MATTHEW 5:11 - Sumi Naga CL (Re-edited) Bible (BSI)

¹¹ “Kughou I je ghenguno kütami no nongu thaigha, ghimeqhi eno akumou lono nongu lau atsa lhoksa pipukuni keno, nongu ye akümghapue.

BAIBEL (BSI)

¹¹ “Ighenguno timino nongu thaigha eno nongu shikimighi eno akimiki lono alhoksa jeli kumtsu pesu nongu shou pini shini keno, nonguye akumgha pue.

Sümi Tiqhelimi Bible

¹¹ “Kughou I ghenguno timi no nongu thaigha, pishi-puju eno akimiki lono küsakügha jeli kümtsü pesü nongu shou pipukuni keno nongu kümghae.

MATTHEW 5:11 Iomraidhean Croise

LESHELE 35:11

Xesüxeni thopimi no ithughi; eno I no mtha keu thime panongu no I vilo ighiju.

LESHELE 44:22

Ikeghi O je ghenguno atsala kupuju ningu ghiqhi acheni; ghiqhiveni ye akeu mbe toi ningu peitha cheni.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

JEREMIYA 37:14

Jeremiah no pi, “Ti ye akimki; Ni ye Chaldeami lau wu chemoe.” Ikemu Irijah no pa tsa ini tsümo, eno Jeremiah küghape hiyampemi lau ighi.

MATTHEW 10:18

nongu sünhe sasü angh ngo kükamiqo lau wunani, ti ye panoqo eno Jewkumomi zülo I je ghenguno ashepe shilu peniye ke.

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

MATTHEW 10:25

Akhopeu ye pa kükütsüu kimihi shilu keu no lukümkhae, tihutoi aqüaxeu ghi tishike. Timiqo no akibo mpeu vilo Beelzebul ipi kucheni aye, pa kibolomi kütami vilou ye kishi aje küsa tsünani kelae.

MATTHEW 10:39

Khunono pa küxü pükhani keno pühave nani, eno khunono I je ghenguno pa küxü pühaveni keno phuluve nani.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

MATTHEW 24:9

“Tileno nongu pesü shikighime eno pithive penike küghaluve nani, shiye kümtsü no I je ghenguno nongu jumithi nani.

MATTHEW 27:39

Tipau vechesü wuche kemi no pano kütsü küngü ghi Jisü thaigha,

Mark 13:13

I je ghenguno timi kümtsü no nongu mithi nani. Ikemu khuu no ashekha kutolo kutuulu keno xaluve nani.

Mark 13:9

“Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

Mark 4:17

Ikemu pano lolo akuhu küha kehu ado hami ghengu likhi no acheni; eno kughou atsape ghenguno aghime kitikhi momu pishipuju ighini keno, panongu ye paikhavi no pheve cheni.

Mark 8:35

Kughengu khunono pano küxü pükhani keno pühave nani, ikemu I ghenguno eno atsakiviu ghenguno aküxü tsüve kemi no ti xalu nani.

Luke 21:12

Ikemu hi kümtsü züuno nongu küghape kijipüsa nani, sinagog yepemi u lo süve no akughuki lo süve nani, eno I je ghenguno nongu sasü kükami ngo angh zülo wu nani.

Luke 21:17

I je ghenguno timi kümtsü no nongu mithi nani.

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

Luke 9:24

Kughengu khuu no pa küxü xaluni shi cheni keno pühave nani, ikemu khuu no I je ghenguno pa küxü tsüveni keno xalu nani.

John 15:21

Ikemu nongu no I laumi kehu panongu no nongu shou hi kümtsü shinani, kughengu panongu ye khuu I puwu keno Pa mthake.

John 9:28

Tileno panongu no pa thaigha ghi pi, “Nou no pa khopemi, ikemu ningu ye Moses khopemie.

Apostolmi 9:16

Pa ye I je ghenguno khijehi ime masa keno I no pa piye nani.”

Rommi 8:36

Ishi yepüake toi, “Atsala kupuju ningu ye o ghenguno akithipu sholu acheni; ambe ghiqhi niye akeu paphishi ningu kihi acheni.”

1 Kor. 4:10

Ningu ye Khristo ghenguno mbomzümi, ikemu nongu ye Khristo lau kimelu keu lono alokütsümi. Ningu ye miqemlei kemi, ikemu nongu ye akumtomi. Nongu ye agigihupu ithulu cheni, ikemu ningu ye tichetighemi ke.

2 Kor. 4:11

Kughengu Jisü ghenguno alhokuthu ni küxü ye akithipu lo ikhiphetsü acheni, tishianguno pa küxü ghi ni phimpi lo ithulu peniye ke.

FILIPIAMI 1:29

Kughengu Khristo je ghenguno nongu ye Pa pülüni keu likhi kumono Pa ghenguno imeni keu do kivi ghi kophepe nongu tsüvae,

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

Piyeküsü 2:3

Nono I je ghenguno kutuukulu shi puqhe akeu eno aghime sholu namu azüzüve mphi keu I no ithi ani.