MATTHEW 3:12 - Sumi Naga CL (Re-edited) Bible (BSI)

¹² Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

BAIBEL (BSI)

¹² Pa ulo athi fuleve kepu phigha peani, eno pano pa niqa shikimthe puzu pa thi pekutsusawo alelo su nani, ikemu amu-uye ghapinhemla keu mi lono piti nani!”

Sümi Tiqhelimi Bible

¹² Paw fuleve kepu thigha ye pa u lo ani, eno pa no pa niqa shikimtheve püzü pa thì pekütsü pesü ale lo sǘ nani ikemu amuu ye khilemu ghapinhe müla keu mi lono pitive nani.”

MATTHEW 3:12 Iomraidhean Croise

JOB 21:18

Panongu ye ghuthu khije amülhü zülo khauteni toi, eno pasapagha no amuu fupewu ketoive akea?

LESHELE 1:4

Ikemu kixikilami ye tishimoe, pano ye amülhü no amuu fupe wuve ketoi ke.

LESHELE 35:5

Ampeuw kungumi no panoqo hale sawuve kelo panongu ye amülhü no amuu fuleve ketoi pelo!

ISAIAH 1:31

Akumtomi no asükügha toi, pa kümla no aghijini toi, khunomu ghapinhemla no kinikujo piti küqhave nani.

ISAIAH 17:13

Shiyeqo no azüghi kumto ghügha toi igha ani, ikemu Pa no sakiyi kelo panoqo no kushuo lo kuhave nani, amülhü no amuu fupe chekeshi eno pasapagha zülo ayeghimkhu toi Pa no hapupo nani.

ISAIAH 27:4

Ni ye aloghuide movae. Asahu ngo aghüsahu küpüghü kepu aghike aye, Ni ye tipaqo mjochile no qhoi pitiveni cheke.

ISAIAH 28:28

Asho mlanie pi athi kuboveni keshea? Moe, alukichiu ye qole auve chemoe, ikemu paw khurkulu no nephomla kepushi sawu cheni.

ISAIAH 30:24

eno alu kümla mishitsü ngo khurhaqo no aghijini kivi aniqa lono asüküba no xukütsü keu ithulu nani.

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

ISAIAH 5:24

Tighenguno, ami mili no aghijini eno atsaneghu kithi piti pühavetsü keshi, pano kuhu aghü ye tsümave ketoi nani eno pano kupu ye ayeghimkhu toi hauve nani; kughengu panongu no Aqokitikhi MPEU Yezah milive, eno Israelmiw Akimthe Lhou tsa jukünathave ke.

ISAIAH 66:24

“Eno panongu no kuwolau ye khunono I mjochile keno tipaqo kithi kumo ithulu nani. Kughengu panoqo kumo lo apitheqo ye khilemu thimo nani, eno ami no panoqo piti akeu khilemu inhemo nani. Panoqo ye timi kümtsü lau aphikümqhüpu shi ache nani.”

JEREMIYA 15:7

I no aphughi khagho lono asüküba pesü panongu vepuku no fule nani; I no Iw timi kütsavae, pano mlo ghujuve tsüae, panongu ye pano laghi lono tsüghü moe.

JEREMIYA 17:27

Ikemu nongu no I tsa inimo, Sabbath tsala akimthe shi qhimo, akho xapusü Sabbath tsala lono Jerusalem khagho veche ilo aye, I no ghapinhe mlakeu mi pesü Jerusalem khaghoqo eno liw jukivi kighikiqo pitive tsü nani.’”

JEREMIYA 4:11

Tipa ghuloki lo timi hipaqo eno Jerusalem vilo pi nani, “Asayeqha lo agha itsümo keu toghi lono amülhü kushu Iw timi ilimiqo küdau fupuku, ti ye fule nike momu shikimthe nike kumo,

JEREMIYA 51:2

I no Babylon lo amuu fuleche kemi puwu no fuleve nani, küsakusho tsala lo panongu no ako kümtsü lono ighi no li küghüküghaleive tsü nani.

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

HOSIYA 13:3

Tighenguno panongu ye inaqhe kimhi toi, momu itheno hauve keu tsüzü toive nani, aniqa lono amuu fupe wuve keu momu alashe lono amchhi phoipeghi ketoi nani.

AMUS 9:9

“Kughengu Julo, I no azah tsüno shiyeqo dolo Israel shiaye süküthü nani, ti ye akhoje no ijo akeshi ikemu atumüsü mu ijoqhimo nani.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

MATTHEW 13:30

Ghile tomoke kutolo küma kümtsa thuwu aghi pelo, eno ghile ghuloki lono I no ghilemi vilo pini, “Atüghüshi alupiqo nhüpe piti nike piqhe khavelo, ikemu athi thaqhü no pewo I lelo sülo.”’”

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

MATTHEW 13:42

eno panoqo pesü amiqo lo vesüve nani. Tile küqa kumlo eno ahu tsüghü bubushi nani.

MATTHEW 13:43

Ikemu amikuchomi ye panongu Papu kükaqha lo khetsünhe toi vünani. Khuu no akini ani keno pa no chilulo.

Luke 3:16

John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani.

Luke 3:17

Pa niqa shikimthe no athi pekütsüpe pa le lo sünike pa u lo athi xukütsü kepu süküba pe ani, eno amuu ye pa no ghapinhe kümlapu mi lono pitive nani.”

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.