MATTHEW 4:23 - Sumi Naga CL (Re-edited) Bible (BSI)

²³ Jisü no Galilee qha kümtsü lo wuno sinagog lono timiqo shika, kungugha yekipe tsakiviu pesü sheshu, eno aküsü aghime jeli kümtsü shipivi tsü.

BAIBEL (BSI)

²³ Jisu no Galil qha kumtsulo wupuzu Sinagog lo timiqo kutsu eno akukayeh wu lokivipu sutsa pesu asheshu, eno timiqo gholo akusu puaghikeu jeli eno kusukini shi aghi keu jeli kumtsu pano shipivitsu.

Sümi Tiqhelimi Bible

²³ Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

MATTHEW 4:23 Iomraidhean Croise

LESHELE 103:3

Pa no o xine kümtsü pevetsü eno o küsü kümtsü shipivi tsü,

LESHELE 74:8

Panongu dolono pi, “Nino qhoi panongu qhasü luveni”; aghakhu lo Alhou kümlla-a kümtsü panongu no pitive tsüe.

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

MATTHEW 12:9

Jisü no chesü wuno sinagog lo ilo.

MATTHEW 13:19

Kughou khuana no Ayekipe Tsa chilu püzü ithikuthu moveni keno, alhoksau no ighi no pa mlo lo yisü mlano akeu piti süxape wuve cheni. Hi no khikhi alaphe lo vesülu keno apiti huke.

MATTHEW 13:54

eno pa phughi lo ighi kelo pa no sinagog lono timiqo kütsü, ikelo panongu no ighono akichiqhive no pi, “Timi hipau ye khile no alokütsü eno akumto kümla shinikeu ithulu kea?

MATTHEW 14:14

Pa no ashuka lono amkü tokelo aqokitikhi ithulu no panoqo jupe amlo ighiqhiyive püzü panoqo gholo küsükinimi shipivitsü.

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 9:35

Jisü no aphughi eno aphu kümtsü lo wuno sinagog lono timiqo kütsü eno kungugha yekipe tsakiviu pesü sheshu no aküsü ghime jeli kümtsü shipivi tsüe.

Mark 1:14

John kügha luve kethiu Jisü no Alhou tsakiviu pesü Galilee lo asheshu ighi,

Mark 1:21

Panongu no Capernaum lo wuve, eno Sabbath tsalani Jisü no sinagog lono kütsü ae.

Mark 1:39

Tishino pa no Galilee qha kümtsü lo wuno sinagog lono kütsü eno tüghaküsaqo haphe.

Mark 3:10

kughengu pa no timi kutomo shipivive kehu aküsü jeli xapu akemi kümtsü no pa buniye tsatsai kuko iloghi ke.

Mark 6:2

Sabbath tsalani pa no sinagog lono kütsüshika thuve, eno kutomo no ti chilu no akümzave püzü pi, “Timi hipau ye khilau no hipaqo vehu ithi kea? Kiu lokütsü pa tsü püani kea? Kishino akughushu kümla hitoi keqo pa no shilu ani kea?

Mark 6:6

Timiqo küpülü küküha ghenguno pa ye akümza qhiyive. Tileno pa ye acheaxü lo aphuqo lo itsü kütsüshika wuve.

Luke 10:9

Küsükinimi aghi keqo shipivi lo, eno panoqo vilo, ‘Alhou yekipe ye nongu kupunu ighivae,’ ipilo.

Luke 13:10

Sabbath lakhi lo Jisü no sinagog lono shika ae.

Luke 16:16

“John ghuloki kutolo Ayezah eno Tungkupu kakuqo pekishe sheshu ighi; tinguno tilau ye Alhou yekipe lo atsakiviu ghili sheshu ighi kelo kümtsü no tile ilo niye anguka shi shoxüsü cheni.

Luke 20:1

Ghulo lakhi lo Jisü no achineki lono timiqo shika eno atsakiviu sheshu akelo achinetomi, Ayezah shikükami eno layemi no ighi,

Luke 4:14

Jisü ye Aghungu küka lono Galilee lo ideighi, eno pa ghili ye acheaxü kümtsü lo kügha wove.

Luke 5:17

Ghuthu lakhi lo Jisü no shika akelo Phariseemi ngo Ayezah shikükami, khunoqo Galilee lo aphuqo eno Judea ngo Jerusalem lono ighi akeno, panongu ghi tile ae, eno shipivilu kepu Ampeu küka no pa gholo ae.

Luke 6:17

Jisü no panongu sasü iqi aqa lo ngove, eno pa khopemi kutomo no aqokitikhi kije Judea ngo Jerusalem eno azüghi mkülo Tyre ngo Sidon kümtsü lono ighi akemi gholo kumqo.

Luke 6:6

Sabbath kütau Jisü no sinagog lo ilo shika akelo au ajeu thive kemi timi lakhi tile aghi.

Luke 7:21

Tipa tüqhüdo lo Jisü ye aküsü jeli, püsa, eno aghawu lhoksa no sa-a kemi kutomo shipivi ae, eno anhechemi kutomo lau ithukulu tsüae.

Luke 7:22

Pa no pama khochile, “Wuno John vilo nokujo no kiu ithulu eno chiluve akeno pilo: anhechemi no anhetsü ithulu ani; kinitave kemi no ala chelu ani, apüghami no mithelu ani, akini kughupomi no chilu ani, kithimi xüputhuve ani, eno kumlhomi lau atsakiviu sheshu ani.

Luke 8:1

Tithiu Jisü no Alhou yekipe tsakiviu sheshusü mishighüna eno aphuqo lo wu. Akhopemi chighikini no pa gholo wu,

Luke 9:11

Kughou aqokitikhi no chilu keno panongu no shesü ighive, eno Jisü no alokivishi panongu ikhilu no Alhou yekipe tsa pesü pi, eno shikipivi avehupu shi akemi pa no shipivi tsü.

Luke 9:60

Jisü no pa vilo pi, “Kithimi no panow kithimi juqho apelo. Ikemu nou ye wuno Alhou yekipe sheshu lo.”

John 18:20

Jisü no khochile, “Ni ye ayeghiqha zülono piche. Ni ye sinagog ngo achineki khile Jewmi kümtsü no kumqo cheni keno, tile kütsüche; ni ye küsüuno kiumu pi püamoe.

John 6:59

Jisü no Capernaum lo sinagog lo shika akelono hipaqo pike.

John 7:1

Hipa thiu Jisü ye Galilee qha kümtsü itsü wuve. Pa ye Judea lo wumoe kughengu Jewmi no pa pithiveni ye phu ake.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 18:4

Sabbath atsütsü pa no sinagog lono kütsala no shika, eno Jewmi ngo Greekmi züiza niye pükapütsa che.

Apostolmi 20:25

I no ithi anike nongu khunoqo lau I no Alhou yekipe sheshuve akeno, itehi ye khilemu I ju ithulumae.

Apostolmi 28:31

mtotoi lakükha kühano Alhou yekipe ghili sheshu eno Ampeu Jisü Khristo ghili pesü kütsü shikache.

Rommi 10:15

Atsapemi puwumo keloye kishino panongu ye asheshuni kea? Ti ye ishi yepüake toi, “Atsakiviu sheshu chekemi pukhu ye kiu toi jukivi kelae!”