MATTHEW 27:19 - Sumi Naga CL (Re-edited) Bible (BSI)

¹⁹ Tilikhi kumono Pilate no küghakütha lakhü lo iqa akelo pa nipu no atsa lakhi pa lau pi puwu, “Amikuchomi tipau shou kiumu shikevilo, kughengu iji I samou no ni ye pa ghenguno shishe imevae.”

BAIBEL (BSI)

¹⁹ Kughou Pilat no kughakilo iqa akeno, pa nipuno aghini lakhi pa lau shipuwu ghi ishipi, “Amikuchomi tipau shou kiumu shikepu kumoe, kughengu pa ghenguno iji isamou niye shishe ime puanie.”

Sümi Tiqhelimi Bible

¹⁹ Kughou Pilate no xakütha lakhü lo iqa akeno, pa nipu no asütsa hitoi pa lau pi puwu, “Akipimí küha keu timi tipau shou kiumu shikepu kumoe, kughengu ìji I samou ni ye pa ghenguno aloqhi ime püani ke.”

MATTHEW 27:19 Iomraidhean Croise

BOTHUBO 31:11

Tileno Alhouw kungumi no asamou no I vilo pi, ‘Jacob,’ eno I no pi, ‘Ni hile ani!’

BOTHUBO 31:24

Ikemu putho lo Alhou no asamou no Arameami Laban lau ighi no pa vilo pi, “Jacob vilo alhoksa momu akivi kiumu pimo kepushi kutokupui lo.”

BOTHUBO 31:29

O ghüzalu kepu küka I u lo ani. Ikemu iji o pu Lhou no I pütsa no, ‘Jacob vilo alhoksa momu akivi kiumu pimo kepushi kutokupui lo,’ ipie.

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

MATTHEW 1:20

Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke.

MATTHEW 2:19

Herod thive kethiu julo, Ampeuw kungumi lakhino Egypt lo asamou no Joseph lau ipeghi,

MATTHEW 2:22

Ikemu kughou pa no Herod nu Archelaus no Judea lo papu a-lo ka anipi chilu keno, pa ye tilau wonikeu msave, eno asamou no kütüghü püa kehu tipa qha vechesü Galilee tokukujo lo wuve.

MATTHEW 27:18

Panongu ye Jisü ju anheshu kelauno ikhiphepe tsüvae pi Pilate ye ithi ae.

MATTHEW 27:24

Kughou Pilate no pa ye kiumu shimlave keu ithive, eno halau no mqhumza ipeghiuve keno, pa no timiqo zülono azü pesü pa u mütsüve no pi, “Timi hipau ji pelekeu lo I kipimi kühae, hi ye nongu makhoae.”

MATTHEW 27:4

eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

Luke 23:41

Monimo aye nikujo ye ni kümla jume achipi lono ithulu ani, ikemu timi hipau ye kiumu pimi püamoe.”

Luke 23:47

Aqhe shou zatsüu no ti kümtsü ithulu no Alhou sheqhe, “Mtsüqheino timi hipau ye akipimi küha kena!”

John 19:13

Pilate no atsa hipaqo chilu kelo, pa no Jisü sasü khalau ipeghi no Atuqu khache, ipi chekeu, küghakütha lakhü lo iqave, Aramaic tsauno Gabbatha ipi cheni.

Apostolmi 12:21

Kihitha püake tsalani Herod no aküka phimini pepusü kükalakhü lo iqa, eno panongu vilo sheshu.

Apostolmi 18:12

Ikemu kughou Gallio no Achaia lo angh shive keno, Jewmi kümtsü küqha no Paul küghape küghaki lo saghi,

Apostolmi 18:16

Eno pa no küghaki lono panongu hapheve.

Apostolmi 18:17

Tileno timi kümtsü no sinagog yepeu Sosthenes tsüqü luve no angh zülono pa heqhi thuve. Ikemu Gallio no kiumu alomsü tsümoe.

Apostolmi 25:10

Ikemu Paul no pi, “Ni ye Caesar küghaki zülo puthugho ani, eno tileno I shou küghatha tsü masae. No ampi no akivishi ithi aketoi ni ye Jewmi lau kiumu pimi püamoe.

Apostolmi 25:17

Ikehu kughou panongu no kümtsa hile ighi keno, ni ye ado süpushu tsümoe, ikemu thoghiu ye küghaki lo ngono timi hu sailoghi lopi azah tsüe.

Apostolmi 25:6

Panongu gholo atsala tache ngo chighi dolo ngove kethiu, pa ye Caesarea lo iqive. Thoghiu pa no küghaki lo iqa no Paul saghi lopi azah tsü.

1 Peter 2:22

Pa ye axine kiumu shipüamoe, ti ke kumono akimki tsa mu Pa kichi lo shesülu püamoe.

1 John 2:1

I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.