MATTHEW 8:4 - Sumi Naga CL (Re-edited) Bible (BSI)

⁴ Eno Jisü no pa vilo pi, “No ye khuu vilomu pi kevi, ikemu achineu lau wuno piyelo, tishino viluve keu thopi shi Moses no azah tsükeu kiqi lono agho pesü mllalo.”

BAIBEL (BSI)

⁴ Tishieno Jisu no pa vilo pi,”Hila julo, timi khuvilomu kumu pi kevilo, ikemu vejoyi achinemi lau wulo,noye kishekulu pa piyelo eno tishi no Muse no ahza tsupuakeu kiqi lono akumllagho pesu mllalo, tiye kutami pelo noye mithevae pikeu ithipe nike.”

Sümi Tiqhelimi Bible

⁴ Tisheno Jisü no pa vilo pi, “No ye timi khuu vilomu pi kevilo. Ikemu achinemiqo lau kimichikütsü shi wu no panongu pìyelo eno Moses no azah tsüpüa keu toi akümlagho pesü mülá lo.”

MATTHEW 8:4 Iomraidhean Croise

ISAIAH 42:21

Ampeu no Pa chipiu mikucho ghenguno amlo kiqishi Pa yezah süqhe eno ajuküvüpu shike.

ACHINE 13:49

tino atsünipa ju momu huchuyi aghi aye, ti ye phawoni keu kughumho kehu achineu piyeni.

MATTHEW 10:18

nongu sünhe sasü angh ngo kükamiqo lau wunani, ti ye panoqo eno Jewkumomi zülo I je ghenguno ashepe shilu peniye ke.

MATTHEW 16:20

Tishino Jisü no pa khopemi vilo khuu vilomu pa ye Messiah ipi kevilo pi tsatsai azah shive.

MATTHEW 17:9

Panongu no naghuto lono iqiche kelo, Jisü no pano küthü vilo azah tsü, “Akithi lono Timi Nu xüputhu moke kutolo khuu vilomu kungunhetsü pi kevilo.”

MATTHEW 3:15

Ikemu Jisü no pa khochile, “Itehi ye tishive aghilo, kughengu Alhou lopu shiluni keu mikucho kümtsü shikupu tsükeu ye ningu ghenguno achipi ke.” Tileno John no pulove tsü.

MATTHEW 5:17

“Ni ye Moses vecheo tsükeu Yezah momu Tungkupmi no pikeu kubove tsüniye ighie pi kümsü kevilo; I no ighikeu ye tipaqo kubove tsünike kumono shikupu tsüniye ke.

MATTHEW 6:1

“Mthamini nongu ye timi pelo ithulu peniye aküpülü khuaye nongu no papelu chekeu pesü aqha zülono shipiyelu nosake tsükhüi lo, nongu no tishi aye kungugha lo nongu Papu launo ajume ithulumae.

MATTHEW 9:30

Eno tileno pama nhethi tsükho luve. Jisü no mtotoi pama ghutu, “Khunomu hipa vehu ithipe kevilo.”

Mark 13:9

“Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

Mark 3:12

Ikemu timi pelo ithi pemoni ke pa no mtotoi panoqo ghasüve.

Mark 5:43

Jisü no tsatsai khuu pelomu ithi pemoni ke panoqo ghutuve, eno tithiu kiuala chukepu anga tsülopi panoqo vilo pive.

Mark 6:11

A-a lakhi lo nongu sasümo eno nongu tsa ini tsümo aye, tileno wuche kelo pano shou thopi shi nongu pukhu lo ayeghimkhu kutolo kukhu qhivelo.”

Mark 7:36

Jisü no khuu vilomu pipemo nike timiqo ghutu, ikemu pa no khije tishi keno panoqo no alau külhave tsü.

Mark 8:30

Tileno khuu vilomu pa ghili pipemo nike pa no tsatsai panoqo ghutuve.

Mark 9:9

Panongu no naghuto lono iqiche kelo Jisü no panoqo vilo akithi lono Timi Nu xüputhu moke kutolo panoqo no kiu ithulu keno khuu vilomu pipemo nike ghutuve.

Luke 17:14

Kughou Jisü no panongu ithulu keno ishi pi, “Wulo eno nongu ampi pesü achinemi piye lo.” Panongu no wuche kelono kümtsü mithelu khave.

Luke 21:13

Tino nongu ghenguno thopi shini keu dokivi shi nani.

Luke 4:41

Timi kutomo philo tüghami akeqo no, “No ye Alhou Nue,” ipi ighasü ipeghi. Ikemu pa no tipaqo lomipi no atsa pi pemoe, kughengu panongu ghi pa ye Messiah kepi ithi ae.

Luke 5:14

Jisü no khuu vilomu pi kevilo pi mtotoi pa ghutu, ikemu “wulo eno achineu piyelo, tishino o shikimthe luke ghenguno timi zülo thopi shi Moses no azah tsüke toi akümllagho tsülo.”

Luke 8:56

Li puaza no akümza qhiyive, ikemu kiu shive keno khuu vilomu pipemo nike pa no ghutuve.

Luke 9:21

Pa no hipa vehu pesü khuu vilomu pipemo nike tsatsai panongu azah tsü,

John 5:41

Ni ye timi launo agigihu laju chemoe.

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

John 8:50

Ikeghi ni ye I likhi I jekipi phuchemoe; tipau phu chekeu lakhi ani eno pa ye küghaküthau ke.