MATTHEW 26:63 - Sumi Naga CL (Re-edited) Bible (BSI)

⁶³ Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

BAIBEL (BSI)

⁶³ Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

Sümi Tiqhelimi Bible

⁶³ Ikemu Jisü ye inaqhoi ngove. Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”

MATTHEW 26:63 Iomraidhean Croise

KUKAMI ATUGHIU 22:16

Ikemu akükau no pa vilo pi, “Ni ye ghuthu khije nono Ampeu je lono pi kelo, kuchou nguno kütau ye pipemo nike o pelo ashoqhi shipeni kea?”

YEKIKITHI AKINIU 18:15

Ikemu akükau no pa vilo pi, “O pelo Ampeu je lono kuchou kumo aye kütau kiumu pipemo nike ni ye ghuthu khije o pelo ashoqhi shipeni kea?”

LESHELE 42:2

I ngulho no tüghüthi Alhou, aküxüpu Lhou phucheni. Kughono ni ye Alhou zülo wuluni kea?

AHOLE 29:24

Küpkami küsami shikeu ye pa likhi pa ghümi, timi no pa ghusho keu chilu apülaghi pa ye kiumu pichemoe.

ISAIAH 53:7

Pa nedaqoda eno ghimeqhi ke, ikeghi pa ye atsa lakhimu piqhimoe; ambeti lakhi hekiqhiki lo sawu cheke toi, eno ambe no pa mhi ghoche kemi zülo inaqhoi ngo ketoi Pa ye atsa lakhimu piqhimoe.

DANIEL 3:16

Shadrach, Meshach, eno Abednego noqo no khochile akükau vilo pi, “O Nebuchadnezzar, hipau vehu lo ningu ye o khochileni keu avehupu kühae.

ACHINE 5:1

“Khuana no küqüve no thopi shi penike aqha zülono inijuni, eno timi lakhino pa ye ithulu püani momu ithi ani kehu thopi tsülu nani kemu pimove aye, timi hupau kipimi pa no xapuni;

MATTHEW 16:16

Simon Peter no khochile, “No ye aküxüpu Lhou nu Messiah ke.”

MATTHEW 26:62

Achinetou no puthughove no Jisü vilo pi, “Timi hi pama no o shou ngukube akeu lo khokichile küha keo?”

MATTHEW 27:12

Ikemu achinetomi ngo layemi no pa nguku kelo pa ye kiumu khochile moe.

MATTHEW 27:14

Ikemu Jisü no atsa lakhimu khochilemo, ikehu Angh ye shishe akichiqhive.

MATTHEW 27:40

eno pi, “No achineki xaleve no ghulo küthü lono shipuku luveni küau, no ampi xaluve lo! Nono Alhou Nu shiaghi aye kros lono iqighive lo.”

MATTHEW 27:43

Pa no Alhou shou pükhübe chenike Alhou ye pa xapheni shinani mala junie. Kughengu pa no, ‘Ni ye Alhou Nu,’ ipi chenie.”

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

Mark 14:61

Ikemu Jisü no inaqhoi ngove no kiumu khochilemo. Achinetou no itaghi Pa vilo ighiju, “No ye Kükümghau Nu Messiah keshea?”

John 1:34

I no ithulu no nongu vilo ashepe shitsü anike hi no Alhou Nue.”

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 10:24

Jewmi no pa süho luve no pa vilo pi, “No ye ningu pelo khitohi o khelho apeni kea? Nono Khristo ipi aye, ni vilo vejoi pivelo.”

John 10:30

Ni eno Apu ye lakhie.”

John 10:36

I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 19:7

Jewmi no pa khochile, “Ningu ye Ayezah ani, eno Ayezah tipau kiqilo pa ye thive masae, kughengu pa no pa ampi pesü Alhou nu shiveke.”

John 19:9

Pa no oking lo itaghi ideilo no Jisü vilo pi, “No ye khilano ighi kea?” Ikemu Jisü no kiumu khochilemo.

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 6:69

eno no ye Alhouw Akimtheu kepi nino pülü luve no ithivae.”

John 8:25

“No ye khu kea?” ipi panongu no pa vilo ighiju. Jisü no pi, “Abothu lono I no nongu vilo pi akeu huke.

2 Kor. 1:19

Alhou Nu Jisü Khristo khuu Silas, Timothy, eno ni küthü no nongu lau sheshu keno, Pa ye Iyei eno Moe kühae, ikemu Pa gholo ye alhokuthu Iyei ke.

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.

SAMUEL ATUGHIU 14:24

Israelmi ye tipa tsalani shishe akulho shive, ikehu Saul no timiqo lau ashoqhi shino pi, “Timi khuu no avela shimphi züuno eno I ghümi shou amkhü lumphi züuno achuqupu chuveni keno angusüpue.” Ikehu khunomu achuqupu miche move.

SAMUEL ATUGHIU 14:26

Kughou timiqo no aghasa lo ighi keno, julo, akhingozü ijiqi aghi, ikemu khunomu au no chope akichi lo sümoe, kughengu timiqo ye ashoqhi msa ae.

SAMUEL ATUGHIU 14:28

Tileno timi lakhi no pi, “O pu no mtütüi ashoqhi timiqo lau shino pi, ‘Ishi tsala lo khuu no achuqupu chuveni keno ahasapue.’ Ikehu timiqo ye lhovae.”