MATTHEW 26:39 - Sumi Naga CL (Re-edited) Bible (BSI)

³⁹ Pa no kitila azüu wuno agi no ayeghi dape inikhu, “I Pu, shikulupu shi aye ajukhu hipau I launo ikhiluve tsülo; tishinamu I gho kumono o pulou shilo.”

BAIBEL (BSI)

³⁹ Pano azuu kitila wupuzu agi pishiqho itsaqi ishi inikhu, “O iPuh, hi shivekulupu shi aghiaye, ajukhu hipau ilauno ikhisuwuvelo! Tishiepimu, igho kumono ogho shilo.”

Sümi Tiqhelimi Bible

³⁹ Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”

MATTHEW 26:39 Iomraidhean Croise

BOTHUBO 17:3

Tile Abram no pa gi pishiqho luve. Eno Alhou no pa vilo pi,

SAMUEL AKINIU 15:26

Ikemu tsala Pa no, ‘O lau I mlokiqi kühae,’ ipi aye, julo, ni hile ani, Pa no kiu no akivi keno I lau shipeni.”

YEKIKITHI ATUGHIU 21:16

David no Ampeuw kungumi atsütsü ngo ayeghi dolo puthugho no pa u lo azütakikihi süjope Jerusalem küdau chhopuwo aghi keu ithulu. Ikehu David ngo layemiqo no yeqhiyephi pepusü itsaqive.

ISAIAH 50:5

Ampeu Alhou no I kini xükhove tsüae, eno ni ye hebide püamoe; Pa launo tsüghüve püamoe.

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

EZEKEL 1:28

Tsüghu ake tsalani khüngküsü lo milisü ju kimihi toi tipau ju ye yevüqai keu no vehomxape ae. Ampeu juküvü ju kimihi ye titoi ke. Kughou I no ti ithulu keno, I no agi pishiqho luve, eno asütsa lakhi I pütsa keu I no chilu.

AKIKIHI 14:5

Ikelo Moses ngo Aaron pama no Israelmi qoaho kümtsü zülono iqi agi no ayeghi daluve.

AKIKIHI 16:22

Ikemu pama no ayeghi lo pishiqho ghi itsaqi no pi, “O Alhou, timi ghungu kümtsü shou Alhou, timi lakhi xine ghenguno no ye ahohomi kuchopu shou agha ideni keshea?”

MATTHEW 20:22

Ikemu Jisü no khochile, “Nongu no kiu khu ani keno nongu ye mtha aphie. I no shoniye akeu jukhu nongu ye sholu nani keshea?” Pama no khochile, “Nikujo ye tishilu nani.”

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 26:42

Itaghi, ghuthu akiniu Jisü no wuno ishi inikhu, “I Pu, ajukhu hipau I no shomo kelo ikhiluve tsümla aye, o pulou shilo.”

Mark 13:22

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

Luke 17:16

eno Jisü pukhu philo iqi pa gino ayeghi dape shikimthi tsüe, pa ye Samariami.

John 11:41

Ikehu panongu no atuqu ikhive. Eno Jisü no kunguu jupuku no pi, “Apu, Nono I tsa chilu tsüke ghenguno I no O shikimthi ani.

John 14:31

ikemu ni ye Apu no azah I tsüke toi shicheni, tishianguno ayeghilomi no ni ye Apu kimiye cheni kepi ithi peniye ke. Ithulo, ningu hileno wuveni.”

John 18:11

Jisü no Peter vilo pi, “O azütakikihi pesü asükhi lo süvelo. Ni ye Apu no I pelo shope niye tsükeu jukhu shomoni keshea?”

John 5:19

Ikehu Jisü no panoqo vilo pi, “Kuchou no I no nongu vilo piani, Anu ye pa kutoshino kiumu shimlae, ikemu Apu no shiaghi keu pa no ithulu keu likhi shicheni. Apu no kiu shi keno Anu ghi tishi cheni.

John 5:30

“Ni ye I ka-agha loye kiumu shimlae. I no chilu no küghatha cheni, eno Iw küghakütha ye achipie, kughengu ni ye I gho-apulou kumono I puwu keu gho-apulou shicheni.

John 6:38

Kughengu ni ye I pulou shiniye kungugha lono iqighike kumoe, ikemu I puwu keu pulou shiniye ke.

Apostolmi 10:25

Peter no aki alou iloghi kelo Cornelius no pa sasü kusho, eno pa pukhu philo itsaqi no pa mlla.

FILIPIAMI 2:8

Eno timi lhoaye kimihi shino pa ampi kuchunipe akithi, ti ye Kros lo kithi, kutolo aghokulu shive.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.