MICAH 2:2 - Sumi Naga CL (Re-edited) Bible (BSI)

² Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

BAIBEL (BSI)

² Panonguno alu lunishi aye tipaqo suxaluvetsu cheni, panonguno aki lunishi aye tipaqo luve cheni. Khuno kibolomi mu momu tinhemgha pimu akivishi akulupu kuhae.

MICAH 2:2 Iomraidhean Croise

KUKAMI ATUGHIU 21:1

Jezreelmi Naboth ye Jezreel lo akükau Ahab kükaki phivilo atsailu lakhi ache.

KUKAMI AKINIU 9:26

‘Ighina I no Naboth ngo pa nuli ji pele keu ithulue—Ampeu no sheshu—I no alu hipau lono o lochile nani.’ Tighenguno itehi, Ampeu tsa kiqi lono Joram kumo ikhipe Naboth lu lo vesüve tsülo.”

JOB 31:38

“Tsala I yeghi no igha I küla ithughi eno tile ayikuqo no qa küqha püaghi aye,

IPEKULU 20:17

“No ye o kisüghüu ki jumine moni; no ye o kisüghüu nipu, momu pa qemi kiptimi totimi, momu pa mishitsü, khurgha, momu kiu kiumu paw shi aghikeu jumine moni.”

ISAIAH 3:14

Ampeu no küghaküthapu lo Paw timiqow layemi ngo mijekütsümi saghini cheni: “Atsailu külhü chuve keu ye nongu no ke, kumlhomiw hakholu keu no nongu ki chhitoi ani.

ISAIAH 5:8

Khunono kütami yeghi kühave moke kutolo aki-alu koluve tsüno aqha kuchopu nongu likhi auve cheni keno ahasapue.

JEREMIYA 22:17

Ikemu nono o nhethi eno o mlo akeu ye achipi kumo lono ala shinikeu, pimihami ji peleni keu eno anguka lono qhasü nike ghengu likhino ke.”

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

EZEKEL 22:13

“Julo, nongu no amikucho kumo lono ala shilu keu eno nongu gholo aji pele keu lono I no I u be nani.

EZEKEL 33:26

Nongu no azütakikihi shou pükhü, nongu no aphikümqhüpu shike, eno nongu lakhikhi no akisüghüu nipu shipixi ke; tishiaye nongu ye ayeghi amheghi shiluni keshea?

EZEKEL 45:9

“Ampeu Alhou no ishi piani: Kughomae, O Israel kükapumiqo! Ngukangugha eno qodaqhi keu phevelo, eno kuchou xakütha ngo achipiu mikucho shilo. Iw timi haleve chekeu tavelo, ipi Ampeu Alhou no sheshu.

EZEKEL 46:18

Kükapuu ye timiqo mheghi kiumu lumoni, panoqo mheghi lono pano kopheve moni. Pa ye pa mheghi lono pa nuliqo saje tsüni, tishikeu lono Iw timiqo ye pano mheghi lono apanaghave monani.”

EZEKEL 8:17

Pa no I vilo pi, “O timi nu, no ye hipau ithuluve akema? Israel laghami no aphikümqhüpu hilehi shi akeu ye thime aghulo lakhi kesheno panongu ye ngukangugha jeli ghi pesü no ayeghi hipau shepichhi eno itaghi I xukutho no alau I mlo shikighide ani kea? Julo, panongu ye ihulo keu shi I thaigha auvae.

AMUS 2:7

Panongu no ayeghimkhu lono kumlhomi kütsü qoda eno iju akemi la tutsüghüve tsü; anu ngo apu pama gha aqelimi lakhi sazü no I je kimthe shikitiqe ke;

AMUS 4:1

“Nongu Bashan mishiqo, khunono Samaria naghuto lo ani keno, kumlhomi qhasü, aveküsami chunudaqhi, nongu kimiqo vilo, ‘Nino aji shonike süghilo,’ ipiche keqo, atsa hipau inilo!

AMUS 8:4

Hi inilo, nongu aveküsami nedaqoda chekeqo eno aghakhu lo kumlhomi kütsaveni ye pi chekeqo,

MICAH 3:9

Hi inilo, nongu Jacob lagha lo sakiphemi eno Israel lagha lo yepemiqo, nongu no kuchou xakütha mithi eno müzüchoi keqo kümtsü tuchighive tsüke,

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

1 Tim. 6:10

Kughengu pisa kikimiye no alhoksa jeli kümtsü kuhu-aghü ke. Hipau kimne lono timi khami ye aküpülü lono itsüsü wuvae eno amlo ghuju jeli no panongu jiqhi anie.