu kümtsü akichi kujukhave nani.

BAIBEL (BSI)

⁷ Khunoqono ighinikeu ghili pichekeno panoqono shimlave keulo kujo muzave nani. Alhou no pano khochilemoke ghenguno panongu kumtsu kujove nani.

MICAH 3:7 Iomraidhean Croise

LESHELE 74:9

Ningu ye ni michipu ithumlavae; tungkupmi lakhimu kühavae, khitohi tishi nani keno khunomu mthae.

IPEKULU 9:11

Eno küdüumi ye Moses zülo puthugho mlave, kughengu amishe no küdüumi eno Egyptmi kümtsü shou ikughive ke.

ISAIAH 44:25

I no kimkimi sakiqhi vehu shipüsave tsü cheni eno tumumi pesü mbomzümi shivetsü cheni, I no alokütsümi tuchile cheni eno pano kighithi pesü mbomzü shivetsü cheni.

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

EZEKEL 24:17

Amloghime tuthu shelo, ikemu asütsa kuloghi lono shephe kevilo; akithi ghenguno akumlo shikevilo. O kütsü küküzüphi khapu luvelo, eno o pukhukuqho xapu lulo; o kichi küzü kevi momu timi shopa chukevilo.”

EZEKEL 24:22

Nongu ye I no kiu shi keno tishi nani; nongu no nongu kichi küzümo nani, momu timi shopa chumo nani.

ACHINE 13:45

“Timi khuu no apügha küsü aghini keno, pa ye aphi küixü pepu no pa kütsüsa mthomghoi qhini, eno pa kichi nhapusü ishi ighani, ‘Mithekumo, mithekumo.’

AMUS 8:11

“Julo, atsala chenie,” Ampeu Alhou no asheshu, “I no aghakhu lo püqümiye puwu nani— asho momu azü küpüqü kumoe, ikemu Ampeu tsa ininishi keu müzü-tüghü shi nani.

MICAH 3:4

Tileno panongu no Ampeu lau qasü ighi nani, ikemu Pa no khochilemo nani; tipa ghuloki lo Pa no panongu launo Pa gi küsüve nani, kughengu panongu no küsakügha kümla shive ke.

MICAH 7:16

Shiyeqo no ithulu no pano kumto jupe kujove nani; panongu no au pesü pano kichi kujukha luve nani; panoqo kini ye ipove nani;

ZEKHARIA 13:4

“Tipa tsala lo kughou tungkupu lakhi no tungkuptsa pini keno paw kungunhetsü ghenguno kujove nani. Pa ye pishiqhi nike ghenguno amhi hebephi pepumo nani,

SAMUEL ATUGHIU 14:37

Saul no Alhou vilo ighiju, “Ni ye Philistiami hawu kepu kemo kea? No ye panongu pesü Israelmi u lo süvetsü nani kema?” Ikemu tipa tsalani Pa ye khochile move.

SAMUEL ATUGHIU 28:15

Tile Samuel no Saul vilo pi, “No ye kushiye I saghi no I pünaqhi ani kea?” Saul no khochile, “Ni ye ighono avesa ani, kughengu Philistiami no I sasü küpüghü ani, eno Alhou no I launo tsüghüve no asamo momu tungkupu vecheo nomu I khochile movae. Tighenguno ni ye kiu shikepu keno pitsü peniye I no o kusaghi anie.”

SAMUEL ATUGHIU 28:6

Kughou Saul no Ampeu lau ighiju keno, Ampeu ye asamou nomu, Urim momu tungkupu vecheo nomu pa khochile move.

SAMUEL ATUGHIU 9:9

(Püzüu Israel lo kughou milakhi no Alhou lau wuno kighinikile juni keno, pa no piche, “Ighilo, ningu ithukuluu lau wuni,” kughengu ishiw “tungkupu” huye azüu ye ithukuluu ipi cheke).