MICAH 2:4 - Sumi Naga CL (Re-edited) Bible (BSI)

⁴ Tipani panongu no nongu müsü kutho keu le phe eno kukhukimji shi qa nani, eno, “Ningu ye shishe kütsavae; Pa no Iw timi saje kilive tsüae; kishi Pa no I launo ti ikhipe wuvetsü akelae! Pa no ni luzaqo pesü pülümo kemi tsüvae,” ipi nani.

BAIBEL (BSI)

⁴ Tipau ghuloki ighiaye, timino nongu ghili pesu kutsakungokeu kichekipiye shi-ghi lhewo nani eno nonguno puju shiju akeu phewo nani. ‘Ninguye qhoi shipsakhavae! AMPEU no niyeghi ikhiluvetsu nikugha sasu akughu shiuvekemi lau tipau tsuvae.’ ”

MICAH 2:4 Iomraidhean Croise

SAMUEL AKINIU 1:17

David no akumlo le hipau pesü Saul ngo pa nu Jonathan pama ghenguno mlo,

YEKIKITHI AKINIU 35:25

Jeremiah ghi Josiah ghenguno akumlo le phe tsüe; ishi kutolo alephemi kiptimi eno totimi no akumlo le lono Josiah ghili picheni.

JOB 27:1

Job no itaghi pa tsapi huthuve no pi:

ISAIAH 14:4

tileno nongu no Babylon kükau cheqhi nani: “Qhaküsüu ye kishi ikiqive akelae, ayiküsau huye kishekhavae!

ISAIAH 24:3

Ayeghi ye qhoi pükhülepe xüle khave nani; kughengu Ampeu no hipa tsa pive ake.

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

JEREMIYA 4:13

Julo, pa ye khüngküsü toi cheni; paw khurkuluqo no miyitsü toi; paw khurshiqo no alhuqu nguno mthüthei, ningu ye ahasapue, ningu ye pühavae!

JEREMIYA 6:12

Panongu ki-alu eno anipuqo ye qhoi kütamiw shive nani, I no ayeghi lo küxümi shou I u chhopuku nani,” ipi Ampeu no asheshu.

JEREMIYA 8:10

Tighenguno I no pano nipuqo pesü kütami tsüve nani, eno pano lu pesü leighi kemi tsüve nani, kughengu kitila lono kije kutolo akumou lono ala shiniye alamine ke; tungkupu lono achineu kutolo pishikiqhi kümla shike.

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

JEREMIYA 9:16

Panongu momu pano puasüqo no ithimo keu shiyeqo gholo I no panongu kuthole puwuveni, eno panongu qhoi pühave moke kutolo I no azütakikihi pano thiu puwuni.”

EZEKEL 16:44

“Julo, aholetsa peitha chekemi kümtsü no ahole hipau o ghenguno peitha nani: ‘Aza toi, anga toi.’

EZEKEL 2:10

Pa no tipau I zülo xükho tipau lo azüu ngo athiu yepuku püaghi, eno akumlo, amloghuju eno ahasapu tsa yepuku püaghie.

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

JOYIL 1:8

Ililhothe lakhi no liw külapuu ghenguno yeqhiyephi pusü mloqa keshi mlolo.

AMUS 5:1

I no nongu shou akumlo tsa hipau pipuku akeu inilo, O Israel lo küami:

AMUS 5:17

atsailu kümtsü lo mloqa nani, kughengu I no nongu heche wunani,” ipi Ampeu no pi.

MICAH 1:15

Nongu Mareshah lo küami lau I no itaghi tokuluu saighi nani; Israel jekipimi ye Adullam lo itshü nani.

MICAH 1:8

Hi ghenguno I no mloqani; I no aphimini xave no aphikümsa shi iqhoiqini; I no aghalo tsü toi amloijuni, eno ostrich toi mloqani.

MICAH 2:10

Ithu no wuvelo, kughengu hi ye akulhokiqhi-a kumoe, mithekumo khikhino shishe kütsakungo cheni keno tipau ghenguno ke.

HABAKUK 2:6

Panongu kümtsü no pa cheqhi eno junu ghi thaigha keu tsa pa vilo pi, “Khuu no paw kumomu pekütsü luve eno aküna shoqhi thimeqo pa salashi qhiluve keno ahasapue! Khitohi ow shini kea?

ZEFANIA 1:2

“I no ayeghi lono thokha joleve nani,” ipi Ampeu no sheshu.

AKIKIHI 23:18

Tileno Balaam no tungkuptsa hipau pitsü: “Ithulo Balak, inilo, O Zippor nu, o kini I lau kugho puwolo:

AKIKIHI 23:7

Balaam no tungkuptsa hipau pitsü: “Balak no Aram lono I sasü ighi, kipela naghuto küdau Moab kükau: ‘Ighilo, I ghenguno Jacob ghusho lo, ighilo, Israelmi müsüinive lo!’

AKIKIHI 24:15

Tishino pa no tungkuptsa hipau pi, “Beor nu Balaamw tungkuptsa, timi khuu nhethi xükhotsü keno paw tungkuptsa ke,

AKIKIHI 24:3

eno pa no tungkuptsa hipau pi, “Beor nu Balaamw tungkuptsa, timi khuu nhethi xükhotsü keno paw tungkuptsa,

Mark 12:12

Jisü kipimi phu akeqo no pa no kimghikipiye pikeu ye panoqo shou pipuku akepi vethaluve no pa kügha luveni keu la phuae. Ikemu panongu ye aqokitikhi msave püzü pa qhive no wuve.

ZAKINIU 28:29

Nongu ye puchomghü lo ghi anhethi kighichemi toi kükauve nani eno no kümla lo tokulu shimo nani. Nongu qhasüve eno ishokibe pükaqhi nani, eno khunomu nongu kuphumo nani.