MATTHEW 9:13 - Sumi Naga CL (Re-edited) Bible (BSI)

¹³ Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

BAIBEL (BSI)

¹³ Wu puzu kuchoyesulo hipatsa akeu kiqiye kiu kela phijulo, ‘Niye kimiyekini lunishike thono lhoxu heqhipe mlla keu khuamoe.’ Niye achipiu shichekemi kuniye ighi kekumoe ikemu axinemi kuniye ighike.”

Sümi Tiqhelimi Bible

¹³ Ikemu wulo eno atsa hipau kiqi ye kiu keno ithilu lo: ‘Ni ye kimiyekini lunishi cheni ke thono aghakishi kumoe.’ Kughengu ni ye amikuchomiqo ku niye ighimoe ikemu axinemiqo ku niye ighike.”

MATTHEW 9:13 Iomraidhean Croise

AHOLE 21:3

Aghakishi nguno amikucho eno achipiu shikeu huno Ampeu zülo ikhikulupue.

HOSIYA 6:6

Ni ye aghakishi kumono iqemokeu kikimiye lunishi, akipti kümllagho kumono Alhou ithitoi keu laju ani.

MATTHEW 12:3

Jisü no panoqo vilo pi, “Nongu ye David no müzüthive kelo pa gholo kichemi sasü kiu shikeno philu mphi kea?

MATTHEW 12:5

Momu Moses Yezah lo kishi achinemi no Sabbath atsütsü achineki lono Sabbath shikuchhube cheni keghi pano lolo akipimi kühano achekeu nongu ye philu mphi keshea?

MATTHEW 12:7

Eno nongu no atsa hipau, ‘Ni ye kimiyekini lunishi kethono aghakishi kumoe,’ ipikeu ye kiu keno ithike aye, nongu ye akipimi küha kemi shou küghathabe moni cheke.

MATTHEW 19:4

Pa no khochile, “Nongu ye phimla aphi keshea? Abothu lono Pulhoküsüu no kiptimi ngo totimi lhosü,

MATTHEW 21:42

Jisü no panoqo vilo pi, “Nongu ye Kuchoyesü lo khilemu phimla aphi keshea? “‘Aki kishimi no atu kideqhive keu no atsükupu tuqu shive; hi ye Ampeu kümlae eno ti ye ni nhethi lo akichiqhipu.’”

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 3:8

Aküxü xaidelu keu michipu shi axathi pithilo.

MATTHEW 4:17

Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

Mark 12:26

Kithimi xüputhu keu vehulo, Moses kaku lo asüminipho tsamqo lo kishi Alhou no, ‘Ni ye Abraham Lhou, Isaac Lhou, eno Jacob Lhou,’ ipi keno nongu ye phimla aphi keshea?

Mark 12:33

Eno tipau gholo amlo kuchopu, vethakulu eno akumto kümtsü pesü Pa kimiyeni keu, alikhi ampi toi akisüghüu kimiyeni keu, hipaqo no kuchopu kipti kümllagho eno aghakishi kümtsü nguno akijeu ke.”

Mark 2:17

Hi chilu kelo Jisü no panoqo vilo pi, “Ashiaji vithai akeqou no kumo püzü khunono küsükini shi ani keno shikipiviu avehupu shi cheni. I no ighi keu ye amikuchomi kumono axinemi kuniye ke.”

Luke 10:26

Pa no khochile, “Ayezah lo kiu yepüani kea? No ye kishi philu cheni kea?”

Luke 19:10

Kughengu Timi Nu ye pühave no akemi phuni ke eno xaluni ke ighie.”

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

Luke 5:31

Jisü no panongu khochile, “Ashiaji vithai akeqo no kumono khunono küsükini shi ani keno shikipiviu avehupu shi cheni.

Luke 5:32

Ni ye amikuchomi kuniye ighike kumono axinemi pelo xaide peniye ke.”

John 10:34

Jisü no khochile, “No Yezah lo, ‘I no pi, nongu ye alhouqo ke’ ipi yepüani ke kumo?

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

2 Peter 3:9

Timi khami no Ampeu ye Paw pikiqhitsa shikupuni keu lo asheshi kepi kihi cheni, ikemu Pa ye asheshi mono nongu lau kheakulu shi ani, Pa ye khuu pelomu pühave penishimo kemu kümtsü pelo xaideghilu penishi kehue.