MICAH 1:7 - Sumi Naga CL (Re-edited) Bible (BSI)

⁷ Li julho shisü keu kümtsü hephopinyive tsü nani, li jume kümtsü ami lono pitive tsü nani, eno li julho kümtsü I no kütsaleve tsü nani, kughengu li no kütüqha keu jume kütsüpe qhi kehu, li ye kütüqha keu jume lau idewove nani.

BAIBEL (BSI)

⁷ Tipaulo amekusho shi ajulho shikeu kumtsu kubopinyive tsu nani, tile achinekilo kutuqhalimi tsupe puakeqo thwokha kumtsu amino pitileve nani, tipaulo ajulho shikeu kumtsu hepho kumqove nani. Samaria no lhokighishe keu chine lono hipaqo kumtsu suwo kutsu puanike, itehiye li ghumiqono khilelano mlla nike ghenguno tipaqo xapuwuve nani.”

MICAH 1:7 Iomraidhean Croise

YEKIKITHI AKINIU 31:1

Hi kümtsü tave kethiu, tile ighi kemi Israelmi kümtsü no Judah, Benjamin, eno Ephraim ngo Manasseh mishighünaqo lo wuno atsükucho hepholeve, Asherim loqhive eno qhemghaike-a ngo akümlla-khache kümtsü hephove. Ti kümtsü hephove kethiu no Israelmi no pütüta kilo idewove.

ISAIAH 2:18

Ajulho kümtsü kishekhave nani.

ISAIAH 23:17

Ampe lhotsüni shekha lono Ampeu no Tyre xuju nani, li ye aqekiqe lo idewove no ayeghi lo kükaqha akeqo kümtsü sasü kütüqha nani.

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

EZEKEL 6:6

Nongu no khile khilemu küghüna keu mishighünaqo ye shipüsave nani eno qhemghaike-aqo ye kütsave nani, ikehu nongu kümlla khacheqo ye shipüsa eno kütsave nani, no julhoqo ye kubove eno kütsave nani, now axokütsüngü kiptia hephove nani eno nongu kümlaqo shipühave nani.

HOSIYA 2:12

I no li tsaibo eno mububoqo kütsave tsü nani, tipaqo jupe li no ishi piche, ‘Hipaqo ye I lojipumi no tsükeu I jumeqo ke.’ I no tipaqo pesü aghasa shive no tüghashiqo no kütsaleve peni.

HOSIYA 2:14

“Ikehu, julo, I no li züizani, eno yenguyike-a lo saighi no ivüilai li pütsa kümtshani.

HOSIYA 2:5

Kughengu panongu paza ye shupu-salhave; khuu panongu mishi keno li huno akukujopu shike. Kughengu li no pi, ‘Ni ye I lojipumi lau wuniae, panoqo no asho, azü, akülüphi, phepheike phi, thazü eno yekepu pesü I tsü chenie.’

HOSIYA 8:5

I no o mishitsü julho peve tsüae, O Samaria. Tipaqo shou I mloide puku ke. Panongu ye pimi moveni keu ado khitohi lunani kea?

HOSIYA 8:6

Kughengu hi ye Israel launo ke; ayi kiyiqimi lakhi no mla keue; hi ye Alhou kumoe. Samaria mishitsü julho ye kubo kighinyive nani.

JOYIL 3:3

Iw timi ghenguno asaqhi, apu-itimi pelo kütüqha peniye jesüve, eno aji ghenguno anga jechuve no shomzü ke.

ACHINE 26:30

I no now qhemghaike-a kütsave tsünani, tsüngqüi keu kiptia hephove tsü nani, ajulho iluqi akeu shou nongu sükumo qhepuku nani, eno nongu milive nani.

ZAKINIU 23:18

Nongu ye kütüqha keu lono iloghi keu pisa pesü ashoqhi kümllagho shi Ampeu nongu Lhou kilo iloghi moni, kughengu hi ye Ampeu nongu Lhou zülo aphikümqhüpu ke.

ZAKINIU 9:21

Tishino nongu no mlakeu axinepu mishiti julho I no ikhipe pitive no mukhumuno shive tsü. Eno I no tipau mukhu pewo naghuto lono qoiqi akeu ghoki lo vesüve.

Piyeküsü 18:3

Kughengu shiye kümtsü no liw ngosükümla ji shomzü, ayeghi lo kükamiqo no li sasü salha eno li no aghakiqishi küakini kuthole xükeu lono ayeghi lo lhidimi no kinimi shikhavae.”

Piyeküsü 18:9

Ayeghi lo kükami khunoqo no li sasü kütüqha no li gholo kuthole xüche keno panongu no li pitikeu michhi ithulu kelo li ghenguno amloksa shi ighaqa nani.

SAMUEL ATUGHIU 5:4

Ikemu tishiwo thoghiu inaqhe kughou panongu no ithughi keno, julo, Dagon ye agi no ayeghi lo pishiqhope Ampeuw Puloshoqhi Bohu zülo ikiqipe aghi, eno Dagon kütsü ngo au kinikujo akulaghi lo ita kütüta shive no aghi. Aphimpi likhi pa alo aghive.