MICAH 1:16 - Sumi Naga CL (Re-edited) Bible (BSI)

¹⁶ Nongu züküvüpu tianuliqo ghenguno nongu kütsüsa tsave no boghesho shivelo; alhuqu lakhi toi miyeboive lo, kughengu panongu ye nongu launo haphe sawuve nani.

BAIBEL (BSI)

¹⁶ Juda lo akemiqo, nonguno kimiyechekeu tianuliqo ghenguno mlo qakeu michishi nongu kutsusa miyevelo. Aluqu toi nongu kutsusa miyevelo kughengu nongu tianuliye haphe sawuve nani.

MICAH 1:16 Iomraidhean Croise

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

JOB 1:20

Ikelo Job no puthughove no pa phiküzü süxüve, eno pa kütsü miyeve no sükümsa shi ayeghi lo iqi pishiqhove.

ISAIAH 15:2

Dibonmi ye mloqa niye akiqhe-a lo iqhovae; Nebo ngo Medeba ghenguno Moab no ighaqa anie. Kümtsü no akütsüsa ngo akichimhi miyevae;

ISAIAH 22:12

Ampeu aqokitikhi Lhou no tipa tsala pesü mloqa keu, asa miyepe yeqhiyephi pepu kepu shive tsüae.

JEREMIYA 16:6

Kijemi ngo kitilami ghi ayeghi hipau lono thinani. Panongu ye shiqhomo nani, khunomu pano ghenguno mloqamo nani, momu asa miyemo nani.

JEREMIYA 4:8

Hi ghenguno yeqhiyephi pepulo, mlolo eno amlo kighishi shilo, kughengu Ampeu mlokighide ye ningu launo tsüghüsü womoae.”

JEREMIYA 47:5

Gaza no amloiju asa miyevae, Ashkelon ye püghavae. O pano khila lo ghükulumiqo, nongu ye khitohi nongu ampi ghüza anani kea?

JEREMIYA 6:26

O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

JEREMIYA 7:29

“‘O sa tsave no pevelo; atoghi lono mloqa lo, kughengu Ampeu no Pa loghu lono hipa tiqheli milive no phevae.’

AKUMLO 2:19

“Putho hikuju kikili dolo, eno putho lo ithu ighamku lo! Ampeu zülo azü lephe ketoi o mlo lhephe lo! O tianuli khunoqo akhüava shi alaghila kümtsü lo thiqhi thiqhi ani keno, panongu küxü ghenguno Pa lau o u süqhelo.”

AMUS 7:11

Kughengu Amos no ishi piani, “Jeroboam ye azütakikihi lono thive no Israel ye hakiphi sasü pano yeghi lono kushuo lo wuve nani.”

AMUS 7:17

Tighenguno Ampeu no ishi piani: “O nipu ye mishighüna lo kütüqhalimi shive nani, o tianuliqo ye azütakikihi lono ikiqive nani, o yeghi ye akimghi süta pesü kijethave nani; no ampi ye mithekumo yeghi lono thive nani, Israel ye mtsüqhei pa yeghi lono hakiphi sawuve nani.”

AMUS 8:10

I no now tiqhetini pesü akumlo shivetsü nani eno nongu le kungo pesü amloksa le shivetsü nani; I no yeqhiyephi pesü nongu chita lo khatsü nani eno nongu kütsü lono asa miye khave tsü nani; anu lakhi akeu thive kelo mloqa ketoi shipe nani eno tipau shekuho ye kukhukimji tsala toi nani.

ZAKINIU 28:41

Nongu no atianuli lho nani, ikemu panongu ye now shimo nani, kughengu panongu ye akughumi shi küghape wuve nani.