MATTHEW 26:31 - Sumi Naga CL (Re-edited) Bible (BSI)

³¹ Tile Jisü no panoqo vilo pi, “Itiji nongu kümtsü I qhive no pokhave nani. Kughengu ishi yepüani, ‘I no ambekheu ghiqhive nani, eno ambe loji ye apanaghave nani.’

BAIBEL (BSI)

³¹ Tilehi Jisu no panoqo vilo ishipi, “Itiji nongu kumtsu pokhave nani eno ilikhi qhiveni cheni, kughengu kuchoyesulo ishi yepuani, ‘Ino bherikheu heqhipithive nani, tileno bheri lojiye apanagha kohave nani.’

Sümi Tiqhelimi Bible

³¹ Tisheno Jisü no panongu vilo pi, “Itiji nongu kümtsü pokhave no I likhi qhive nani, kughengu ishi yèpüani: “ ‘I no ambe kheu pìthíve nani, eno ambe lojiqo ye apanaghave nani.’

MATTHEW 26:31 Iomraidhean Croise

LESHELE 38:11

I küsami eno I poshumi ghi I ghime lono putosü auvae, eno abolomi I punukhoi akeu ghi putou puthugho auvae.

LESHELE 69:20

Piküptha no I mlo hepho tsü kehu ni ye amlo ghuju shi ani. Küpüqhiyi tsü peniye I no laju, ikemu khumu aghi moe, alokughuno tsü peniye kemu khumu ithumlae.

LESHELE 88:18

Nono I qhuu eno I küsau pelo I qhivepe; aküzü no I küsau shivae.

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

AKUMLO 1:19

“I no I kimiye chekemi kue, ikemu panoqo no I pishiqhive; I chinemi eno layemiqo ye panoqo kumto püxü kitheni ye achuqupu phuche kelono mishighüna lono pühavae.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

MATTHEW 11:6

Khunono I jupe apukhu püsü moni keno akümghapue.”

MATTHEW 26:24

Kuchoyesü lo pa ghili yepüake toi Timi Nu ye wuve nani, ikemu khuu no Timi Nu thechu keno pa hasapue! Timi tipau ghengu ye punu move keu pavini chekena.”

MATTHEW 26:56

Ikemu tungkupmi no Kuchoyesü lo yepüa keu shikupu niye hi kümtsü shi ani.” Tileno akhopemi kümtsü no pa qhive no pove.

John 16:32

Julo, atüqhüdo cheni, eno mtsüqheino ighivae, nongu kümtsü pütüta kilo apanaghave nani, eno I likhi qhive nani. Ikeghi ni ye I likhive monani, kughengu Apu no I gholo ani.