MATTHEW 5:3 - Sumi Naga CL (Re-edited) Bible (BSI)

³ “Aghungu lo kumlhomi shikemi kümghapue, kughengu kungugha yekipe ye panow ke.

BAIBEL (BSI)

³ “Amlolo kumlhomi shi aniepi ithikemi kumghae, kughengu Kungugha yehkipeye panoqo wuke!

Sümi Tiqhelimi Bible

³ “Aghungu lo athokha shi ani ipi ithi kemi kümghae, kughengu kungugha kükaphu ye panonguw ke.

MATTHEW 5:3 Iomraidhean Croise

YEKIKITHI AKINIU 33:12

Kughou pa no aghime lo akeno, Ampeu pa Lhou lau akukuphu khu eno pa puasü Lhou zülo kuchunive.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 33:23

Pa pu Manasseh no kuchuni ketoi mono pa ye Ampeu lau pa shikuchuni moe, ikemu Amon hipau ye alau-alau akipimi shi auve.

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

YEKIKITHI AKINIU 7:14

tsala Iw timi I je kuche keqo no kuchuni püzü inikhu no I phuighi eno panow kixikila lono tsüghü ighi aye, I no kungugha lono panongu kighini chilutsü nani eno pano xine qhive tsüno pano yeghi shipivi tsü nani.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

LESHELE 1:1

Khunono kixikilami mijekütsü lo cheche moni, axinemi laghi lo puthughomo eno thoküghami lakhü lo iqa moni keno pano ye akümghapue;

LESHELE 112:1

Ampeu sheqhelo! Khunono Ampeu gihu cheni, eno Pa zakütsü lo alokiqi shi cheni keno alokivipue!

LESHELE 128:1

Khuu no Ampeu sümsa eno Pa laghi lo checheni keno pa ye alokivipue!

LESHELE 146:5

Khunono Jacob Lhou launo akukuphu lucheni keno, khunow lajupu no Ampeu Alhou lau ani keno alokivipue,

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

LESHELE 34:18

Ampeu ye amlo itamjui akemi kupunu ani eno aghungu lo chishedape akemi xalu cheni.

LESHELE 41:1

Khunono kumlhomi jukuto cheni keno pano lokivipue! Shiluküsa tsala lo Ampeu no pa xaphelu cheni;

LESHELE 51:17

Alhou lau aghakishi ye aghungu lo mlominyi keu ke, O Alhou, No ye küghüta kughuju mlo jukünathave chemoe.

LESHELE 84:12

O aqokitikhi Mpeu, khunono O pükhü cheni keno alokivipue!

AHOLE 16:19

Qhezalaki kemi sasü hakhokulu kini küsaje akepu ye aqhokigheu shi kumlhomi gholo akeu pavie.

AHOLE 29:23

Milakhi qheküza no pa sünheqhi pe kuchunive cheni, ikemu amlo lo mtshaivü kemi ye agigihupu ithulu nani.

AHOLE 8:32

“Ikehu I tsa inilo, O anuliqo: khunono I laghi lo checheni keno tipano kümghapue.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

MATTHEW 11:6

Khunono I jupe apukhu püsü moni keno akümghapue.”

MATTHEW 13:16

Ikemu nongu nhethi no ithulu aphike akümghapue, titoi nongu kini no chilu aphike akümghapue.

MATTHEW 19:14

ikemu Jisü no pi, “Itimiqo lakha kevino panoqo pelo I lau ighi pelo, kughengu Kungugha yekipe ye hitoi kemi salake.”

MATTHEW 24:46

Aqeu no tishi mla akelono pa mpeu no aki lo ighi püzü ithulu aye pa kümghapue.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 8:11

I no nongu vilo piani, kutomo no kipelau eno kulolau no ighi no kungugha yekipe lo ilo Abraham, Isaac, eno Jacob gholo chunike iqa nani,

Mark 10:14

Ikemu kughou Jisü no ti ithulu keno, pa ye aghaideve no panoqo vilo pi, “Itimiqo pelo I lau ighi pelo; panoqo lakha kevilo, kughengu Alhou yekipe ye hitoi keqo salae.

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

Luke 22:29

ikehu I Pu no ayekipeqha I tsüke toi I no nongu tsü ani.

Luke 22:30

Tishikeu lono nongu no I kükaqha lo chusholu eno kükalakhü lo iqa no Israel shiaye chighikini shou küghatha nani.

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

John 20:29

Jisü no pa vilo pi, “No ye ni ithuluve ake ghenguno pülü ani keshea? Khunono ni ithumla namu pülüni keno akümghapue.”

ZAKINIU 8:2

Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

James 1:10

eno kinimiu ghi pa shikuchuni keu lo akijivile masae, kughengu pa ye atsünikupu toi hauve nani.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

Piyeküsü 19:9

Kungumi huno I vilo pi, “Hi yelo: Ambetiw külakupu ghulhu lo khuno kusüni keno pano kümghapue.” Pa no highi I vilo pi, “Hipaqo ye Alhou tsa kuchoue.”

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

Piyeküsü 3:17

Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.