MATTHEW 26:24 - Sumi Naga CL (Re-edited) Bible (BSI)

²⁴ Kuchoyesü lo pa ghili yepüake toi Timi Nu ye wuve nani, ikemu khuu no Timi Nu thechu keno pa hasapue! Timi tipau ghengu ye punu move keu pavini chekena.”

BAIBEL (BSI)

²⁴ Timi Nu huye kuchoyesulo pa ghenguno yepuakeu toi thive nani, ikemu timi khuuno Timi Nu pesu thechu shinikeno pa ghenguno kiutoi ahakusapu kela! Timi tipau ghenguye pa punumove keu pavini cheke!”

Sümi Tiqhelimi Bible

²⁴ Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”

MATTHEW 26:24 Iomraidhean Croise

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

LESHELE 55:15

Akithi no pano küghaluve pelo; aküxü no Kithigha lo iqive pelo; kughengu alhoksa no panoqo kungo-a eno pano lolo anie.

LESHELE 55:23

Ikemu O Alhou, kütsakungo keu qo lo Nono panoqo kulusüve nani; ajiküxümi ngo thekuchumi ye pano küxüdo tüxamu xüwo tomo nani. Ikemu ni ye O pükhübe ache nani.

DANIEL 9:26

Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

MATTHEW 18:7

“Axine lo ghuju sawuve keu ghenguno ayeghiqha hasapue! Kughengu ghukuju ye ighi masa nani, ikemu khuu vecheo ghukuju ighini keno pa haküsapue!

MATTHEW 26:31

Tile Jisü no panoqo vilo pi, “Itiji nongu kümtsü I qhive no pokhave nani. Kughengu ishi yepüani, ‘I no ambekheu ghiqhive nani, eno ambe loji ye apanaghave nani.’

MATTHEW 26:54

Ikemu tishive aye Kuchoyesü lo hitoi shimasae pi püakeu ye kishino shikupuni kea?”

MATTHEW 26:56

Ikemu tungkupmi no Kuchoyesü lo yepüa keu shikupu niye hi kümtsü shi ani.” Tileno akhopemi kümtsü no pa qhive no pove.

Mark 14:21

Kughengu Timi Nu ye pa ghili yepüake toi wuve nani, ikemu khuu vecheo Timi Nu thechu ani keno, timi tipau ye ahasapue! Pa ye punu move keu pavini chekena.”

Mark 9:12

Pa no khochile, “Elijah paghi no thokha kümtsü athoputho tsünike cheni. Maye kushiye Timi Nu no aghime shimasa keu eno pa kiphikumo shi kileveni keu ghili yepüani kea?

Luke 22:22

Kughengu Timi Nu ye kughu püake toi wuve nani, ikemu khuu vecheo pa thechu keno, timi tipau ye ahasapue!”

Luke 24:46

eno pi, “Ishi yepüani, Khristo ye aghime shino aküthüni no akithi lono xüthughi masae,

John 17:12

I no panoqo gholo akelo ni ye O je lono Nono I tsükeqo khekuto cheke. I no panoqo süsho che, eno Kuchoyesü shikupu niye kütsakungo nu no kumo aye panoqo gholo lakhimu pühamoe.

John 19:24

panongu lakhi no lakhi vilo pi, “Ningu hipau ye süxü kije moni, ikemu khuu sala shikepu keno asaqhini.” Hi ye Kuchoyesü lo ishi yepüakeu shikupu niye ke: “Panongu no pano dolono I phimini kije luve, eno I phiküzü ghenguno panongu no asaqhie.” Ikehu ghüshimiqo no hitoi shi,

John 19:28

Thokha kümtsü shikupuvae pi Jisü no ithive kethiu (Kuchoyesü shikupu nike) pa no pi, “Ni ye tüghüthi ani.”

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

Apostolmi 4:28

Nono azünatha kughu püakeu panongu no shike.

1 Kor. 15:3

Kughengu I no kiu ithulu keno ti ye ighono akhotou kepi nongu lau ikhiphe tsü: ti ye Kuchoyesü kiqi lono Khristo no ni ghenguno thive tsü,