MATTHEW 6:24 - Sumi Naga CL (Re-edited) Bible (BSI)

²⁴ “Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

BAIBEL (BSI)

²⁴ “Timi khumu ampiu kini quaxemi shimlae, kughengu paye lakhiye mithive puzu lakhiu kimiye nani; lakhi qhoqhu puzu lakhiu phimo nanie. Nongu ghi titoi Alhou ngo kuakini kuma kinikujo quaxeuye shimlae.

Sümi Tiqhelimi Bible

²⁴ “Timi khumu ampeu kini qüaxemi shimlae. No ye lakhi mithive no lakhiu kimiye nani, momu no ye lakhi qhoqhü püzü lakhiu phimo nani. No ye Alhou eno küakini küma kinikujo qüaxeu ye shimlae.

MATTHEW 6:24 Iomraidhean Croise

BOTHUBO 47:17

Ikehu panongu no atsü-aqu peighi no Joseph tsü, eno Joseph no panoqow khurshi, atsü-aqu, lhoxü jeli eno khurhaqo theli lo achuqupu tsüe. Tipa mpe lo pa no panoqo tsü-aqu kümtsü theli lo achuqupu pewo panongu tsüe.

KUKAMI ATUGHIU 18:21

Elijah no timiqo phivilo ighi no pi, “Nongu mlo lo hiküma dolo xatha nike ado khitohi luni kea? Ampeu no Alhou shiaghi aye, Pa papelo; ikemu Baal no shiaghi aye, pa papelo.” Timiqo ye atsa lakhimu piqhi move.

KUKAMI AKINIU 17:41

Ikehu shiye hipaqo ye Ampeu huthu eno ajulhoqo ghi huthue. Panongu tianuli ghi tipatho shi, eno pano tilimiu ghi pano puasüqo no shike toi shi, eno ishi kutolo tishi achephi.

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

Luke 16:11

Tishi aye, nongu no ayeghi lo küakini peitha keu lo thotsü pükhükulupu shimlave aye, khuu no küakini kuchou pesü nongu pichetsü nani kea?

Luke 16:13

Aqeu khumu ampeu kini qe küqhamlae, pa ghengu ye lakhi mithive no lakhiu kimiyeveni keo, lakhi gholu no lakhiu jukünathani keno lakhi kishelu masae. Nongu ye Alhou eno küakini qe küqhamlae.”

Luke 16:9

I no nongu vilo piani, ayeghi lo küakini pesü nongu ghenguno aküsami shikile lulo, tishianguno kughou no ti kühaveni keno, lhokta kungo-a lo alokivi shi nongu sasü nani.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

2 Tim. 4:10

kughengu Demas ye hipa yeghi kimiyeuve püzü I qhive no Thessalonica lo wuvae. Cresens no Galatia lo wuvae eno Titus no Dalmatia lo wuvae.

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”