MATTHEW 3:11 - Sumi Naga CL (Re-edited) Bible (BSI)

¹¹ “Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

BAIBEL (BSI)

¹¹ Niye azu pesu nongu baptiz shitsu cheni, tiye nonguye axine lono Alhou lau xaide ghiveapi piyekeu ke, ikemu ithiu milakhi ighini akeuye Aghungu Kimthe eno ami pesu nongu baptiz shitsu nani. Paye inguno shishe akijeue; niye pa pukhu kuqho mu petsu kuzupu kumoe.

Sümi Tiqhelimi Bible

¹¹ “Nongu mlo pebide penike ghenguno ni ye azü pesü nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqhomu pe küzü kumoe. Pa no Aghungu Kimthe eno ami pesü nongu baptiz shitsü nani.

MATTHEW 3:11 Iomraidhean Croise

ISAIAH 4:4

Ampeu no Zion limiqo xine qhuve tsüno küghatha kepu mi pesü Jerusalem no aji dapu akeu pitive kethiuno titoi shinani.

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

MATTHEW 3:6

eno panoqo xine piphe kelo pa no Jordan ghoki lono baptiz shitsü che.

Mark 1:4

John no yenguyi ke-a lo baptiz shisü ighi eno axine qhitsü kepushi Alhou lau xaide ighi no baptiz shilu penike sheshu.

Luke 1:17

Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”

Luke 3:16

John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani.

Luke 3:3

Pa no Jordan sükümxa kümtsü lo axine qhivetsü penike xaide no baptiz shimasa keu tsa pesü sheshu wu.

John 1:15

(John no ighamku ishi Pa shepe shitsü, “I no khuu ghili pesü, ‘Khuu I thiu cheni keno Pa no I nguno akiqheue, kughengu Pa ye I züuno acheghivae’ ipiche keno tihu Pa ke.”)

John 1:30

I no, ‘Timi lakhi I thiu cheni, ikemu Pa ye I nguno akiqheue, kughengu Pa ye I züuno acheghi ke’ ipikeu huye Pa ke.

Apostolmi 1:5

kughengu John no azü pesü baptiz shitsüe, ikemu ado kushuo kumo lo Aghungu Kimthe pesü nongu baptiz shitsü nani.”

Apostolmi 19:4

Paul no pi, “John baptizkishi ye timiqo vilo milakhi pa thiu chekeu, ti ye Jisü, shou pülübe lo pikeu, axine lono xaidekeu baptizkishi ke.”

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

Apostolmi 8:38

Khurkulu ngolo pi pa no azah tsü, eno pama azü lo ilo püzü Philip no pa pesü baptiz shivetsü.

1 Kor. 12:13

Kughengu Aghungu lakhi lono ningu kümtsü aphimpi lakhi lo baptiz shisüe—Jewmi momu Greekmi na, aqüaxemi momu ghoshixümi namu—eno kümtsü pelo tipau Ghungu yelu peke.

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”