MATTHEW 26:10 - Sumi Naga CL (Re-edited) Bible (BSI)

¹⁰ Jisü no ti vethaluve no panoqo vilo pi, “Nongu ye kushiye atotiu pünaqhi ani kea? Li ye I ghenguno jukighilepu shive tsüae.

BAIBEL (BSI)

¹⁰ Panonguno kiu piakeno Jisu no ithiae, ikehu panoqo vilo ishi pive “Nonguye kushiye totimi hipau punaqhi ani kya? Lino ighenguno jukighilepu lakhi shivetsuae.

Sümi Tiqhelimi Bible

¹⁰ Tishi akeu ithi akehu, Jisü no panongu vilo pi, “Nongu ye kushiye totimi hipau küpüna ani kea? Li ye akivishi I gihu keu kümlà shivae.

MATTHEW 26:10 Iomraidhean Croise

NEHEMIA 2:18

Akivipu ghenguno Alhou no kishi I gholo ani, I kuphu eno akükau no I vilo kiu pi keno, I no panoqo vilo pi. Ikelo panongu no pi, “Ningu ithu no shiqhe pukuni.” Ikehu panongu no pano u shikumto no akümla kivi shinike huthuve.

JOB 13:7

Nongu ye Alhou ghenguno alatsa pi eno pishiqhini keshea?

MATTHEW 26:11

Kughengu kumlhomi ye alhokuthu nongu gholo anani, ikemu ni ye alhokuthu nongu ani chemoe.

MATTHEW 26:9

Hi ye ame kutomo no jepe kumlhomi tsükulupu shiae.”

Mark 14:6

Ikemu Jisü no pi, “Li ghenguno alomsü kevilo. Nongu ye kushiye li pünaqhi ani kea? Li ye I lau jukivi kümla shive tsüae.

Luke 8:49

Pa no atsa pi aphi lono timi khami yepeu ki lono ighi no pi, “O nga ye thive ake Akükütsüu püna akevilo.”

2 Kor. 9:8

Eno Alhou ye kupukuno shi nongu kümghatsü kulupu ani, tishianguno ado kümtsü lo kiukiu lomu nongu no avehupu shikeu lukümkha shilu nani, eno akümla kivi kümtsü lo nongu ye ikoishelu nani.

Galatiami 1:7

Kütau tsakiviu anike kumoe, ikemu timi khami no aküpüna nongu tsüno Khristo tsakiviu tuchighive tsünishi ani.

Galatiami 5:12

Khunono nongu pünaqhi ani keno ni ye panongu phighü pichive penishi ani!

Galatiami 6:17

Hinguno hilauye timi khumu I pünaqhi kevilo, kughengu ni ye I phimpi lo Jisü zaku xapu anie.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

2 Thes. 2:17

Pa no akümla eno atsa kivi pesü nongu mlo lokughuno tsüno shikumto tsü apeniu.

1 Tim. 3:1

Akipitsa hi ye pükhübe kulupue: Khukhumu akukuhou lo jukükütsümi shinishi aye, pa ye agigihupu kümla shinike pulo ani.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

2 Tim. 2:21

Tighenguno khukhumu alhoksa lono pa shikimthe luve aye, pa ye akhoto vehu lo peitha chekeu thime toi kishekimthepe aki Mpeu vehupu lo peitha kivishi akümla kivi ghenguno kutope qhinani.

Titus 1:16

Panongu no Alhou ithi anie picheni, ikemu pano kümla lono Pa milive cheni. Panongu ye aphikümqhüpu, hekibidemi, akümla kivi shikulupu qhemi kühae.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Titus 3:1

Yepemi ngo kükagha kipemi qhoqhü penike panongu ghutu lo, aghokulu shino akümla kivi shinike kutolo pilo.

Titus 3:14

Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.