MATTHEW 4:24 - Sumi Naga CL (Re-edited) Bible (BSI)

²⁴ Ikehu pa jekipi ye Syria qha kümtsü lo veküpha wove, eno küsükinimi, aküsü jeli xapusü ime akemi, tüghaküsa no ghimeqhi akemi, kiligha kipemi, aphiau kithimi kümtsü pa lau saghi no pa no panoqo shipivi tsü.

BAIBEL (BSI)

²⁴ Pa jekipiye Siriya yeghi bocho kumtsulo vekuphawove, ikehu akusupu jeli thwokha lono ichhe-ime aghikeqo kumtsu, eno suaghikeu, tughakusano sa-aghikemi, kilighakipemi, eno aghi-anhu thivekemi pa lau saghike Jisu no panoqo shipivitsue.

Sümi Tiqhelimi Bible

²⁴ Jisü ghili Syria qha kümtsü külha wove, eno timiqo no aküsǜ jeli sǜ akemi, ighono minheqhi sǜ akemi, tüghaküsa no tsüghape akemi, kilighakipemi, eno aphimpi ithamlave kemiqo kümtsü pa lau saighi; eno Jisü no panongu shipivi tsüe.

MATTHEW 4:24 Iomraidhean Croise

SAMUEL AKINIU 8:6

Tithiu David no Damascus Aram lo ghüshimi ghazü qhive, eno Syriami ye David qemi shive no zame süghitsü. David no khile wu keno Ampeu no tokulu tsü.

KUKAMI ATUGHIU 10:1

Kughou Sheba kükaliu no Solomon jekipi eno Ampeu sasü kütshükime chekeu chilu keno, li no kushokütsü ighikuju tsa pesü pa pejuni ke ighi.

KUKAMI ATUGHIU 4:31

Kughengu pa ye timi kümtsü nguno alokütsüu; Ezrami Ethan eno Mahol nuli Heman, Calcol, ngo Darda nguno alokütsüu, eno pa jekipi no acheaxü lo shiye kümtsü lau veküpha wove.

YEKIKITHI ATUGHIU 14:17

David jekipi ye aqha kümtsü lo kügha wove, eno Ampeu no shiye kümtsü pelo pa sümsape.

YEKIKITHI ATUGHIU 29:2

Ikehu ni ye I Lhou ki ghenguno tinhemgha hipaqo, ameshoyi nhemgha mlani ke ameshoyi, ghükayi, alazayi, ayi, eno asüpa ghenguno asü, tinguno alau amekusho eno akughupu tu alabe kütüta eno tünananu shikepu tu phuphushi keu kümtsü I no toluke qhemi kütsasa ikhipe tsüvae.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

MATTHEW 12:22

Tile anhechemi eno atsa piphe kümlami khuu tüghami no ghime ache keno, timi hu Jisü lau saghi, eno Jisü no pa shipivitsü kelo pa no atsa piluve eno ithuluve.

MATTHEW 14:1

Tipa ghuloki lo Galilee Tokukujo yepeu Herod no Jisü jekipi chilu,

MATTHEW 15:22

Ikelo Canaanmi topumi lakhi tipa cheaxü lo achekeu no pa lau ighi no ighamku pi, “O Ampeu, David Nu, I kimiyekütü tsülo; I nga ye tüghami no shishe ghime ani.”

MATTHEW 17:15

eno pi, “Ampeu, I nu kimiyekütü tsülo, kughengu pa ye kilighape cheni eno shishe ime acheni. Ghuthu kutomo pa ye ami eno azü lo ilulove cheni.

MATTHEW 17:18

Eno Jisü no tüghami lomipi kelo tüghami no pa launo ipeghive no itimi huye paikhavi shipivi luve.

MATTHEW 4:23

Jisü no Galilee qha kümtsü lo wuno sinagog lono timiqo shika, kungugha yekipe tsakiviu pesü sheshu, eno aküsü aghime jeli kümtsü shipivi tsü.

MATTHEW 8:28

Kughou Jisü no azüghi tüxau Gadarenes qhalo ighi keno, tüghami aphi lo ilove kemi timi kini akumo tuki lono ipeghi no pa sasü kusholu, hi pama ye ighono ayiküsashi ache kehu khunomu ti küdau püla mono ache.

MATTHEW 8:33

Awo khemi no ti ithulu no pokhave, eno aphughi lo poilo kiu shive keno, akhoto no tüghami no peitha chekeu pama ghili, qhoi pivetsü.

MATTHEW 8:6

“Ampeu, I qeu ye aküsü no ghimeqhi ani püzü aphiau mu itha mlave no aki lo ani.”

MATTHEW 9:26

Ikelo tipaqha kümtsü lo asütsa hipau pikülha wove.

MATTHEW 9:35

Jisü no aphughi eno aphu kümtsü lo wuno sinagog lono timiqo kütsü eno kungugha yekipe tsakiviu pesü sheshu no aküsü ghime jeli kümtsü shipivi tsüe.

Mark 1:28

Paikhavi no Galilee eno ti sümxape akeu qha kümtsü lo pa juaje kügha wove.

Mark 1:32

Tipani avelau kughou khetsünhe ilove keno, timiqo no küsükinimi ngo tüghaküsa no ghime akeqo kümtsü sasü Jisü lau ighi.

Mark 2:3

Tile anhükithimi lakhi timi bidi no kuhope no pa lau saghi.

Mark 2:4

Ikemu aqokitikhi shoxüsü ilo Jisü kupunu lukepu shimove kehu panoqo no Jisü no akeu ki shou iku amole xaphe püzü aküsüu hu awophe gholono kighiti piqi.

Mark 2:9

Anhükithiu vilo khikhiu pikeu no akümlau kea, ‘O xine qhive tsüae,’ ipikeu no keo, ‘Ithulo, o züa phi ikhiqhepe ala chelo,’ ipikeu no kea?

Luke 2:2

Quirinius no Syria lo angh shiche kelo hi no ajeküsü atüghüu ke.

Luke 4:14

Jisü ye Aghungu küka lono Galilee lo ideighi, eno pa ghili ye acheaxü kümtsü lo kügha wove.

Luke 4:38

Jisü no sinagog qhive no Simon kilo iloghi. Tipa tüqhüdo lo Simon pani ye mqhomzai aghamki keu no tsüghape akehu khami no li vehu pesü Jisü vilo pi.

Luke 5:15

Titoi pi apülaghi pa ghili alaushi ashou kügha ipeve, ikehu aqokitikhi kije no pa tsa chiluni ke eno panow küsükini jeli shipivi tsü penike pa lau shesü ighikhae.

Luke 5:24

Ikemu nongu pelo Timi Nu ye ayeghi lo axine qhitsüni keu kükagha anie pi ithi penike” —eno pa no anhü kithiu vilo pi— “I no o vilo piani, ithulo, eno o züaphi ikhipe aki lo wove lo.”

Luke 7:17

Hipa tsa lono Jisü ghili ye Judea qha eno acheaxü lo aghakhu kümtsü lo pikülha wove.

John 10:21

Ikemu kütamiqo no pi, “Atsa hipaqo ye tüghami no sa akemi launo kumo nani. Tüghami ye anhechemi nhethi xükholu nani keshea?”

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 15:23

Eno yesü ishi yetsü: “Athiküzümi, apostolmi, eno layemi no Jewkumomi küpülümi Antioch, Syria, eno Cilicia lo akemi lau petha tsü ani.

Apostolmi 15:41

Pa no Syria ngo Cilicia qhalo wuno akukuhomi shikumto tsüe.

Apostolmi 28:9

Kughou hi shikeno, züdoyeghi lo küsükinimi kütami ghi ighi no shikipivi ithulu.

Apostolmi 8:7

Kughengu timi kutomo philo mithekumo ghawu akeqo no aghügha küsashi ighasü ipeghi, aghi-anhü kithimi, eno aphiau kinita kemi shipivi ae.

JOSHUA 6:27

Ampeu no titoi Joshua gholo ae eno pa jekipi no ayeghiqha kümtsü lo acheke.