MATTHEW 5:4 - Sumi Naga CL (Re-edited) Bible (BSI)

⁴ “Khunono mloqa cheni keno akümghapue, kughengu panongu lokughuno tsünani.

BAIBEL (BSI)

⁴ ‘Mlo qa chekemi kumghae, kughengu Alhou no panoqo lokughuno tsu nanie!

Sümi Tiqhelimi Bible

⁴ Mloqa chekemiqo kümghae, kughengu panongu lokughuno tsü nani.

MATTHEW 5:4 Iomraidhean Croise

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 57:18

I no pa no kishi xü ani keno ithuluvae ikemu I no pa shipivi nani; I no pa saphe sawu nani eno pa eno pa gholo mloqa akemi lokughunotsü nani,

ISAIAH 66:10

“Jerusalem gholo alovilo eno li gholo alopiqi lulo; nongu li kimiye chekemi; li sasü alovi küqhalo, nongu li ghenguno mloqa chekemi;

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

EZEKEL 7:16

Tsala khuana ghülu kemi no pokalu aye, panongu ye naghutoqo lo wuve nani, akhila lo amiqhi toi panongu milakhikhi no pütüta kipimi ghenguno mloqa nani.

EZEKEL 9:4

Ampeu no Pa vilo pi, “Jerusalem mishighüna qha kuchopu wulo, eno khunoqo no tile aphikümqhüpu shikeu ghenguno akümza eno amloghuju shi ani keno panoqo kishe lo amchipu lakhi shipuku lo.”

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

Luke 16:25

Ikemu Abraham no pi, ‘Anu, o küxü tivilo no ye thime kivi pesü ow shilue, titoi Lazarus ye alhoksa likhi ithulu kepi kümsü luniwa; ikemu itehi pa ye hilau alokughunopu ithulu ani, eno nou no aghime lo ani.

Luke 6:21

“Nongu khunono itehi müzüthi ani keno akümghapue, kughengu nongu ghapiqi tsü nani. “Nongu khunono itehi mloqa ani keno akümghapue, kughengu nongu ye alovi nu nani.

Luke 6:25

“Nongu khunono itehi yele-qole ani keno ahasapue, kughengu nongu ye müzü tüghü nani. “Nongu khunono itehi alovi nu ani keno ahasapue, kughengu nongu ye mloqa nani.

Luke 7:38

Eno pa thiu puthughope qa ghi li nhezü no pa pukhu pütsa tsüno asa pesü isütsü, tithiu li no pa pukhu müma no axokütsüngü thazü pesü nutsü.

Luke 7:50

Itaghi pa no atotiu vilo pi, “O küpülü no o xaluvae; aloino wolo.”

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”