MATTHEW 5:16 - Sumi Naga CL (Re-edited) Bible (BSI)

¹⁶ Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

BAIBEL (BSI)

¹⁶ Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

Sümi Tiqhelimi Bible

¹⁶ Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

MATTHEW 5:16 Iomraidhean Croise

IPEKULU 34:35

Israelmi no pa gi küvü ithulu che. Moses no Alhou sasü küptsa moke kutolo agikünha pesü pa gi nhave che.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

ISAIAH 58:8

Tishiaye, nongu küvü ye tsükutho küvü toi ipeghi nani, eno nongu shou shikipivi ye itheno ighive nani; nongu chipiu no nongu züu shino wu nani; eno Ampeu juküvü no nongu thiu nongu khe nani.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

MATTHEW 23:5

Pano kümla kümtsü timi pelo ithulu peniye shicheni. Tigheno akishe lo ashiyiko bohu khapu chekeu ghi panow paje, eno aphimini lo akighikipili ghi panow no akushuu shicheni,

MATTHEW 23:9

Eno ayeghi lo khuu vilomu ‘Apu’ ipi kevilo, kughengu nongu ye kungugha lo akeu Apu lakhi ani.

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

MATTHEW 6:16

“Kughou nongu no kümvüni keno keghilishi kemi toi nongu ye khümüi keu ju piye kevilo, kughengu panongu ye kümvü anie pi timi pelo ithulu peniye panoqo gi mu phamono thibui piye cheni. Kuchou no I no nongu vilo piani, panongu ye pano jume qhoi ithulu khavae.

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

MATTHEW 9:8

Kughou aqokitikhi no ti ithulu keno, panongu ye ighüve, eno Alhou khuu no hitoike kükagha pesü timiqo tsü keno, panongu no Pa jepipi tsüe.

Luke 11:2

Pa no panoqo vilo pi, “Kughou nongu no inikhuni keno ishi pilo: “Apuo, O je akimthe shilo, O yekipe ighilo.

John 15:8

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

Apostolmi 9:36

Joppa lo akhopemi totimi lakhi Tabitha, pekide kelo Dorcas ipikeu ae. Li ye akümla kivi eno kumlhomi tsükinimi ke.

1 Kor. 14:25

Pa mlo lo tuqhouqo lhepheve akehu pa ye agi pishiqhope Alhou mlla no kuchou no Alhou ye nongu gholo anie pi shuphe nani.

2 Kor. 9:13

Akümla hipau vecheo nongu no Khristo tsakiviu ikhilu no aghokulu shikeu lono Alhou juküvü shitsü eno puloniqhiyi timi kutomo sasü küsaje ke ghenguno kütami no Alhou sheqhe nani.

Galatiami 1:24

Ikehu panongu no I ghenguno Alhou sheqhe ke.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

1 Tim. 2:10

eno kiu no Alhou ithitoi kemi totimi ghenguno aghibiu keno, akümla kivi gholono tishi penishie.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

1 Tim. 5:25

Tihutoi akümla kivi ghi pekiphe shive cheni, eno pekiphe shi aghimo namu alhokuthu küsüve mla nani.

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Titus 2:7

No ampi pesü thokha lo kichekipiye kivi shipe piyelo, o kükütsü lo akikhi eno agigihupu piyelo,

Titus 3:14

Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.

Titus 3:4

Ikemu kughou ni Xakuluu Alhouw akivi eno iqemokeu kikimiye ipeghi keno,

IBRIMI 10:24

Ningu kishino lakhino lakhi hakuthope kimiye kile eno akümla kivi shiluni keno alomsüni nolo,

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 Peter 3:1

Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

1 Peter 3:16

nonguw kiviküsa lokütsü huno akipimi tsüpemo kepushi mtsümishei keu mlo xapulo, tishianguno kughou nongu pipüthani keno, nongu no Khristo laumi kehu nonguw süqesüli kivi pipütha kemi pelo kujove peniye ke.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.