MATTHEW 6:1 - Sumi Naga CL (Re-edited) Bible (BSI)

¹ “Mthamini nongu ye timi pelo ithulu peniye aküpülü khuaye nongu no papelu chekeu pesü aqha zülono shipiyelu nosake tsükhüi lo, nongu no tishi aye kungugha lo nongu Papu launo ajume ithulumae.

BAIBEL (BSI)

¹ “Timi pelo ithulupe niye nowu achineyehlo shichekeu kikimiye kumla timi zulo shipe piye kevilo. Kughengu nonguno tishiaye nongu paPuh kungughalo akeu launo nongu jume kuhave nani.

Sümi Tiqhelimi Bible

¹ “O chipiumikucho kümlà ithulu peniye timi zülo pephe-piye keu shimo nike kutokupui alo. Tsalá nongu no tishiaye, Apù kungugha lo akeu lau no asaxu ithumla nani.

MATTHEW 6:1 Iomraidhean Croise

KUKAMI AKINIU 10:16

Pa no pi, “I gholo ighilo eno I no Ampeu lau amlo tsüche keu julo.” Ikehu Jehu no pa paw khurkulu lono pa sasü wu.

KUKAMI AKINIU 10:31

Ikemu Jehu ye tsaqütsalei Ampeu, Israel Lhou yezah lono checheni keu shimove. Pa ye Jeroboam xine khikhi no Israel pelo axine shivepe keno, tipau lono tsüghü move.

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

ZEKHARIA 13:4

“Tipa tsala lo kughou tungkupu lakhi no tungkuptsa pini keno paw kungunhetsü ghenguno kujove nani. Pa ye pishiqhi nike ghenguno amhi hebephi pepumo nani,

ZEKHARIA 7:5

“Aghakhu lo timi eno achinemi vilo pilo, ‘Kughou nongu no ampe lhotsüni kutolo aqhi apunguu eno akütsüniu lo kümvü eno mloqa keno, nongu ye I ghenguno kümvü keshea?

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:6

Jisü no panoqo vilo pi, “Phariseemi ngo Sadduceemi kholaqhi jukuto no kutokupui alo.”

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

MATTHEW 23:5

Pano kümla kümtsü timi pelo ithulu peniye shicheni. Tigheno akishe lo ashiyiko bohu khapu chekeu ghi panow paje, eno aphimini lo akighikipili ghi panow no akushuu shicheni,

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

MATTHEW 5:46

Kughengu nongu kimiye kemi likhi nongu no kimiye aye, tile nongu saxü kiu anani kea? Yepekaw zame küqhamiu ghi tishi chenike kumo?

MATTHEW 5:48

Tighenguno kungugha lo nongu Papu no kupukülai ketoi nongu ghi kupukülai masae.

MATTHEW 6:16

“Kughou nongu no kümvüni keno keghilishi kemi toi nongu ye khümüi keu ju piye kevilo, kughengu panongu ye kümvü anie pi timi pelo ithulu peniye panoqo gi mu phamono thibui piye cheni. Kuchou no I no nongu vilo piani, panongu ye pano jume qhoi ithulu khavae.

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

Mark 8:15

Jisü no panongu ghutu ghi pi, “Jukuto lo; Phariseemi ngo Herod kholaqhi lono tsükhüi shilo.”

Luke 11:35

Tighenguno kutokupui lo, tikumo aye o lolo aküvü akeu ye zümoive nosae.

Luke 12:1

Tishi akelo, kughou timi qhethonhe piqi kumqove keu lono khami no khami nedauve keno, Jisü no atüghüshi pa khopemi vilo pi, “Phariseemiw kholaqhi, ti ye keghilishi keu, jukuto lo.

Luke 12:15

Eno pa no timiqo vilo pi, “Alakimne jeli kümtsü lono nongu jukutolu lo, kughengu timi lakhi küxü ye pa küakini pofushi aghi keu huno kumoe.”

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

John 12:43

kughengu panongu ye Alhou launo ighikeu jekipi ye timi launo ighikeu jekipiu kimiye kütüke.

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

Apostolmi 3:12

Kughou Peter no ti ithulu keno, pa no timiqo vilo pi, “Israelmiqo, kushiye nongu ye hi jupe akichiqhi ani, eno ni küka momu ni küxü kimthe huno timi hipau pelo alache lupe ketoi kutuxoxo ni juani kea?

Galatiami 6:12

Khunono nongu pelo ashi lono timi shipiye penishi cheni keno, panoqo no tsümomo nongu pelo aphighüyiko ghave penishi ani, tishikeu lono Khristow kros ghenguno panongu ghime pemo niye ke.

ZAKINIU 24:13

Khetsünhe iloche kemtsa pa tsüchileve lo, tishianguno pa pelo tipau uzü luno o kümghatsü pelo. Tino Ampeu nongu Lhou zülo achipi shi nani.

IBRIMI 11:26

Egypt küakini nguno Khristo ghenguno tichetighe xapu keu no akijeu kepi pa no kiqilue, kughengu pa ye asaxü shou jupuku cheke.

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

2 John 1:8

Nongu jukutolo, tishianguno nino nongu ghenguno kiu mla püani keno pühave mono nongu no asaxü qhoi ithulu nani.