MATTHEW 5:22 - Sumi Naga CL (Re-edited) Bible (BSI)

²² Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

BAIBEL (BSI)

²² Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

Sümi Tiqhelimi Bible

²² Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

MATTHEW 5:22 Iomraidhean Croise

BOTHUBO 37:4

Ikemu kughou pa mu noqo no panongu papu ye athiazümi kümtsü nguno alau pa kimiye akeu ithive keno, panongu no pa mithiuve, eno aloqiqhiyi pa pütsa mlave.

BOTHUBO 37:8

Pa mu noqo no pa vilo pi, “No ye kuchou no ningu shou kani kea? Ikeo no ye kuchou no ni shou ayepeni kea?” Ikehu pa samo eno pa tsa ghenguno panongu no itaghi alaushi pa mithiuve.

SAMUEL AKINIU 16:7

Shimei no David ghushoqhi pi, “Ipevelo, ipevelo, no aji küxü, ameküküha timi!

SAMUEL AKINIU 6:20

David no pa kibolomi kümgha tsüniye ighi. Ikemu Saul nga Michal no David sholu niye ighi no pi, “Ishi Israel kükau ye kishi pa ampi gihu kela, pa ghinimi qelimi nhethe lono ghaghumi toi kujomo mithe pa phimini xake!”

KUKAMI ATUGHIU 21:4

Naboth no pikeu tsa chilu no Ahab ye ighono amloqi mono agha idesü aki lo ilove kughengu Naboth no pa vilo, “Ni ye I puasüqo mheghi o tsümlae” ipike. Eno pa züalo ihozü no pa gi kughope kiumu chumove.

YEKIKITHI AKINIU 16:10

Asa no tungkupu shou amlo ideve no pa küghape ayikichhe no tshüpe qhive. Eno hipa ghuloki lono Asa no timi khami ghi ghimeve.

YEKIKITHI AKINIU 19:5

Pa no aliwo kumto mishighüna atsütsü xaküthami süsüpe qhi,

NEHEMIA 5:8

eno pi, “Tolukivi thaqhü ningu ye ni thiküzümi khunoqo shiye kütami lau jesüve keno sachile ighi ani, ikemu nongu ye no thiküzümi ghi jesüve ani, tishianguno ningu lau jesüve peniye ke!” Panongu ye inaqhoive eno kiumu pimlave.

LESHELE 109:3

Akimthipu tsa no I sühope ani, eno kütsazü shi I ghime ani.

LESHELE 14:1

Mbomzümi no pa mlo lono ishi picheni, “Alhou ye kühae.” Panongu ye shiküpsa, kuchhube kümla shicheni, milakhimu akivi shikemi kühae.

LESHELE 25:3

Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

LESHELE 35:19

Khunono akumou lono I ghümi shi ani keno, pano pelo I no tomlave keu lo alovipe kevilo, eno khunono kütsazü shi I mithi ani keno pano pelo anhethi kutuxoxo I jupe kevilo.

LESHELE 37:8

O mlo kighide ghasülo, eno aloghu phevelo! O kütakihi kevilo; ti ye alhoksa lo likhi sailove cheni.

LESHELE 49:10

Kughengu pa no ithulu anike alokütsümi ghi thive cheni; mbomzümi eno anikhami ghi aphiphi shi pühave cheni eno pano küakini ye kütami lau qhivetsü cheni.

LESHELE 69:4

Kütsazü shi I mithi chekemi no I kütsüsa nguno akichiu ani; akimki lono I ghüzani ye akemi, I kütsani ye akemi ye akumtomi ke. I no püka lumomu ni ye itehi ti lochileve masa keshea?

LESHELE 7:4

tsala I no küsakügha pesü I küsau lochile püaghi, momu kütsazü lono I ghümi xüle puwuve aghi aye,

LESHELE 92:6

Küghüzümi ye ithilu chemoe; mbomzümi ye hipau vethaluni chemoe:

AHOLE 14:16

Alokütsümi ye tsükhüi shi alhoksa lono tsüghüve cheni, ikemu mbomzümi ye lolhülo eno jukuto chemoe.

AHOLE 18:6

Mbomzümi mili no akikichighi lo sailove cheni eno pa tsapi no akihepusü kusü cheni.

JEREMIYA 17:11

Timi no kuchokumo lono akini shilu keu ye akhi no yikhu qhimo keu khopheke toike, pa küxü mta lono akini hauve nani, eno ashekha lo anikha shive nani.

AKUMLO 3:52

“Akiqi kühamu I ghümi shi akeqo no aghau toi I hakuqoe;

DANIEL 3:13

Tileno Nebuchadnezzar no axukighide lono Shadrach, Meshach, eno Abednego noqo saighi peniye azah tsü. Ikehu panongu no akükau zülo timi hipaqo saighi.

DANIEL 3:19

Tithiu Nebuchadnezzar ye axuideve, eno Shadrach, Meshach, ngo Abednego noqo launo pa gi kilive. Pa no kuchughei keu miphoki thosülo nguno ghuthu tsüni no alau küiqü penike azah tsüve.

Obadiah 1:10

O thiküzüu Jacob shou kütsakungo ke ghenguno, akukujo no o küzüluve nani, eno pülhapuju ghenguno o sasü ayigheve nani.

Obadiah 1:12

Ikemu o thiküzüu nguküsa tsala lo pa ju anheshu kelauno alovi kevilo; Judah timi shou kütsakungo keu tsala lo alokivi shi akevilo; aghime tsala lo qheza kevilo.

MATTHEW 10:17

Timiqo jukuto lo, kughengu panongu no nongu sasü pano hoho zülo wunani eno sinagog lono akighikipili pesü nongu heqhi nani,

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

MATTHEW 12:24

Ikemu kughou Phariseemi no ti chilu keno, panongu no pi, “Timi hipau no tüghami haphelu akeu ye tüghami yepetou Beelzebul vecheo likhino ke.”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 18:21

Tile Peter no Jisü lau ighi no iniju, “Ampeu, I thiküzümi lakhi ye ghuthu khije I shou axine shilu nani, eno ni ye ghuthu khije pa kipimi qhitsülu nani kea? Ghuthu tsüni keo?”

MATTHEW 18:35

Ikehu nongu no amlo lono no thiküzümi kipimi peve tsümo aye, I Pu kungugha lo akeu no hitoi nongu lakhikhi lau shinani.”

MATTHEW 23:15

Nongu Ayezah shikükami ngo Phariseemi hasapue, keghilishi chekeqo! Nongu no timi lakhi sawo no chineye lo süniye azüghi eno ayeghi kathasü wucheni, kughou tishi luveni keno nongu no pa pesü ghuthu kini nongu nguno alau aghime shipe cheni.

MATTHEW 23:33

Nongu apighiqo, eno apighitiqo, Ami lo iloni keu ghime lono nongu ye kishi poluni kea?

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

MATTHEW 26:59

Jisü pithive niye achinetomi ngo hoho mpemi kümtsü no kichile thopi phuae,

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

MATTHEW 5:34

Ikemu I no nongu vilo piani, kiu shoqhimu shi kevilo, tike kumono kungugha mu jeku kevi, kughengu ti ye Alhou lakhü-a ke, ayeghi mu jeku kevi, kughengu ti ye Pa pukhu kinepu-a ke,

MATTHEW 5:44

Ikemu I no nongu vilo piani, No ghümi kimiyelo eno khunono nongu ghimeqhi cheni keno, panongu ghenguno inikhu tsülo,

Mark 14:55

Tile achinetomi eno hoho mpemi kümtsü no Jisü pithive niye pa xube kepu jeku phujua, ikemu kiumu ithulumoe.

Mark 15:1

Inaqhe shive kemtsa achinetomi no layemi, Ayezah shikükami ngo hoho mpemi kümtsü sasü kuchughuve. Panongu no Jisü phiau tshüve tsüno sawo Pilate u lo süvetsü.

Luke 12:5

Ikemu khuu msa kepu keno I no nongu ghutu ani: khuu no pithive no alhomi lo vesüve kulupu kükagha ani keno, pa msa lo. Iyei, I no nongu vilo piani, pa msa lo!

Luke 22:66

Kughou atsala ipeghi keno, hoho mpemi layemi, achinetomi eno Ayezah shikükami ighi no kumqo luve. Jisü sasü panoqo zülo ighi, eno panongu no iniju,

John 11:47

Ikehu Achinetomi ngo Phariseemi hoho no kumqo no pi, “Ningu ye kiu shikepu kea? Kughengu timi hipau no amchipu kümla kutomo shi auvae.

John 15:25

Ikemu panongu Yezah lo yepüakeu tsa ye shikupu masae: ‘Jekujeli kühamu panongu no I mithike.’

John 7:20

Aqokitikhi no khochile, “No ye tüghami o lolo ani! Khuu no o pithiveni ye phucheni kea?”

John 8:48

Jewmi no pa khochile, “No ye Samariami eno o lolo tüghami anie pi ningu no pikeu ye achipi kumo keshea?”

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

Apostolmi 22:30

Ikemu thoghiu Jewmi ye kushiye pa nguku akeno ithini kehu, zatsüu no pa kuqhovepe, eno achinetomi ngo hoho kusho lopi azah tsü, eno pa no Paul sasü ighi no panongu zülo qhi.

Apostolmi 23:1

Paul no tsaqüi hoho mpemi juno pi, “Athiküzümiqo, ni ye ishi kutolo Alhou zülo I kükümsü mtsümishei shi xüighivae.”

Apostolmi 24:20

Tikumo aye timi hipaqo pelo, I no Jewmi hoho zülo puthugho kelo, I kipimi kiu akeno piju pelo,

Apostolmi 4:15

Panongu no pama vilo hoho zülono ipeve lopi azah tsü, eno lakhino lakhi vilo pi,

Apostolmi 5:21

Panongu no hi chilu no tsüthove kemtsa achineki lo ilo no shika thuve. Achinetou ngo pa gholo akemi no Israelmi layemi hoho kusü, eno apostolmi saghi penike akughuki lo puwu.

Apostolmi 5:27

Panongu no apostolmi saghi no hoho zülo qhi, eno achinetou no panoqo vilo ighiju,

Apostolmi 6:12

Panongu no timiqo, layemi, eno Ayezah shikükami xukutho sasü Stephen lau ighi no pa tsüqü luve, eno hoho zülo sawuve.

Apostolmi 6:15

Hoho mpemi kümtsü no thüghüi pa jukelo pa gi ye kungumi gi toi ithulue.

Apostolmi 7:37

Moses hipau no Israelmi vilo pike, ‘Alhou no nongu ghenguno no thiküzümi dolo tungkupu I toikeu ipeghipe nani.’

Rommi 12:10

Akibolomi dolo kimiye kile ketoi lakhino lakhi ivükile lo. Gihukileni keu lo nongu paghino alomsü lo.

1 Kor. 6:10

küpkami na, alakimnemi na, shokümzümi na, thoküghami na, pükaqhi kemi namu, khumu Alhou yekipe ighimla nani.

1 Kor. 6:6

Tishinike züqhulo athiküzümi lakhino lakhi sasü küghaki lo pülümokemi zülono atsakügha wuni keshea?

ZAKINIU 15:11

Kughengu aghakhu lo kumlhomi ye kühave monani. Tighenguno I no azah nongu tsü ani, ‘Aghakhu lo no thiküzümi, aveküsami, eno kumlhomi lau au sükhope nibonilei tsülo.’

ZAKINIU 16:18

“Ampeu nongu Lhou no nongu tsü akeu phughi kümtsü lo küghaküthami ngo hiyampemi alagha kiqi lono süküsü shipe qhilo, eno panongu pelo kuchou xakütha timiqo tsü pelo.

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

Titus 3:2

Khuu vilomu atsa lhoksa pipe kevi, mtomshu pekevi, ikemu kümtsü lau mtshaivü no akhuaye kivi piye pelo.

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

James 2:20

No aghüzüu, akümla sümo kelo aküpülü ye ameküha kepi o piye penishi ani kea?

James 3:6

Amili ye ami toi, ni phimpi lo achipikumo yeghiqha hutoi ke. Tino aphimpi kuchopu shipüsave tsüno amiyizü mi pesü aküxü kupuju lo pitiqhi cheni

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

1 John 2:9

Khunono aküvü lo anie pipüzü pa thiküzümi mithini keno pa ye aküzü lo aphi.

1 John 3:10

Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.

1 John 5:16

Khuana no pa thiküzümi lakhino akithipu kumo xine shi aghi keu ithulu aye, Alhou lau khulo, eno Alhou no aküxü pesü akithipu kumo xine shive kemi tsü nani. Akithipu lo sailove chekeu xine ghi ani; tipau ghenguno inikhu kepue pi ni ye piamoe.

Jude 1:9

Ikemu kughou kungumi tou Michael no tüghami sasü Moses sükumo kohakishi akeno, pa ye küthaküghapu tsa pimono ishi pi, “Ampeu no o lomipi nani.”

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.