MATTHEW 6:2 - Sumi Naga CL (Re-edited) Bible (BSI)

² “Ikehu, kughou nono aveküsami kuphuni keno, khilemu o fuko küigha ghi shikevilo, ti ye keghilishi kemi no timi pelo sheqhe peniye sinagog eno alaghila lono tishi cheni. Kuchou no I no nongu vilo piani, panongu ye pano jume ithulu khavae.

BAIBEL (BSI)

² “Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

Sümi Tiqhelimi Bible

² “Tighenguno nongu no kughou aveküsami kuphuni keno, nongu ye kühaküghamiqo no synagog eno alaghilaqo lo ighamuku kütami pelo panongu gihu peniye asheshu keu toi shi kevilo. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:2 Iomraidhean Croise

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

LESHELE 37:21

Kixikilami ye nalu no tsüchile chemoe, ikemu amikuchomi ye michhi mono tsü cheni;

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

AHOLE 20:6

Timi kutomo no iqemokeu kikimiye anie picheni, ikemu khuu no pükhükulupu timi phulu nani kea?

YETSAPIU 11:2

Ayeghi lo kiu nguküsa tsala ighini keno mtha kehu o chuqupu saje pesü timi tsüni momu tache mu tsülo.

ISAIAH 10:6

Alhou kümthami shiye, I loghu shikighide kemi lau wuno alaghila lo aniba qoda keshi püka, eno hakholu penike I no azah pa tsüno puwu ani.

ISAIAH 58:7

Kümvü keu ye müzüthi aghi kemi sasü nongu chuqupu küsajeni keu, eno aki küha kemi nongu ki lo sasüni keu, aphimini küha kemi aphimini tsüni keu, eno alimi launo itshü wuve moni keu noke kumo keshea?

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

HOSIYA 8:1

Afuko pesü o mütsü lo thelo! Alhuqu toike lakhi no Ampeu ki shou ikughi ani, kughengu panongu no Iw puloshoqhi hexavae eno I yezah hebideve ake.

MATTHEW 15:7

Nongu keghilishi keqo! Isaiah no nongu ghenguno achipi shi tungkuptsa pitsü kena:

MATTHEW 16:3

Eno inaqhe nongu no, ‘Atsütsü ye huchuyi eno züchiyi ani keke ishi ye pasapagha tsala shinani’ ipi cheni. Nongu ye atsütsü lo juno atsala kiu toi nani keno pilu cheni, ikemu ado aghuloki michipuqo kiqilu chemoe.

MATTHEW 22:18

Ikemu Jisü no pano lhoksa kukughu ithive no pi, “Nongu keghilishi chekeqo, kushiye I peju ani kea?”

MATTHEW 23:5

Pano kümla kümtsü timi pelo ithulu peniye shicheni. Tigheno akishe lo ashiyiko bohu khapu chekeu ghi panow paje, eno aphimini lo akighikipili ghi panow no akushuu shicheni,

MATTHEW 23:6

aghulhu lo panongu ye kuküsütou phivilo agigihupu lakhü lo ngonishi eno sinagog lo ghi a-a akiviu pükha cheni.

MATTHEW 24:51

Ampeu huno pa küghape hethapinyi nani, eno keghilishi kemi gholo qhive nani. Tilehi küqa kumlo eno ahu tsüghü bubushi nani.

MATTHEW 5:18

Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

MATTHEW 6:16

“Kughou nongu no kümvüni keno keghilishi kemi toi nongu ye khümüi keu ju piye kevilo, kughengu panongu ye kümvü anie pi timi pelo ithulu peniye panoqo gi mu phamono thibui piye cheni. Kuchou no I no nongu vilo piani, panongu ye pano jume qhoi ithulu khavae.

MATTHEW 6:3

Ikemu kughou nono aveküsami kuphuni keno, o u ajeu no kiu shiani keno o u piyiu pelo ithipe kevilo,

MATTHEW 6:5

“Eno kughou nongu no inikhuni keno, khilemu keghilishi kemi toi kevilo. Kughengu panongu ye timi pelo ithulu peniye sinagog lo eno alaphe lo puthugho no inikhuni keu no pano lokütü cheni. Kuchou no I no nongu vilo piani, panongu ye pano jume qhoi ithulu khavae.

MATTHEW 7:5

No kühaküghau, atüghüshi o nhethi lo asülu ikhipheve lo, tithiuno amihi ikhiphe nike nono mtsümishei ithulu nani.

Mark 12:39

Panongu no sinagog lo a-a akiviu eno aghulhua lo ghi agigihupu lakhü pükha cheni,

Mark 7:6

Jisü no khochile, “Isaiah no hitoi nongu keghilishi kemi ghenguno tungkuptsa pi achipi shi pitsüe: “‘Timi hipaqo no akichi loye I gihu cheni, ikemu pano mlo ye I launo putou ani;

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

Luke 11:43

Nongu Phariseemi ghenguno ahae! Kughengu nongu no sinagog lo agigihupu lakhü eno alhikishia lo nongu sheqhe peni keu kimiye cheni.

Luke 12:33

Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

Luke 12:56

Nongu keghilishi keqo! Nongu ye kishi ayeghi eno atsütsü jupe azümülhü ghili hepho kepu keno ithi ani, ikemu kishino nongu ye itodolo do-aghuloki vehu ye hephoni keu mthave kea?

Luke 13:15

Ampeu no pa khochile, “Nongu keghilishi keqo! Sabbath lo nongu kümtsü no amishi na khurha namu kuqhophe no azü piye nike sawu chenike kumo?

Luke 20:46

“Ayezah shikükami jukuto lo, panongu ye chijeboike phi pusü itsü iqhoiqi chenishi, alhikishi-a lo agigihu tsü, sinagog lo ghi a-a akiviu pükha, eno aghulhu-a lo agigihupu lakhü lo iqanishi cheni.

Luke 6:24

“Ikemu nongu khunono kinimi keno ahasapue, kughengu nongu ye itehi no alokughunopu ithuluvae.

Luke 6:42

Nono o nhethi lo asülu akeu ye juzüve no kishino o thiküzüu vilo, ‘Athiküzüu, o nhethi lo asümihi akeu I no ikhipheve tsüni,’ ipi luni kea? No kühaküghau, atüghüshi o nhethi lono asülu ikhipheve lo, tishino o thiküzüu nhethi lo asümihi akeu ikhiphe lunike nono mtsümishei ithulu nani.

John 13:29

Judas no pisabo puche kehu Jisü ye pa vilo “Aghulhu ghenguno ningu no kiu avehupu shiani keno qhüvelo,” momu kiu kiumu pesü kumlhomi tsü masae, ipi ani küghashi khami ye kümsüve.

John 5:41

Ni ye timi launo agigihu laju chemoe.

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

Apostolmi 10:2

Pa ye Alhou ithitoi eno pa kibo kümtsü Alhou sümsa chekemi, kumlhomi kuphu eno tamono Alhou vilo inikhu chekemi.

Apostolmi 10:31

eno pi, ‘Cornelius, o kighini eno nono kumlhomi kuphu chekeu hu Alhou no ikhiluve tsüae.

Apostolmi 10:4

Pa no thüghüi kungumi juno pi, “Ampeu, kiu kea?” Kungumi huno pi, “O kighini eno nono kumlhomi kuphu chekeu ye kümsükulu kümllagho shi Alhou tovae.

Apostolmi 11:29

Ikehu akhopemi no pütüta no toluke qhemi Judea lo athiküzümi lau akukuphu tsünie pi xathalu.

Apostolmi 24:17

Ampe hami thiu no ni ye kümsagho eno akümllagho pesü ni shiye tsünike ighi.

Apostolmi 9:36

Joppa lo akhopemi totimi lakhi Tabitha, pekide kelo Dorcas ipikeu ae. Li ye akümla kivi eno kumlhomi tsükinimi ke.

Rommi 12:8

khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

1 Kor. 13:3

I no aghikeu kümtsü pesü tsüve, eno I phimpi pitive peniye ikhiphetsü aghi namu kikimiye küha aye ni ye kiumu ala shiamoe.

Galatiami 2:10

Panongu no avehu lakhi, I no shinishi qhiyi chekeu kümla, ti ye kumlhomi kümsülu tsülopi ningu vilo pike.

Ephesiami 4:28

Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

1 Thes. 2:6

Momu nongu launo na kütami launo namu ningu ye timi launo ajekipi phumoe, monimo aye ningu ye Khristow apostolmi kehu nongu shou aküka ake.

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

Philemon 1:7

I thiküzüu, ni ye o kikimiye lono alokivi eno alokughuno shishe ithuluvae kughengu o vecheo küpülümi ghüthi püxü tsüke.

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

SAMUEL ATUGHIU 15:30

Saul no pi, “I no axine shivae; tishimu Iw timi layemi eno Israel zülo I gihu tsülo eno I gholo idewo tsülo, tishino I no Ampeu o Lhou zülo itsaqini.”